തായ്‌ലാന്‍ഡിലെ താം ലുവാങ് ഗുഹയിലെ സുവര്‍ണ ലിപികളില്‍ എഴുതപ്പെട്ട രക്ഷാപ്രവര്‍ത്തനം സിനിമയാകുന്നു; രക്ഷാ പ്രവര്‍ത്തനം ലോകശ്രദ്ധ പിടിച്ചുപറ്റിയതോടെ സിനിമ നിര്‍മിക്കാന്‍ വന്‍കിട കമ്പനികളും രംഗത്ത്
തായ്‌ലാന്‍ഡിലെ താം ലുവാങ് ഗുഹ എന്ന കേള്‍ക്കുമ്പോള്‍ തന്നെ ആ കുട്ടികളുടെയും കോച്ചിന്റെയും നിസ്സഹായമായ മുഖമാണ് മനസ്സില്‍ തെളിയുക. 17 ദിവസത്തെ ആശങ്കയ്ക്കും മൂന്നു ദിവസത്തെ അതിസാഹസികമായ രക്ഷാ ദൗത്യത്തിനുമൊടുവിലാണ് 12 കുട്ടികളും കോച്ചും സുരക്ഷിതരാണെന്ന് തായ് നേവി സീല്‍ യൂണിറ്റ് സ്ഥിരീകരിച്ചത്. ഇപ്പോഴിതാ ലോകത്തെയാകെ നെഞ്ചിടിപ്പിലാക്കിയ ആ രക്ഷാ പ്രവര്‍ത്തനം സിനിമയാകുന്നു.
ലോക ജനതയെ മുഴുവന്‍ മുഴുവന്‍ മുള്‍മുനയില്‍ നിര്‍ത്തി നടന്ന ഒരു അതി സാഹസീക രക്ഷാ പ്രവര്‍ത്തനമാണ് കഴിഞ്ഞ കുറച്ചു ദിവസങ്ങള്‍ക്കുമുമ്പ് തായ്‌ലാന്‍ഡിലെ താം ലുവാങ് ഗുഹയില്‍ നടന്നത്. സംഭവം അറിഞ്ഞ് അയ്യോ ഇവരെ ഇനി എങ്ങനെ രക്ഷിക്കും എന്നു അശങ്കയോടെ പറയാത്തവരാരും കാണില്ല. എന്നാല്‍ ആ ദൗത്യം ലോക ജനത മുഴുവന്‍ ഏറ്റെടുക്കുകയായിരുന്നു. രക്ഷാ പ്രവര്‍ത്തനത്തിന് പിന്തുണ അറിയിച്ചും സംഭവത്തില്‍ ആശങ്ക പ്രകടിപ്പിച്ചും പല പ്രമുഖരും രംഗത്തെത്തി. ഒപ്പം കഴിവുള്ള രക്ഷാ പ്രവര്‍ത്തകരും സ്വമനസോടെ ആ ദൗത്യത്തിനായി എത്തിച്ചേര്‍ന്നു. അമേരിക്കന്‍ പ്രസിഡന്റും ഫിഫാ പ്രസിഡന്റുമെല്ലാം എല്ലാ പിന്തുണയും അറിയിച്ച് രംഗത്തെത്തി ഫിഫ പ്രസിഡന്റ് കുട്ടികളെ വേള്‍ഡ്കപ്പ് ഫൈനലിലേക്ക് ക്ഷണിക്കുകവരെ ചെയ്തു.
ഇതൊക്കെ നാം വാര്‍ത്തകളില്‍ കേട്ടറിഞ്ഞ കഥ എന്നാല്‍ ഇതിനേക്കാള്‍ വലിയ സംഭവങ്ങളാണ് അവിടെ രക്ഷാ പ്രവര്‍ത്തനങ്ങളില്‍ നടന്നത്. ഈ സാഹസീകതയെല്ലാം ഉള്‍ക്കൊള്ളിച്ചുകൊണ്ട് ഒരു അഡ്വഞ്ചര്‍ സിനിമയാണ് അണിയറയില്‍ ഒരുങ്ങുന്നത്. ഗുഹയും രക്ഷാപ്രവര്‍ത്തനം ബിഗ് സ്‌ക്രീനിലാക്കാന്‍ രണ്ടു നിര്‍മാണ കമ്പനികളും ഇപ്പോള്‍ രംഗത്തെത്തിയിട്ടുള്ളത്. യുഎസിലെ പ്രമുഖ സിനിമാ കമ്പനിയായ പ്യുവര്‍ ഫഌക്‌സ് നിര്‍മാതാക്കളെ പ്രഖ്യാപിച്ചതിനൊപ്പം രക്ഷാപ്രവര്‍ത്തകരുടെ വിശദമായ അഭിമുഖങ്ങളും മറ്റും ഇതിനകം തന്നെ പകര്‍ത്തിക്കഴിഞ്ഞു. ലോസ്ആഞ്ചലിസ് ആസ്ഥാനമായ ഇവാനോ പിക്‌ചേഴ്‌സ് തായ് സര്‍ക്കാരിന്റെയും നാവികസേനയുടെയും സഹായത്തോടെ യാണ് സിനിമ ഒരുക്കുന്നത്.
തായ്‌ലാന്‍ഡിലെ ഗുഹകളില്‍ ഏറ്റവും വലുതാണ് താം ഗുവാങ്. ഉത്തര ചിയാങ് റായ് പ്രവിശ്യയിലെ മേ സായ് എന്ന ചെറിയ പട്ടണത്തെ ചുറ്റിക്കിടക്കുന്ന പര്‍വതത്തിനു കീഴെയാണ് ഈ ഗുഹ സ്ഥിതിചെയ്യുന്നത്.
അതേസമയം രക്ഷാപ്രവര്‍ത്തനത്തിന്റെ വിശദാംശങ്ങള്‍ വ്യക്തമാക്കുന്ന ജീവിക്കുന്ന ഒരു മ്യൂസിയമായി മാറും പ്രദേശമെന്ന് മുന്‍ ഗവര്‍ണറും രക്ഷാപ്രവര്‍ത്തന സംഘത്തിന്റെ തലവനുമായ നാരോങ്‌സാങ് ഒസോട്ടാനാകോണ്‍ പറഞ്ഞു. വിനോദസഞ്ചാരികളുടെ സുരക്ഷയ്ക്കായി ഗുഹയ്ക്കകത്തും പുറത്തും മുന്‍കരുതല്‍ കൈക്കൊള്ളുമെന്ന് പ്രധാനമന്ത്രി പ്രയുത് ചാന്‍ ഒച്ചാ പറഞ്ഞു.
മണ്‍സൂണ്‍ സീസണില്‍ ജൂണ്‍ മുതല്‍ ഒക്ടോബര്‍ വരെ നീണ്ടുനില്‍ക്കുന്ന കനത്ത മഴയുടെ പശ്ചാത്തലത്തില്‍ തായ്‌ലന്റിന്റെ പലഭാഗങ്ങളും വെള്ളപ്പൊക്കഭീഷണി നേരിടാറുണ്ട്. ഈ സാഹചര്യത്തില്‍ ഏതൊക്ക സമയങ്ങളില്‍ മ്യൂസിയം അടച്ചിടണം എന്ന കാര്യത്തില്‍ ചര്‍ച്ച നടത്തുകയാണ് അധികൃതര്‍.
https://www.facebook.com/Malayalivartha
