മുംബൈ ആക്രമണ കേസിലെ പ്രതികള്‍ക്ക്‌ പാകിസ്‌താനിലെ വിവിധ സ്ഥലങ്ങളില്‍ പരിശീലനം ലഭിച്ചിരുന്നെന്ന്‌ പാകിസ്ഥാന്‍ അധികൃതര്‍ സമ്മതിച്ചു. മുംബൈ ആക്രമണ കേസിലെ വിചാരണക്കിടെയാണ്‌ പാകിസ്‌താന്റെ കുറ്റ സമ്മതം. റാവല്‍പിണ്ടിയിലെ തീവ്രവാദ വിരുദ്ധ കോടതിയിലാണ്‌ മുംബൈ ആക്രമണക്കേസിലെ വിചാരണ നടക്കുന്നത്‌.  തീവ്രവാദികള്‍ക്ക് ലഷ്‌കര്‍ ഈ തൊയ്ബ കേന്ദ്രങ്ങളില്‍ പരിശീലനം ലഭിച്ചതായി സര്‍ക്കാരിന് വിവരം കൈമാറുന്നവരാണ് ഇതിനെക്കുറിച്ച് സൂചന നല്‍കിയതെന്നും അധികൃതര്‍ കോടതിയില്‍ പറഞ്ഞു. എന്നാല്‍ ഈ തെളിവുകള്‍ കെട്ടിച്ചമച്ചതാണെന്ന് പ്രതികളുടെ അഭിഭാഷകര്‍ കോടതിയില്‍ വാദിച്ചു.