ലോക മുസ്ലിങ്ങളുടെ വിശുദ്ധ നഗരങ്ങളായ മക്കയും മദീനയും പിടിച്ചടക്കാന്‍ ഐസിസ് പദ്ധതിയിടുന്നതായി റിപ്പോര്‍ട്ട്. കഴിഞ്ഞയാഴ്ച സൗദി അതിര്‍ത്തിയിലുണ്ടായ അക്രമം ഐസിസ് ഭീകരര്‍ നടത്തിയതാണെന്ന് റിപ്പോര്‍ട്ടുണ്ടായിരുന്നു. ഈ ആക്രമണത്തില്‍ മൂന്ന് സൗദി സൈനകര്‍ കൊല്ലപ്പെട്ടിരുന്നു. ഐസിസ് സൗദിക്കെതിരേ നടത്തിയ ആദ്യ ആക്രമണമായാണ് ഇതു വിലയിരുത്തപ്പെടുന്നത്. എന്നാല്‍ ഈ ആക്രമണത്തിന്റെ ഉത്തരവാദിത്തം ആരും ഏറ്റടുത്തിട്ടില്ല. ഐസിസ് ശക്തി കേന്ദ്രമായ ഇറാഖിലെ അമ്പര്‍ പ്രവിശ്യയോട് ചേര്‍ന്ന് കിടക്കുന്ന അതിര്‍ത്തിയിലാണ് സംഭവമുണ്ടായതെന്നതിനാലാണ് ആക്രമണം നടത്തിയത് ഐസിസെന്ന് സംശയിക്കപ്പെടുന്നത്.
ഐസിസ് ഭീകരര്‍ രാജ്യത്തേക്ക് കടക്കാതിരിക്കാന്‍ സൗദി അതിര്‍ത്തിയില്‍ സുരക്ഷ ശക്തമാക്കി.
കുവൈത്ത് അതിര്‍ത്തി മുതല്‍ ജോര്‍ദാന്‍ അതിര്‍ത്തി വരെ 600 മൈല്‍ ദൂരം കൂറ്റന്‍ മതില്‍ കെട്ടി അതിര്‍ത്തി സുരക്ഷിതമാക്കാനാണ് സൗദി പദ്ധതിയിടുന്നത്. രാജ്യത്തിനു തലവേദനയായ വടക്കന്‍ അതിര്‍ത്തിയില്‍ സുരക്ഷ ശക്തമാക്കുന്നതിന്റെ ഭാഗമായാണ് പുതിയ പദ്ധതി. കൂറ്റന്‍ വേലി കെട്ടിയും കിടങ്ങു കീറിയുമാണ് അതിര്‍വരമ്പിടുന്നത്. ഇവിടെ റഡാര്‍ നിരീക്ഷണ ടവറുകളും കമാന്‍ഡ് കേന്ദ്രങ്ങളും ഗാര്‍ഡ് പോസ്റ്റുകളും എല്ലാം സ്ഥാപിക്കും. സൗദിയിലെ എണ്ണ സമ്പന്നമായ മേഖലയാണിത്.
വിവിധ പാളികളായുള്ള ഈ സുരക്ഷാ വേലി പണി തീരുന്നതോടെ ഇറാഖ്‌സൗദി അതിര്‍ത്തി പൂര്‍ണ്ണമായും സുരക്ഷാ വലയത്തിലാകും. 78 നിരീക്ഷണ ടവറുകള്‍, എട്ട് കമാന്‍ഡ് കേന്ദ്രങ്ങള്‍, 10 മൊബൈല്‍ രഹസ്യനിരീക്ഷണ വാഹനങ്ങള്‍, 32 ദ്രുതകര്‍മ്മ സേനാ കേന്ദ്രങ്ങള്‍ തുടങ്ങിയ സന്നാഹങ്ങളായിരിക്കും ഇവിടെ ഉണ്ടാക്കുക.
ആഴത്തിലുള്ള കിടങ്ങ്, രണ്ട് കമ്പി വേലികള്‍, സമാന്തരമായി പട്രോള്‍ റോഡ് തുടങ്ങിയവയാണ് അതിര്‍ത്തിയില്‍ നിര്‍മ്മിക്കുന്ന വേലിയുടെ പൂര്‍ണ രൂപമെന്ന് പ്രതിരോധ മന്ത്രാലയം പറയുന്നു. ആക്രമണങ്ങളെ നേരിടാന്‍ സൗദി ശക്തമായ സുരക്ഷാ സന്നാഹങ്ങളാണ് ഒരുക്കിയിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha