തടി കുറയ്ക്കാൻ നാല്പത്തിയാറുകാരിയുടെ സാഹസം. ലീഹ് സാംപ്‌സണ്‍ എന്ന യുവതി തടി കുറയ്ക്കാന്‍ ദിവസവും വെറും വയറ്റില്‍ കുടിച്ചത് മൂത്രം. മൂന്ന് മാസം കഴിഞ്ഞപ്പോള്‍ കുറച്ചത് ഒമ്പത് കിലോ ഭാരം. ലീഹ് അരഗ്ലാസ് മൂത്രമാണ് ദിവസവും വെറും വയറ്റില്‍ കുടിച്ചിരുന്നത്. ആദ്യമൊക്കെ മൂത്രം കുടിക്കുമ്ബോള്‍ ഛര്‍ദ്ദിക്കാന്‍ തോന്നാറുണ്ടായിരുന്നു. പക്ഷേ പിന്നീടത് ശീലമായി.മൂന്ന് മാസം കഴിഞ്ഞപ്പോള്‍ നല്ല മാറ്റമാണ് ഉണ്ടായതെന്നും ലീഹ് പറയുന്നു.

മറ്റ് ഡയറ്റൊന്നും മൂത്രം കുടിക്കുന്ന സമയത്ത് നോക്കിയിരുന്നില്ലെന്നും പന്നിയിറച്ചി, കോഴിയിറച്ചി എന്നിവയെല്ലാം ധാരാളം കഴിക്കുമായിരുന്നുവെന്നും ലീഹ് പറഞ്ഞു. ലീഹ് ഇപ്പോള്‍ ഇതിന് നല്‍കിയ പേര് യൂറിന്‍ തെറാപ്പി എന്നാണ്. തന്റെ മൂത്രം കുടിക്കാന്‍ മാത്രമല്ല ലീഹ് ഉപയോഗിക്കുന്നത്. മറിച്ച്‌ മറ്റ് മരുന്നുകളുടെ കൂടെയും കോസ്മറ്റിക്കിന്റെ കൂടെയും മൂത്രം ഉപയോഗിച്ച്‌ വരുന്നു. തടി ഉണ്ടായിരുന്നപ്പോള്‍ എപ്പോഴും ക്ഷീണം അനുഭവപ്പെടുമായിരുന്നുവെന്നും മറ്റ് അസുഖങ്ങള്‍ ഇടയ്ക്കിടയ്ക്ക് വരുമായിരുന്നുവെന്നും ലീഹ് പറയുന്നു.

തടി കുറച്ചപ്പോള്‍ തനിക്ക് ആത്മവിശ്വാസം വന്നുവെന്നും അവര്‍ പറഞ്ഞു. പല്ല് വൃത്തിയാക്കാനും കണ്ണുകള്‍ കഴുകാനും മൂത്രം ഉപയോഗിക്കാറുണ്ടെന്നും അവര്‍ പറയുന്നു. മൂത്രം ആരോഗ്യത്തിന് ഏറ്റവും നല്ലതെന്നാണ് ലീഹ് പറയുന്നത്. എന്നാല്‍ മൂത്രം കുടിക്കുന്നത് ശരീരത്തിന് കൂടുതല്‍ ദോഷം ചെയ്യുമെന്നാണ് ആരോഗ്യവിദഗ്ദ്ധര്‍ പറയുന്നത്. മൂത്രം കുടിച്ചാല്‍ വൃക്കകള്‍ക്ക് തകരാര്‍ വരാന്‍ സാധ്യത കൂടുതലാണെന്ന് ആരോഗ്യവിദഗ്ദ്ധര്‍ പറയുന്നത്.