ഡോക്ടര്‍മാരുമായുണ്ടായ തര്‍ക്കത്തെ തുടര്‍ന്ന് ആശുപത്രിയില്‍ അഭിഭാഷകരുടെ അക്രമം. അത്യാസന്ന നിലയിലായിരുന്ന അഞ്ച് രോഗികള്‍ മരിച്ചു. പാക്കിസ്ഥാനിലെ ലാഹോറിലാണ് ദാരുണ സംഭവമുണ്ടായത്. അഭിഭാഷകനെ ഡോക്ടര്‍മാര്‍ മര്‍ദിച്ചതില്‍ പ്രതിഷേധിച്ച് അഭിഭാഷകര്‍ ആശുപത്രിയിലേക്ക് നടത്തിയ മാര്‍ച്ച് സംഘര്‍ഷത്തില്‍ കലാശിക്കുകയായിരുന്നു.പരിചരണം മുടങ്ങിയതിനെ തുടര്‍ന്നാണ് രോഗികള്‍ മരിച്ചത്. നൂറോളം വരുന്ന അഭിഭാഷകരാണ് ആശുപത്രിയിലേക്ക് ഇരച്ചു കയറിയത്.
ഇതേ തുടര്‍ന്ന് ഡോക്ടര്‍മാരും ജീവനക്കാരും ഓടിരക്ഷപ്പെട്ടു. ആശുപത്രിക്കു പുറത്തു നിര്‍ത്തിയിട്ടിരുന്ന വാഹനങ്ങള്‍ അഭിഭാഷകര്‍ കത്തിക്കുകയും ചെയ്തു. സംഭവത്തില്‍ പ്രധാനമന്ത്രി ഇമ്രാന്‍ ഖാന്‍ പോലീസിനോട് വിശദീകരണം തേടിയിട്ടുണ്ട്.