താലിബാനുമായും അഫ്ഗാനിസ്ഥാന് പ്രസിഡന്റുമായും നടത്താനിരുന്ന സമാധാന ചര്ച്ച അമേരിക്കന് പ്രസിഡന്റ് ഡൊണാള്ഡ് ട്രംപ് റദ്ദാക്കി.താലിബാനുമായുള്ള സമാധാന ഉടമ്പടി കരാർ ഉണ്ടാക്കുമെന്ന തീരുമാനത്തില്നിന്ന് പിന്തിരിയുന്നതായും ട്രംപ് വ്യക്തമാക്കി
താലിബാനുമായും അഫ്ഗാനിസ്ഥാന് പ്രസിഡന്റുമായും നടത്താനിരുന്ന സമാധാന ചര്ച്ച അമേരിക്കന് പ്രസിഡന്റ് ഡൊണാള്ഡ് ട്രംപ് റദ്ദാക്കി.താലിബാനുമായുള്ള സമാധാന ഉടമ്പടി കരാർ ഉണ്ടാക്കുമെന്ന തീരുമാനത്തില്നിന്ന് പിന്തിരിയുന്നതായും ട്രംപ് വ്യക്തമാക്കി.
കാബൂളില് അമേരിക്കന് സൈനികനടക്കം 12 പേരുടെ മരണത്തിനിടയാക്കിയ കാര്ബോംബാക്രണത്തിന്റെ ഉത്തരവാദിത്വം താലിബാന് ഏറ്റെടുത്തതിനു പിന്നാലെയാണ് ട്രംപിന്റെ പ്രഖ്യാപനം.
അഫ്ഗാനിസ്ഥാനില് 18 വര്ഷമായി നടന്നുവരുന്ന താലിബാന്-യുഎസ് ഏറ്റുമുട്ടല് അവസാനിപ്പിക്കുന്നിനുള്ള ശ്രമങ്ങളുടെ ഭാഗമായാണ് താലിബാനുമായും അഫ്ഗാന് പ്രസിഡന്റുമായും ട്രംപ് ചര്ച്ച നടത്താന് തീരുമാനിച്ചിരുന്നത്. ഇതിനിടെയാണ് കാബൂളില് താലിബാന് നടത്തിയ ചാവേർ കാർ സ്ഫോടനത്തിൽ ഒരു അമേരിക്കന് സൈനികനടക്കം 12 പേര് കൊല്ലപ്പെട്ടത്.അമേരിക്കൻ എംബസി അടക്കം സ്ഥിതി ചെയ്യുന്ന തന്ത്രപ്രധാനമായ മേഖലയിലാണ് ആക്രമണം ഉണ്ടായത്.
താലിബാനുമായി അമേരിക്കന് മധ്യസ്ഥന് അടുത്തിടെ നടത്തിയ ചര്ച്ചയില് സമാധാന ഉടമ്പടിക്ക് ധാരണയായിരുന്നു. അഫ്ഗാനിസ്ഥാനില് നിന്നും അമേരിക്ക സൈനികരെ പിന്വലിക്കാന് തയ്യാറായാല് മേഖലയിലെ ഭീകരപ്രവര്ത്തനങ്ങള് അവസാനിപ്പിക്കാമെന്നായിരുന്നു താലിബാനുമായുള്ള സമാധാന ഉടമ്പടി. എന്നാല് ഒമ്പത് ചര്ച്ചകള് കഴിഞ്ഞിട്ടും താലിബാന് ഭീകരാക്രമണം നടത്തുകയായിരുന്നു. ഉടമ്പടിക്ക് അന്തിമരൂപം നല്കാനിരിക്കെയാണ് ചര്ച്ച റദ്ദാക്കിക്കൊണ്ടുള്ള തീരുമാനം.
ഈയാഴ്ച താലിബാന് നേതാക്കളുമായി നടത്താനിരുന്ന കൂടിക്കാഴ്ചയും റദ്ദാക്കിയിട്ടുണ്ട്. ചര്ച്ചകള്ക്കായി താലിബാന് നേതാക്കളെ അമേരിക്കയിലേക്ക് ക്ഷണിച്ചിരുന്നു. 2001 സെപ്തംബര് 11 ലെ ഭീകരാക്രമണത്തിന് ശേഷം ആദ്യമായാണ് അമേരിക്ക താലിബാനുമായി ചര്ച്ചക്ക് നീക്കം നടത്തിയത്.
അമേരിക്കൻ മധ്യസ്ഥൻ സൽമായ് ഖലിസാദ് താലിബാനുമായി തിങ്കളാഴ്ച ധാരണയിലെത്തിയിരുന്നു. കരാർ പ്രകാരം 20 ആഴ്ചക്കുള്ളിൽ 5400 ട്രൂപ്പ് സൈന്യത്തെ പിൻവലിക്കുമെന്ന് അമേരിക്ക അറിയിച്ചിരുന്നു. നിലവിൽ 14,000 ട്രൂപ്പ് യു.എസ് സൈന്യമാണ് അഫ്ഗാനിസ്താനിലുള്ളത്..
2001-ല് അമേരിക്ക അഫ്ഗാനില് കാലു കുത്തിയതിനു ശേഷം ആദ്യമായി കൂടുതല് പ്രദേശങ്ങളും ഇപ്പോള് തീവ്രവാദികളുടെ നിയന്ത്രണത്തിലാണ്. ക ഴിഞ്ഞ ഒരുവര്ഷത്തിനിടെ ആണ് അഫ്ഗാനിസ്ഥാനില് താലിബാന് കൂടുതല് കരുത്താര്ജിച്ചത് ..അമേരിക്കൻ പാവകളെന്ന് അവർ പരിഹസിക്കുന്ന അഫ്ഗാൻ സർക്കാരുമായി സംസാരിക്കാൻ ഇതുവരെയവര് കൂട്ടാക്കിയിട്ടുമില്ല.
1996 മുതൽ 2001-ൽ പുറത്താക്കപ്പെടുന്നതു വരെ അഫ്ഗാനിസ്താനിൽ ഭരണത്തിലിരുന്ന സുന്നി മുസ്ലീം രാഷ്ട്രീയ-സൈനികപ്രസ്ഥാനമാണ് താലിബാൻ .താലിബാൻ അംഗങ്ങളിൽ ഭൂരിഭാഗവും പഷ്തൂൺ ഗോത്രത്തിൽപ്പെട്ടവരാണ്
അധികാരത്തിൽ നിന്നും പുറത്തായതിനു ശേഷം 2004-ഓടെ താലിബാൻ പുനരേകീകരിക്കപ്പെട്ടു. തുടർന്ന് അഫ്ഗാൻ പാകിസ്താൻ അതിർത്തിയിലെ വിവിധ പഷ്തൂൺ ഗോത്രമേഖലകളിൽ ഭരണം നടത്തുകയും, ഒപ്പം തന്നെ ഇരുസർക്കാരുകൾക്കെതിരെയും അഫ്ഗാനിസ്താനിൽ സാന്നിധ്യമുറപ്പിച്ചിരിക്കുന്ന നാറ്റോ സഖ്യസേനക്കെതിരെയും ഗറില്ല മുറയിൽ യുദ്ധം നടത്തിക്കൊണ്ടിരിക്കുകയുമാണ് ചെയ്യുന്നത്
ഒളിവിൽ കഴിയുന്ന മുല്ല മുഹമ്മദ് ഒമർ ആണ് താലിബാന് നേതൃത്വം നൽകുന്നത്
പാകിസ്താൻ സർക്കാറിൽ നിന്നും പ്രത്യേകിച്ച് പാകിസ്താൻ ചാരസംഘടനയായ ഐ.എസ്.ഐയിൽ നിന്നും ആണ് താലിബാന് പരീശീലനവും പണവും മറ്റു സഹായങ്ങളും ലഭിക്കുന്നത്
ഏതാണ്ട് അഞ്ചുവർഷത്തോളം അഫ്ഗാനിസ്താന്റെ തലസ്ഥാനമായ കാബൂളും രാജ്യത്തിന്റെ ഭൂരിഭാഗവും നിയന്ത്രണത്തിലാക്കിയിരുന്ന താലിബാൻ, ഇസ്ലാമിക് എമിറേറ്റ് ഓഫ് അഫ്ഗാനിസ്താൻ എന്നാണ് അവരുടെ രാജ്യത്തെ വിളിച്ചിരുന്നത്.
ഇക്കാലത്ത് പാകിസ്താൻ, സൗദി അറേബ്യ, യു.എ.ഇ. എന്നീ മൂന്നു രാജ്യങ്ങൾ മാത്രമേ താലിബാന്റെ സർക്കാരിനെ അംഗീകരിച്ചിരുന്നുള്ളൂ. അഫ്ഗാനിസ്താനിൽ അധികാരം നഷ്ടപ്പെട്ടെങ്കിലും പാകിസ്താനിലെ അതിർത്തിപ്രദേശങ്ങളിൽ നിർണായകമായ സ്വാധീനം ചെലുത്താൻ ഇപ്പോഴും താലിബാന് സാധിക്കുന്നുണ്ട്.
https://www.facebook.com/Malayalivartha