നെടുമ്പാശേരിയില്‍ മദ്യലഹരിയില്‍ മിനി കൂപ്പര്‍ കാറോടിച്ച് മൂന്നുപേരുടെ ജീവനെടുത്ത പ്രതിക്ക് പ്രായപൂര്‍ത്തിയായവര്‍ക്ക് ലഭിക്കുന്ന ശിക്ഷ ഉറപ്പാക്കണമെന്ന് മേജര്‍ രവി. പ്രതിയായ സുഹൈലിനെ ബോസ്റ്റല്‍ സ്‌കൂളില്‍ പാര്‍പ്പിച്ചതിനെയും മേജര്‍ രവി വിമര്‍ശിച്ചു. പണത്തിന്റെയും സ്വാധീനത്തിന്റെയും ബലത്തില്‍ കാട്ടിക്കൂട്ടുന്ന അഹങ്കാരത്തെ സമൂഹം ഒറ്റപ്പെടുത്തണമെന്നും, ഇത്തരം കുറ്റവാളികള്‍ക്ക് പ്രായപൂര്‍ത്തിയായവര്‍ക്കുള്ള അര്‍ഹമായ ശിക്ഷ നല്‍കണമെന്നും അദ്ദേഹം ആവശ്യപ്പെട്ടു.അവന്റെ അഹങ്കാരം നോക്കൂ. അഹങ്കാരമുള്ളവരെ സമൂഹം ഒറ്റപ്പെടുത്തണം.

പൈസക്കാരനെന്ന് പറഞ്ഞുവരുന്നവന്റെ മോന്തയ്ക്ക് അടിക്കാനുള്ള ചങ്കൂറ്റം ഉണ്ടായിരിക്കണം. അംബാനിക്ക് പൈസയുണ്ടെന്ന് പറഞ്ഞ് എന്റെ വീട്ടില്‍ അടുപ്പ് കത്തില്ല. പണക്കാരനെ കണ്ടിട്ട് ഓച്ഛാനിച്ച് നില്‍ക്കരുത്. പണക്കാരന് അഹങ്കാരമുണ്ടെങ്കില്‍ അടിച്ചൊതുക്കാനുള്ള ചങ്കൂറ്റം വേണം', എന്നും മേജര്‍ രവി പറഞ്ഞു.'മൂന്ന് നിസ്സഹായരായ കുട്ടികളാണ് കൊല്ലപ്പെട്ടത്. മക്കളെ ഇങ്ങനെ വളര്‍ത്തി സമൂഹത്തിന് ശാപമാക്കി മാറ്റരുത്. എന്തു ചോദിച്ചാലും കൊടുക്കും എന്ന രീതി മാറ്റണം. ആത്മഹത്യ ചെയ്യുകയാണെങ്കില്‍ ചെയ്യട്ടെ.

സമൂഹത്തിലെ മൂന്നുപേരെയല്ല കൊല്ലേണ്ടത്', എന്നും മേജര്‍ രവി പറഞ്ഞു.ഇത്തരം മക്കളെ വളർത്തുന്ന അച്ഛനമ്മമാരോടാണ് എനിക്ക് പറയാനുള്ളത്—നിങ്ങൾ മക്കളെ ഇങ്ങനെ വളർത്തി സമൂഹത്തിന്ഒരു ശാപമാക്കി മാറ്റരുത്! ഇന്ന് എത്ര പേരാണ് ആ അച്ഛനമ്മമാരെ ശപിക്കുന്നത് എന്ന് ഓർക്കണം. പണത്തിന്റെ അഹങ്കാരം കാണിച്ച് തുണിയോ മറ്റോ വിറ്റ് ഉണ്ടാക്കിയ കാശ്, റോട്ടിലിറങ്ങി പാവപ്പെട്ട മനുഷ്യരെ കൊല്ലാനുള്ള ലൈസൻസ് ആക്കി മക്കൾക്ക് കൊടുക്കരുത്! പണമുണ്ടെങ്കിൽ മക്കളെ സമൂഹത്തിന് ഉപകാരമുള്ളവരായി,

നല്ല മനുഷ്യരായി വളർത്താൻ പഠിപ്പിക്കൂ. അല്ലാതെ 18-ഓ 19-ഓ വയസ്സിൽ മദ്യപിച്ച് ഷാപ്പുകൾ തോറും കയറിയിറങ്ങുന്ന മക്കളെ നമ്മുടെ സമൂഹം ഒരു കാലത്തും അംഗീകരിക്കില്ല.സ്റ്റേഷനിൽ വെച്ച് മരിച്ച കുട്ടികളുടെ ബന്ധുക്കൾ ആ പയ്യന്മാരെ തല്ലാൻ ചെല്ലുമ്പോൾ പൊലീസുകാർ തടഞ്ഞു കാണും. കാരണം പോലീസിന് അത് കണ്ടുനിൽക്കാൻ കഴിയില്ല. പക്ഷേ, ആ പൊലീസുകാർ കാണുന്നതിന് മുൻപാണ് നാട്ടുകാരുടെ കൈയിൽ ഈ മകനെ കിട്ടിയിരുന്നതെങ്കിൽ എല്ലാം അപ്പപ്പോൾ നിരപ്പാക്കി തന്നേനെ!

ജനങ്ങളുടെ ആ രോഷം നിങ്ങൾ മറക്കണ്ട, പണത്തിന്റെ അഹങ്കാരം നിങ്ങളുടെ മനസ്സിൽ മാത്രം വെച്ചാൽ മതി.’’–മേജർ രവിയുടെ വാക്കുകൾ.മിനി കൂപ്പറില്‍ അമിതവേഗത്തില്‍ പാഞ്ഞ് മൂന്നുപേരുടെ ജീവനെടുത്ത സുഹൈല്‍ സജീവിനെ കാക്കനാട് ബോസ്റ്റല്‍ സ്‌കൂളിലേക്കാണ് റിമാന്‍ഡ് ചെയ്തത്.ഇതിനെതിരെ മരിച്ച ദേവികയുടെ കുടുംബം രംഗത്തെത്തിയിരുന്നു. 19 വയസ്സുള്ള ഒരാളെ എങ്ങനെയാണ് കുട്ടിയായി കാണാനാകുകയെന്നും സുഹൈലിന്റെ ബാപ്പയുടെ ഇടപെടല്‍ ആരംഭിച്ചിട്ടുണ്ടെന്നാണ്തോന്നുന്നതെന്നും ദേവികയുടെ കുടുംബം മാധ്യമങ്ങളോട് പറഞ്ഞു.