കാന്റീനില്‍നിന്ന് സാന്റ്‌വിച്ച് മോഷ്ടിച്ച കള്ളന്റെ വരുമാനം കേട്ടാല്‍ ഞെട്ടും!
കാന്റീനില്‍നിന്ന് ഭക്ഷണം മോഷ്ടിച്ചതിന് 1.32 മില്യണ്‍ ഡോളര്‍ (ഏകദേശം ഒമ്ബതര കോടിയോളം രൂപ) വാര്‍ഷിക ശമ്ബളം വാങ്ങുന്ന ഉദ്യോഗസ്ഥന് സസ്‌പെന്‍ഷന്‍. പ്രമുഖ ബാങ്കിങ് സ്ഥാപനമായ സിറ്റി ഗ്രൂപ്പ് മുതിര്‍ന്ന ഉദ്യോഗസ്ഥനെയാണ് സസ്‌പെന്‍ഡ് ചെയ്തത്. ഫിനാന്‍ഷ്യല്‍ ടൈംസ്, ഡെയ്‌ലി മെയില്‍ അടക്കമുള്ള അന്താരാഷ്ട്ര മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. സിറ്റി ഗ്രൂപ്പിന്റെ യൂറോപ്യന്‍ ഹെഡ്ക്വാര്‍ട്ടേഴ്‌സിലെ കാന്റീനില്‍നിന്ന് സാന്റ്‌വിച്ച് അടക്കമുള്ള ഭക്ഷണപദാര്‍ഥങ്ങള്‍ ഉദ്യോഗസ്ഥന് മോഷ്ടിച്ചെന്നാണ് ആരോപണം. ഏഴുവര്‍ഷത്തോളം എച്ച്എസ്ബിസിയില്‍ ജോലിചെയ്ത ശേഷമാണ് അദ്ദേഹം സിറ്റിഗ്രൂപ്പിന്റെ ഭാഗമാകുന്നത്. അതേസമയം, ഉദ്യോഗസ്ഥന് ഇതുവരെ സംഭവത്തെക്കുറിച്ച് പ്രതികരിച്ചിട്ടില്ലെന്ന് വാള്‍സ്ട്രീറ്റ് ജേണല്‍ റിപ്പോര്‍ട്ട് ചെയ്തു. സിറ്റിഗ്രൂപ്പും ഇക്കാര്യത്തില്‍ വിശദീകരണം നല്‍കിയിട്ടില്ലെന്നും റിപ്പോര്‍ട്ടില്‍ പറയുന്നു.
https://www.facebook.com/Malayalivartha
