ലോകം മുഴുവന്‍ ഇന്ത്യന്‍ പ്രധാനമന്ത്രി നരേന്ദ്രമോദിയെ ആദരിക്കുകയാണ് ഈ കഴിഞ്ഞ ദിവസങ്ങളില്‍ യുഎഇ റഷ്യ എന്നുവേണ്ട പല രാജ്യങ്ങളിലും ചെന്ന് അവിടുത്തെ പരമോന്നത ബഹുമതികള്‍ നമ്മുടെ പ്രധാനമന്ത്രി വാങ്ങിയതാണ് അതുകൊണ്ടൊന്നും തീരുന്നില്ല ഇപ്പോഴിതാ യു.എസിലെ ബില്‍ ആന്‍ഡ് മെലിന്ദ ഗേറ്റ്‌സ് ഫൗണ്ടേഷന്‍ മോദിയെ ആദരിക്കുന്നുണ്ട്. അതുപോലെതന്നെ 2019ലെ ഗ്ലോബല്‍ ഗോള്‍ കീപ്പര്‍ അവാര്‍ഡും മോദിക്ക് സമ്മാനിക്കുന്നുണ്ട്. ഇത് ഇന്ത്യക്ക് ലോക രാജ്യങ്ങള്‍ക്കിടയില്‍ ലഭിക്കുന്ന പരിഗണന വര്‍ദ്ധിക്കുന്നതിനും കാരണമായിട്ടുണ്ട്. ഈ ഒരു സാഹചര്യത്തില്‍. പ്രധാനമന്ത്രി നരേന്ദ്രമോദി സെപ്റ്റംബര്‍ 27ന് യു.എന്‍. പൊതുസഭയെ അഭിസംബോധന ചെയ്യും. ഉഭയകക്ഷി ചര്‍ച്ചകള്‍, പൊതുസമ്മേളനങ്ങള്‍ തുടങ്ങി ഒരാഴ്ചയോളംനീളുന്ന തിരക്കേറിയ പരിപാടികളാണ് ന്യൂയോര്‍ക്കില്‍ മോദിയെ കാത്തിരിക്കുന്നത്. സെപ്റ്റംബര്‍ 24മുതല്‍ 30വരെയാണ് പൊതുസഭ ചേരുന്നത്. കാലാവസ്ഥാ ഉച്ചകോടിക്കും സുസ്ഥിരവികസനവുമായി ബന്ധപ്പെട്ട പ്രത്യേക സെഷനുമാണ് ഇത്തവണ കൂടുതല്‍ പ്രാധാന്യം കല്‍പ്പിക്കപ്പെടുന്നത്. പുതിയ പട്ടികപ്രകാരം 27ന് രാവിലത്തെ ഉന്നതതല സെഷനിലാണ് മോദി പ്രസംഗിക്കുക. തുടര്‍ന്ന് പാകിസ്താന്‍ പ്രധാനമന്ത്രി ഇമ്രാന്‍ഖാനും ലോകനേതാക്കളെ അഭിസംബോധന ചെയ്യും. യു.എന്‍. പൊതുസഭയുടെ 74ാമത് സെഷനില്‍ 112 രാഷ്ട്രത്തലവന്മാരും 48 ഭരണമേധാവികളും 30 വിദേശകാര്യമന്ത്രിമാരുമാണ് പങ്കെടുക്കുന്നത്.

യു.എസ്. പ്രസിഡന്റ് ഡൊണാള്‍ഡ് ട്രംപ് 24നാണ് പ്രസംഗിക്കുക. പൊതുചര്‍ച്ചയില്‍ ബ്രസീലിനുശേഷം പരമ്പരാഗതമായി രണ്ടാമതാണ് യു.എസ്. പ്രതിനിധിക്ക് അവസരം നല്‍കുക. യു.എസിലെ ബില്‍ ആന്‍ഡ് മെലിന്ദ ഗേറ്റ്‌സ് ഫൗണ്ടേഷന്‍ മോദിയെ ആദരിക്കുന്നുണ്ട്. 2019ലെ ഗ്ലോബല്‍ ഗോള്‍ കീപ്പര്‍ അവാര്‍ഡും സമ്മാനിക്കും. സ്വച്ഛ് ഭാരത് മിഷന്‍ പ്രവര്‍ത്തനങ്ങള്‍ കണക്കിലെടുത്താണ് മോദിയെ അവാര്‍ഡിന് പരിഗണിച്ചത്.

ലോകം മഹാത്മാഗാന്ധിയുടെ 150ാം ജയന്തി ആഘോഷിക്കുമ്പോള്‍ യു.എന്‍. ആസ്ഥാനത്ത് സെപ്റ്റംബര്‍ 24ന് നടക്കുന്ന പ്രത്യേകപരിപാടിയിലും പ്രധാനമന്ത്രി പങ്കെടുക്കും. സെപ്റ്റംബര്‍ 25ന് ബ്ലൂംബര്‍ഗ് ബിസിനസ് ഫോറത്തിലും പ്രസംഗിക്കും. മഹാത്മാഗാന്ധിയുടെ സ്മരണയ്ക്കായി തുടങ്ങുന്ന ഗാന്ധിപീസ് ഗാര്‍ഡനും അദ്ദേഹം ഉദ്ഘാടനംചെയ്യും. സെപ്റ്റംബര്‍ 23നാണ് യു.എന്‍. സെക്രട്ടറി ജനറല്‍ അന്റോണിയോ ഗുട്ടെറസ് അധ്യക്ഷത വഹിക്കുന്ന കാലാവസ്ഥാ ഉച്ചകോടി. ഇതിലും മോദി പങ്കെടുക്കും. 24നും 25നുമാണ് സുസ്ഥിരവികസനപദ്ധതികളുമായി ബന്ധപ്പെട്ട സുപ്രധാന ഉച്ചകോടി. ന്യൂയോര്‍ക്കിലേക്ക് പോകുംമുമ്പ് 22ന് ഹൂസ്റ്റണില്‍ ഇന്തോഅമേരിക്കന്‍ സമൂഹത്തെയും മോദി അഭിസംബോധനചെയ്യും.

അതേസമയം ജമ്മു കശ്മീരിന്റെ പ്രത്യേക പദവി എടുത്തുകളഞ്ഞവിഷയം യുഎന്‍ മനുഷ്യാവകാശ കൗണ്‍സിലില്‍ ഉന്നയിക്കാനിരിക്കുന്ന പാക്കിസ്ഥാനെ പൂട്ടാന്‍ സന്നാഹങ്ങളുമായി ഇന്ത്യറെഡിയാണെന്നുള്ള റിപ്പോര്‍ട്ടുകളും പുറത്തുവന്നിരുന്നു. ഇന്നു മുതല്‍ 13 വരെ ജനീവയില്‍ നടക്കുന്ന ഐക്യരാഷ്ട്ര സംഘടന മനുഷ്യാവകാശ കൗണ്‍സിലില്‍ ഈ വിഷയം ചര്‍ച്ച ചെയ്യാനാണു പാക്കിസ്ഥാന്റെ ശ്രമം. ഇതിനെ പ്രതിരോധിക്കാന്‍ വിശദമായ പദ്ധതിയാണ് ഇന്ത്യന്‍ ഉദ്യോഗസ്ഥ സംഘം സ്വീകരിച്ചിട്ടുള്ളത്. വിദേശകാര്യമന്ത്രി ഷാ മഹമൂദ് ഖുറേഷിയുടെ നേതൃത്വത്തിലുള്ള സംഘമാണു പാക്കിസ്ഥാനുവേണ്ടി ജനീവയിലുള്ളത്. ആര്‍ട്ടിക്കിള്‍ 370 റദ്ദാക്കിയതിനെ തുടര്‍ന്നു കശ്മീരില്‍ മനുഷ്യാവകാശ ലംഘനങ്ങളുണ്ടായെന്നാണു പാക്കിസ്ഥാന്റെ ആരോപണം. സെക്രട്ടറി തലത്തിലുള്ള ഉദ്യോഗസ്ഥ സംഘമാണ് ഇന്ത്യയെ പ്രതിനിധീകരിക്കുന്നത്. യുഎന്നിലെ ഇന്ത്യന്‍ സ്ഥാനപതി രാജീവ് കുമാര്‍ ചന്ദര്‍, പാക്കിസ്ഥാന്‍ പുറത്താക്കിയ ഇസ്‌ലാമാബാദിലെ നയതന്ത്ര പ്രതിനിധി അജയ് ബിസാരിയ എന്നിവരും ഇന്ത്യന്‍ സംഘത്തെ സഹായിക്കാനുണ്ട്.

കശ്മീര്‍ വിഷയത്തില്‍ പ്രമേയം അവതരിപ്പിക്കാനാണു പാക്കിസ്ഥാന്റെ ശ്രമമെങ്കില്‍ മറികടക്കാനുള്ള നീക്കങ്ങളാണ് ഇന്ത്യ സ്വീകരിച്ചിട്ടുള്ളത്. പാക്കിസ്ഥാനെ എതിര്‍ക്കുക എന്നതിനൊപ്പം ആ രാജ്യത്തിനകത്തെ മനുഷ്യാവകാശങ്ങളുടെ ദുരവസ്ഥ ലോകത്തെ വെളിപ്പെടുത്താനും ശ്രമിക്കും. പാക്ക് അധിനിവേശ കശ്മീര്‍, ഗില്‍ജിത് ബാള്‍ട്ടിസ്ഥാന്‍ വിഷയങ്ങളും ഉന്നയിക്കും. വിദേശകാര്യ മന്ത്രാലയം ഇതിനകം ചൈന ഉള്‍പ്പെടെ യുഎന്‍എച്ച്ആര്‍സിയിലെ 47 അംഗങ്ങളുമായി ചര്‍ച്ച നടത്തിക്കഴിഞ്ഞു. സമിതിയിലെ പ്രധാനികളായ യൂറോപ്യന്‍ സംഘവുമായും ഇന്ത്യ നിരന്തരം ബന്ധപ്പെടുന്നു.