അബുദാബി∙ അബുദാബി ഡ്യൂട്ടി ഫ്രീ ബിഗ് ടിക്കറ്റ് നറുക്കെടുപ്പിൽ മലയാളിയായ ദേവാനന്ദന്‍ പുതുമണം പറമ്പത്തിന് ഏകദേശം ഒന്‍പത് കോടി രൂപ(50 ലക്ഷം ദിർഹം) സമ്മാനം. കഴിഞ്ഞ ദിവസം നടന്ന നവംബര്‍ മാസത്തെ നറുക്കെടുപ്പിലാണ് ഭാഗ്യദേവത കടാക്ഷിച്ചത്.
ദേവാനന്ദൻ എടുത്ത 085303 നമ്പർ ടിക്കറ്റിനായിരുന്നു സമ്മാനം. ബിഗ് ടിക്കറ്റ് മില്യനയർ നറുക്കെടുപ്പിൽ ഏറ്റവും കൂടുതൽ സമ്മാനം സ്വന്തമാക്കിയിട്ടുള്ളത് ഇന്ത്യക്കാരാണ്. 15 നറുക്കെടുപ്പിൽ 12 ഉം ഇന്ത്യക്കാർക്കായിരുന്നു. ഇവരിൽ‌ മലയാളികളാണ് കൂടുതലും.

ഭാരവാഹികൾ ഫോൺ വിളിച്ചു ലോട്ടറി അടിച്ച വിവരം പറയുമ്പോൾ എനിക്ക് വിശ്വസിക്കാൻ കഴിഞ്ഞില്ല ആരെങ്കിലും പറ്റിക്കുന്നതായിരിക്കും എന്ന് വിചാരിച്ചു. പിന്നീട് ഇമെയിൽ കിട്ടിയപ്പോൾ പറഞ്ഞറിയിക്കാനാകാത്ത സന്തോഷം. കുട്ടികളുടെ വിദ്യാഭ്യാസം അതാണ് ഏറ്റവും പ്രധാനം. 10 പേർ ചേർന്നെടുത്ത ടിക്കറ്റ്. ഭൂരിപക്ഷവും മലയാളികൾ. 20 ശതമാനം ദേവനന്തന്. ദേവനന്തനായിരുന്നു ടിക്കറ്റെടുത്തത്. ലോട്ടറി തുകയിൽ ഒരു ഭാഗം കിട്ടുന്ന ലിവിൻ വിൻസെന്റിന്റെ വിവാഹം അടുത്തമാസം. ഹണി മൂൺ പാരിസിലേക്കെന്നു ലിവിൻ.

1992 മുതൽ നടന്നു വരുന്ന നറുക്കെടുപ്പിൽ ഒാരോ മാസവും പ്രീതി വർ‌ധിച്ചുവരികയാണ്. നേരത്തെ ബിഗ് ടിക്കറ്റ് നറുക്കെടുപ്പിൽ അമേരിക്കയിലെ മലയാളി വനിതാ ഡോക്ടർ മലപ്പുറം സ്വദേശി പരപ്പനങ്ങാടി സ്വദേശിനി നിഷിതാ രാധാകൃഷ്ണ പിള്ളയ്ക്ക് 18 കോടിയോളം രൂപ(10 ദശലക്ഷം ദിർഹം)യും ഇൗ വർഷം ഫെബ്രുവരിയിൽ തൃശൂർ വരന്തരപ്പള്ളി സ്വദേശി ശ്രീരാജ് കൃഷ്ണന് ഇതേ നറുക്കെടുപ്പിൽ 12 കോടി രൂപയും സമ്മാനമായി ലഭിച്ചിരുന്നു