മുഖ്യമന്ത്രിയോട് ചോദ്യങ്ങളുമായി മോഹന്ലാല്; 'ഇരുവര്' അഭിമുഖത്തിന്റെ ടീസര് പുറത്ത്
മലയാളത്തിന്റെ പ്രിയ നടന് മോഹന്ലാല് കേരള മുഖ്യമന്ത്രി പിണറായി വിജയനെ അഭിമുഖം ചെയ്യുന്ന 'ഇരുവര്' എന്ന പരിപാടിയുടെ ടീസര് പുറത്തിറങ്ങി. ടീസര് സോഷ്യല് മീഡിയയില് ശ്രദ്ധ നേടുന്നു. പ്രശസ്ത സംവിധായകന് ടികെ രാജീവ് കുമാറിന്റെ നേതൃത്വത്തിലുള്ള സംഘമാണ് ഇതിന് പിന്നില് പ്രവര്ത്തിക്കുന്നത്. മുഖ്യമന്ത്രി പിണറായി വിജയനുമായി മോഹന്ലാല് നടത്തിയ അഭിമുഖം വ്യാഴാഴ്ച സംപ്രേഷണം ചെയ്യും.
ഒരു സിനിമാ റിലീസിനെ അനുസ്മരിപ്പിക്കുന്ന വിധം വലിയ ആകാംക്ഷയോടെയാണ് പ്രേക്ഷകര് ഈ ടീസറിനെ വരവേല്ക്കുന്നത്. മുഖ്യമന്ത്രിയുടെ രാഷ്ട്രീയ ജീവിതവും വ്യക്തിപരമായ വിശേഷങ്ങളും ഉള്ക്കൊള്ളുന്നതാണ് ഈ അഭിമുഖമെന്നാണ് ടീസറില് നിന്നുള്ള സൂചന.
പുറത്തുവന്ന ടീസറില് മോഹന്ലാല് ചോദിക്കുന്ന ചില ചോദ്യങ്ങള് ഇതിനോടകം ചര്ച്ചയായിക്കഴിഞ്ഞു. 'എന്റെ സിനിമാ ഡയലോഗ് ഓര്മ്മയുണ്ടോ?', 'മുഖ്യമന്ത്രിക്ക് ഇഷ്ടപ്പെട്ട സിനിമ ഏതാണ്? തുടങ്ങിയ കൗതുകകരമായ ചോദ്യങ്ങള് ലാല് ഉയര്ത്തുന്നുണ്ട്. ജീവിതത്തില് എന്നെങ്കിലും പശ്ചാത്താപം തോന്നിയ കാര്യം ഉണ്ടോ എന്ന ഗൗരവകരമായ ചോദ്യത്തിനും മുഖ്യമന്ത്രി മറുപടി നല്കുന്നുണ്ട്. മറുപടികളിലെ ആകാംക്ഷ നിലനിര്ത്തിക്കൊണ്ടാണ് ടീസര് അവസാനിക്കുന്നത്. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസില് വെച്ച് കഴിഞ്ഞ ദിവസങ്ങളിലായി ചിത്രീകരണം പൂര്ത്തിയായി.
തിരുവനന്തപുരത്ത് എത്തിയപ്പോള് മുഖ്യമന്ത്രിയുമായി നടത്തിയ കൂടിക്കാഴ്ചയ്ക്കിടെയാണ് ഇത്തരമൊരു പരിപാടിയെക്കുറിച്ച് പിണറായി വിജയന് ലാലിനോട് സൂചിപ്പിച്ചത്. മോഹന്ലാല് സസന്തോഷം സമ്മതിക്കുകയായിരുന്നു. മുന്പ് ഉമ്മന് ചാണ്ടിയേയും മോഹന്ലാല് ഇത്തരത്തില് ഒരു അഭിമുഖം നടത്തി ശ്രദ്ധ നേടിയിട്ടുണ്ട്. മുഖ്യമന്ത്രിയുടെ രാഷ്ട്രീയ കാഴ്ചപ്പാടുകളും സര്ക്കാരിന്റെ പ്രവര്ത്തനങ്ങളും ലാലുമായുള്ള സൗഹൃദ സംഭാഷണത്തിലൂടെ ജനങ്ങളിലേക്ക് എത്തുമ്പോള് അത് പുതിയൊരു അനുഭവമായിരിക്കും.
https://www.facebook.com/Malayalivartha
