സ്ഥാപനങ്ങലിലും വീടുകളിലും പിടിച്ചുപറിയും മോഷണവും നടത്തിയ രണ്ട്‌ പേരെ ഷാര്‍ജയില്‍ പിടികൂടി. ഷാര്‍ജാ പോലീസിലെ രഹസ്യാന്വേഷണ വിഭാഗമാണ്‌ ഇന്ത്യ, പാകിസ്ഥാന്‍ സ്വദേശികളായ ഇവരെ പിടികൂടിയത്‌. ഇവര്‍ക്കെതിരെ നിരവധി പരാതികള്‍ ഷാര്‍ജയിലെ പോലീസ്‌ സ്റ്റേഷനില്‍ രജിസ്റ്റര്‍ ചെയ്‌തിട്ടുണ്ടായിരുന്നു.

ഒരു ഇന്ത്യന്‍ യുവതിയുടെ വീട്ടില്‍ ചെന്ന്‌ ഭീഷണിപ്പെടുത്തിയതായി പരാതിയുണ്ടായിരുന്നു. ഇതേ തുടര്‍ന്നുണ്ടായ അന്വേഷണത്തിലാണ്‌ ഇവരിലൊരാള്‍ കുടുങ്ങിയത്‌. അയാളെ വിശദമായി ചോദ്യം ചെയ്‌തപ്പോള്‍ രണ്ടാമത്തെ ആളും കുടുങ്ങി.