കൂട്ടുകാരിയുമായി ചാറ്റ് ചെയ്തു നടക്കവേ 13കാരിക്കുണ്ടായ സെല്ഫി പ്രേമം വരുത്തി വച്ച വിന... റെയില്പാലത്തിന്റെ മുകളില് കയറി സെല്ഫിയെടുക്കുന്നതിനിടെ വഴുതി 3000 വോള്ട്ടിന്റെ വൈദ്യുതി കേബിളിലേക്ക് വീണു, ഒരു മണിക്കൂറിനുശേഷം എന്ജിന് ഡ്രൈവര് പഴന്തുണിയാണെന്നു വിചാരിച്ച് അടുത്തെത്തിയപ്പോള് ഞെട്ടി, ഒടുവില്...
കൂട്ടുകാരിയുമായി ചാറ്റ് ചെയ്തു നടക്കവേ 13കാരിക്കുണ്ടായ സെല്ഫി പ്രേമം വരുത്തി വച്ചത് ദുരന്തം. ഇപ്പോള് സെല്ഫി പ്രേമം വര്ദ്ധിച്ചു വരുന്ന സാഹചര്യത്തില് റെയില്വേ സ്റ്റേഷനുകളിലും പരിസരത്തും സെല്ഫി എടുക്കുന്നതും ട്രെയിനിന് മുമ്പില് നിന്ന് സെല്ഫി എടുത്ത് അപകടത്തില്പ്പെടുന്നവരും നിരവധിയാണ്. ഇവിടെ മധ്യ റഷ്യയിലെ 13 വയസുകാരിയുടെ രക്ഷപ്പെടലാണു സാമൂഹിക മാധ്യമങ്ങളില് ഇപ്പോള് ചര്ച്ചയാകുന്നത്. സംഭവമിങ്ങനെ: കൂട്ടുകാരികള്ക്കൊപ്പം നീന്തല്ക്കുളത്തില് പോയശേഷം തിരിച്ചുവരുമ്പോഴായിരുന്നു പെണ്കുട്ടിക്ക് സെല്ഫി എടുക്കാനൊരു മോഹം തോന്നിയത്. കൂട്ടുകാരിയുമായി ചാറ്റ് ചെയ്യുന്നതിനിടെയാണ് ആ ദുര്ബുദ്ധി മനസിലെത്തിയത്. ഉടനെ ഒരുവിധത്തില് റെയില് പാലത്തിന്റെ മുകളില് വലിഞ്ഞു കയറി. ഫോട്ടോ എടുക്കാന് ശ്രമിക്കുന്നതിനിടെ പിടിവിട്ട് അവള് ട്രെയിനുകള്ക്കായി വൈദ്യുതി എത്തിക്കുന്ന ഉയര്ന്ന ശേഷിയുള്ള( 3000 വോള്ട്ട്) ലൈനിലേക്ക് വീണു.
ഫോണിലുടെ ആര്ത്തനാദം കേട്ടെങ്കിലും കൂട്ടുകാരിക്ക് ഒന്നും പിടികിട്ടിയില്ല. ഒരുമണിക്കൂര് കഴിഞ്ഞെത്തിയ ഗുഡ്സ് ട്രെയിനിന്റെ എന്ജിന് െ്രെഡവറാണ് ആദ്യം അവളെ ശ്രദ്ധിച്ചത്. പരിശോധനയ്ക്കായി അദ്ദേഹം ട്രെയിന് നിര്ത്തി. ഒറ്റനോട്ടത്തില് പഴന്തുണിയാണെന്നു വിചാരിച്ചു. അടുത്തെത്തിയപ്പോഴാണു ഞെട്ടിപ്പോയത് . ലൈനില് കുരുങ്ങിക്കിടക്കുന്നതു ഒരു മനുഷ്യജീവി. ജീവനുണ്ടാകുമെന്നു ഒട്ടും വിചാരിച്ചില്ല. പെട്ടെന്നു മനസാന്നിധ്യം വീണ്ടെടുത്ത് വൈദ്യുതി വിച്ഛേദിക്കാനായി കണ്ട്രോള് റൂമിലേക്കു റേഡിയോ സന്ദേശം അയച്ചു.
എന്ജിന് െ്രെഡവറുടെ ശബ്ദം കേട്ടപ്പോള് അവള് ആത്മവിശ്വാസം വീണ്ടെടുത്തു. ഇതിനിടെ, പെണ്കുട്ടിയുടെ പേരും മേല്വിലാസവും ചോദിച്ചു മനസിലാക്കി. അതിലേ കടന്നുപോയ ഒരാള് ചണവള്ളി കുട്ടിയുടെ കൈയിലേക്ക് ഇട്ടുകൊടുത്തു. ഇതിനുശേഷം പറ്റാവുന്ന ഉയരത്തില് കയറി പിന്നില് നിന്നു പിടിച്ചു. പതിമൂന്നടിയോളം താഴെയുള്ള ട്രാക്കിലേക്കു കുട്ടി വിഴാതിരിക്കാന് പരവതാനിയുമായി ഗ്രാമീണര് പ്രാര്ഥനയോടെ നിലകൊണ്ടു. ഉടന് തന്നെ കുട്ടിയെ ആശുപത്രിയിലെത്തിക്കുകയായിരുന്നു. ശരീരത്തില് പലയിടത്തും പൊളളലേറ്റ വ്രണമുണ്ടെങ്കിലും കണ്ണുതുറന്ന കുട്ടിക്ക് സംഭവിച്ചത് എന്താണെന്ന് ഓര്ത്തെടുക്കാനാകുന്നില്ല.
ഒരുപക്ഷെ ജീവനു വേണ്ടി പിടയ്ക്കുന്നതിനിടെ കാല് മറ്റൊരു കമ്പിയില് തട്ടിയിരുന്നെങ്കില് അവള് ചാരമായിത്തീര്ന്നേനെ. മാത്രവുമല്ല കേബിളില്നിന്നു താഴെ വീണിരുന്നെങ്കിലും ജീവന് നഷ്ടമാകുകയായിരുന്നു. ഇത്രയൊക്കെ സംഭവങ്ങളുണ്ടായിട്ടും ആരും ഈ സെല്ഫി പ്രേമം കൈവെടിയുന്നില്ല എന്നോര്ക്കുമ്പോഴാണ് ഏറ്റവും ദു:ഖകരം.
https://www.facebook.com/Malayalivartha
