യാത്രാ വിമാനങ്ങള്‍ ലക്ഷ്യം വെച്ചുകൊണ്ട് അല്‍ക്വയ്ദ ബോംബ് റെസിപ്പി തയ്യാറാക്കുന്നു. വീടുകളില്‍ ഉപയോഗിക്കുന്ന സാമഗ്രികള്‍കൊണ്ട് ബോംബുകള്‍ നിര്‍മ്മിക്കുന്ന വിദ്യയാണിത്. ഇതു മൂലം ബോംബ് നിര്‍മാണത്തില്‍ ലോഹങ്ങള്‍ ഒഴിവാക്കാന്‍ കഴിയും. യാത്രാ വിമാനം പൂര്‍ണമായും തകര്‍ക്കാന്‍ ഇത്തരം ബോംബുകള്‍ കൊണ്ടു കഴിയും. അതുപോലെ തന്നെ ഇനി മുതല്‍ ഉഗ്ര സ്‌ഫോടനങ്ങളാണ് തീവ്രവാദികള്‍ ലക്ഷ്യമിടുന്നതെന്നും റിപ്പോര്‍ട്ടുകളുണ്ട്.
ഫ്രാന്‍സിനെക്കാള്‍ ബ്രിട്ടനാകും തങ്ങളുടെ ലക്ഷ്യമെന്നു ഫ്രാന്‍സില്‍ ചാര്‍ലി ഹെബ്‌ദോ വാരികയുടെ ഓഫീസ് ആക്രമിച്ച യെമനിലെ അല്‍ക്വയ്ദ വിഭാഗം പറയുന്നു. സംഘടനയുടെ ഓണ്‍ലൈന്‍ മാസികയായ \'ഇന്‍സ്പയറി\'ലെ ഏറ്റവും പുതിയ ചര്‍ച്ചയും ഇത്തരത്തിലുള്ള ബോംബ് നിര്‍മാണമാണ്.

ഇതിനുവേണ്ടി പ്രത്യേക പരിശ്രമമൊന്നും നടത്തിയിട്ടില്ലെന്നും അല്‍ ക്വയ്ദ വ്യക്തമാക്കി. യാത്രാ വിമാനത്തിന്റെ ചിത്രമുള്ള മാസികയിലാണു ബോംബ് നിര്‍മാണത്തെക്കുറിച്ചു വ്യക്തമായി പ്രതിപാദിക്കുന്നത്. പരമാവധി നാശമുണ്ടാക്കാന്‍ വിമാനത്തിന്റെ ഏതുഭാഗത്തു വച്ചു സ്‌ഫോടനം നടത്തണമെന്നതും ഇതില്‍ പറയുന്നതായി സണ്‍ഡേ ടൈംസ് പുറത്തുവിട്ട റിപ്പോര്‍ട്ടില്‍ പറയുന്നു.
ചാര്‍ലി ഹെബ്‌ദോ ഓഫീസ് ആക്രമിച്ച തീവ്രവാദികള്‍ക്ക് അല്‍ ക്വയ്ദ അറേബ്യന്‍ ഉപദ്വീപ് വിഭാഗമാണു പരിശീലനം നല്‍കിയതെന്നും റിപ്പോര്‍ട്ടിലുണ്ട്. യു.എസ്. ഡ്രോണ്‍ ആക്രമണത്തില്‍ കൊല്ലപ്പെട്ട അന്‍വര്‍ അല്‍ അവ്‌ലക്കിയാണ് ഇന്‍സ്പയര്‍ ആരംഭിച്ചതെന്നും ബ്രിട്ടനില്‍ സ്‌ഫോടനം നടത്തേണ്ട മേഖലകളെക്കുറിച്ച് ഇതില്‍ പറയുന്നുണ്ടെന്നും ബ്രിട്ടന്റെ ചാര സംഘടനയായ എംഐ15 ചൂണ്ടിക്കാട്ടുന്നു.
വിമാനത്താവളങ്ങളില്‍ എല്ലാം ഇപ്പോള്‍ സുരക്ഷ കര്‍ശനമാക്കിയതോടെ ആക്രമണങ്ങളിലും തീവ്രവാദികള്‍ പുതുവഴികള്‍ തേടുകയാണെന്ന് റിപ്പോര്‍ട്ടുകള്‍ ഉണ്ട്. അതുപോലെ തന്നെ ലോഹങ്ങള്‍ ഒഴിവാക്കിക്കൊണ്ടുള്ള ബോംബുകള്‍ വിമാനത്താവളങ്ങളില്‍ ആരുടെയും ശ്രദ്ധയില്‍ പെട്ടെന്ന് പെടില്ല എന്ന ഗുണവും ഉണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha