അഴിമതിക്കേസില് നിലവില് 24 വര്ഷം തടവുശിക്ഷ അനുഭവിക്കുന്ന ദക്ഷിണ കൊറിയയുടെ മുന് പ്രസിഡന്റ് പാര്ക്ക് ഗ്യൂന് ഹൈയ്ക്ക് വീണ്ടും എട്ടുവര്ഷം തടവ്
അഴിമതിക്കേസില് ദക്ഷിണ കൊറിയയുടെ മുന് പ്രസിഡന്റ് പാര്ക്ക് ഗ്യുന് ഹൈയ്ക്ക് വീണ്ടും എട്ടുവര്ഷത്തെ തടവ് ശിക്ഷ. നിലവില് അഴിമതിക്കേസില് 24 വര്ഷം തടവുശിക്ഷ അനുഭവിക്കുകയാണ് ദക്ഷിണ കൊറിയയുടെ ആദ്യ വനിതാ പ്രസിഡന്റായ പാര്ക്ക് ഗ്യുന് ഹൈ. രാജ്യത്തിന്റെ ചാര ഏജന്സിയില് നിന്ന് നിയമവിധേയമല്ലാതെ ഫണ്ട് കൈപ്പറ്റിയതിന് ആറു വര്ഷവും തിരഞ്ഞെടുപ്പില് ഇടപെട്ടതിന് രണ്ട് വര്ഷവുമാണ് ശിക്ഷ വിധിച്ചത്. അധികാര ദുര്വിനിയോഗത്തിന് ഇക്കഴിഞ്ഞ ഏപ്രിലിലാണ് പാര്ക്കിനെ 24 വര്ഷം തടവിന് ശിക്ഷിച്ചത്.
താന് നിരപരാധിയാണെന്ന് ശഠിച്ച് വിചാരണ നടപടികള് പാര്ക്ക് ബഹിഷ്കരിച്ചിരുന്നു. കേസ് രാഷ്ട്രീയ പ്രേരിതമാണെന്നും കോടതിയും സര്ക്കാരും തനിക്കെതിരെയാണെന്നും ഇവര് ആരോപിച്ചു. അധികാര ദുര്വിനിയോഗം, കോഴ അടക്കം 18 കുറ്റങ്ങളാണ് അവര്ക്കെതിരെ നേരത്തേ ചുമത്തിയിരുന്നത്. വധിക്കപ്പെട്ട ഏകാധിപതി പാര്ക്ക് ചുംഗ് ഹീയുടെ മകളായ പാര്ക്ക് 2013 ലാണ് പ്രസിഡന്റായി അധികാരമേറ്റത്. നാല് വര്ഷത്തിന് ശേഷം അവരെ അഴിമതി ആരോപണങ്ങളുടെ പേരില് പുറത്താക്കി.
കോര്പറേറ്റുകള്ക്ക് അനുകൂലമായി നിയമങ്ങള് വളച്ചൊടിക്കാന് ഉറ്റതോഴി ചോയി സൂണ് സില്ലിനെ ഉപയോഗിച്ച് കൈക്കൂലി വാങ്ങിയെന്നായിരുന്നു ഇവര്ക്കെതിരെയുള്ള പ്രധാന കേസ്.
https://www.facebook.com/Malayalivartha
