ഇന്‍സ്റ്റഗ്രാമില്‍ 2017 ല്‍ തരംഗമായ ഒരു ബ്യൂട്ടി ട്രെന്‍ഡായിരുന്നു വൈവി ബ്രോസ്.അതായത് അസ്വഭാവിക വളവുകള്‍ സൃഷിച്ച പുരികങ്ങളാണ് വൈവി ബ്രോസ് എന്നു പറയുന്നത് . ഇതിനു പിന്നാലെ ഇപ്പോള്‍ ഇന്‍സ്റ്റഗ്രാമില്‍ പുതിയ തരംഗം സൃഷ്ടിച്ചിരിക്കുകയാണ് ഡെവിള്‍ ലിപ്‌സ് . ചുണ്ടിന്റെ സ്വാഭാവിക ആകൃതിയിൽ ചില മാറ്റങ്ങൾ വരുത്തുന്ന രീതിയെയാണ് ഡെവിൾ ലിപ്സ് എന്ന് പറയുന്നത്. ലിപ് ഫില്ലേസ് ഉപയോഗിച്ച് മാറ്റം വരുത്തി വേവ് പൗട്ട്‌സ് സൃഷ്ടിക്കും ഇതാണ് ഡെവിള്‍ ലിപ്‌സ് . ഔട്ടര്‍ ലിപ്‌സില്‍ ഫില്ലര്‍ കുത്തിവെച്ചാണ് അസ്വാഭിവകമായ വളവുകള്‍ സൃഷ്ടിക്കുന്നത് എന്ന കാര്യം ശ്രദ്ധേയം. ഈ പുതിയ ട്രെന്‍ഡ് റഷ്യയില്‍ നിന്ന് ഉടലെടുത്തതാണെന്ന നിഗമനത്തിലാണ് ഏവരും. എന്നാൽ വളരെ പെട്ടെന്ന് തന്നെ ഡെവിള്‍ ലിപ്‌സ് തരംഗമായി. പക്ഷെ ഇത് തരംഗങ്ങൾ ഉണ്ടാക്കുന്നുവെങ്കിലും ഇത് അനുകരിക്കാന്‍ ശ്രമിക്കരുതെന്നാണ് കോസ്‌മെറ്റിക് വിദഗ്ധർ അഭിപ്രായപ്പെടുന്നത്. അസ്വഭാവികമെന്നും അപകടകരമെന്നുമാണ് അവര്‍ ഇതിനെ വിശേഷിപ്പിക്കുന്നത്.

ചുണ്ടിന്റെ അനാട്ടമിക്കല്‍ ആകൃതി മാറ്റാനാകില്ലെന്നും അശാസ്ത്രീയമായി ഇത്തരത്തില്‍ ഫില്ലേഴ്‌സ് കുത്തിവെച്ചാല്‍ ബ്ലഡ് വെസ്സലുകള്‍ ബ്ലോക്കുകള്‍ ഉണ്ടായേക്കാമെന്നുമാണ് ലണ്ടന്‍ ആസ്ഥാനമായി പ്രവര്‍ത്തിക്കുന്ന കോസ്‌മെറ്റിക് ഡെന്റിസ്റ്റ് ഫേഷ്യല്‍ ഏസ്‌തെറ്റീഷ്യനുമായ ഡോ.ക്രിസ്റ്റിയാന വ്യക്തമാക്കുന്നത്. ഇങ്ങനെയൊക്കെ ചെയ്യുന്നത് ചുണ്ടിലെ ടിഷ്യൂവിന്റെ നാശത്തിന് തന്നെ കാരണമായേക്കുമെന്നും പഠനങ്ങൾ സൂചിപ്പിക്കുന്നു. എന്നാൽ ഇന്‍സ്റ്റയില്‍ നിരവധി സ്ത്രീകളാണ് ഈ ട്രെന്‍ഡ് പിന്‍തുടരുന്നതും പോസ്റ്റ് ചെയ്യുന്നതും എന്ന കാര്യം ശ്രദ്ധേയമാണ്. ഇവരുടെ ഫോട്ടാകള്‍ക്ക് മിശ്രമായ അഭിപ്രായങ്ങളാണ് ആളുകള്‍ പറയുന്നത്. ഹാലോവീന് പരിഗണിക്കാമെന്നുമെല്ലാമാണ് വിമര്‍ശനങ്ങള്‍ ഉയരുന്നത്. എന്നാൽ പലരും ഇത് ഫോട്ടോഷോപ്പാണെന്നും അഭിപ്രായപ്പെടുന്നുണ്ട് . എന്തായാലും മേക്കപ്പ് ആര്‍ട്ടിസ്റ്റുകള്‍ ഡെവിള്‍ ലിപ്‌സ് ചെയ്യേണ്ടതിനെ കുറിച്ചുളള വീഡിയോകളുമായി പ്രത്യക്ഷപ്പെടുന്നുണ്ട് എന്ന കാര്യവും ശ്രദ്ധേയമാണ്.

ഓരോ കാലത്തും ഓരോരോ തരംഗങ്ങൾ ഉണ്ടാകുക എന്നത് സർവ സാധാരണമാണ്. അതിന്റെ പിന്നാലെ പോകുക എന്നതും സർവ്വ സാധാരണമായ കാര്യമാണ്. എന്നാൽ കോസ്മെറ്റിക്കിസിന്റെ പിന്നാലെ പോകുമ്പോൾ ഈ കാര്യങ്ങൾ ഒന്നറിയുക. പല കോസ്മെറ്റിക്കിസ് സാധനങ്ങളും അപകടകരമാണ് എന്ന കാര്യം ഓർക്കുക, മെർക്കുറി, ഫത്താലേറ്റ്സ്, ഫോർമാൽഡിഹൈഡ്, കൽക്കരി ടാർ, പാരബെൻസ്, സോഡിയം ലോറത്ത് സൾഫേറ്റ്, ട്രൈക്ലോസൻ സാധാരണ ചേരുവകൾ ഉപയോഗിച്ച് നിരവധി “ബ്യൂട്ടി” ഉൽപ്പന്നങ്ങൾ ഇറങ്ങുന്നു. എന്നാൽ ഇവയിൽ ചേർക്കുന്നവ ആരോഗ്യകരമാണോ എന്ന കാര്യം ചിന്തനീയമാണ്. നഗ്നനേത്രങ്ങളിലേക്ക്, നമ്മുടെ ചർമ്മം ഒരു അദൃശ്യമായ പാളിയായി കാണപ്പെടാം, പക്ഷേ നമ്മുടെ ചർമ്മവുമായി സമ്പർക്കം പുലർത്തുന്ന 60% രാസവസ്തുക്കളും ആഗിരണം ചെയ്യപ്പെടുന്നുവെന്ന് ശാസ്ത്രം പറയുന്നു.