ലോക ജനതയുടെ മുഴുവൻ കരളലിയിച്ച് ഒമ്പതു വയസുകാരൻ ക്വാഡന്റെ കരച്ചിൽ. നമ്മിൽ പലരും ആ കരച്ചിൽ കേട്ടിട്ടുണ്ടാകും. ഉയരം കുറഞ്ഞതിന്റെ പേരിൽ സഹപാഠികൾ കളിയാക്കിയതാണ് ആ കുഞ്ഞിന്റെ മനസ്സിനെ നോവിപ്പിച്ചത്. എന്നെയൊന്ന് കൊന്ന് തരുമോയെന്ന് ചോദിച്ച് ക്വാഡൻ അമ്മയോട് ചോദിച്ച ആ ചോദ്യം ലോകം മുഴുവൻ കേട്ടു. . ക്വാഡൻ ബെയിൽസ് എന്ന ഒാസ്ട്രേലിയൻ ബാലൻ സ്വന്തം അമ്മയോട് കരഞ്ഞുപറഞ്ഞ വാക്കുകളാണിത്. ഉയരം കുറവായതിന്റെ പേരിൽ സഹപാഠികൾ നിരന്തരം പരിഹസിച്ചപ്പോഴായിരുന്നു ആ ഒമ്പതുവയസ്സുകാരന് ജീവിതം മടുത്തുപോയത്. ക്വാഡന്റെ അമ്മ ഈ സംഭവം ഫെയ്സ്ബുക്ക് ലൈവിലൂടെ ലോകത്തെ അറിയിച്ചു. എന്നാൽ ഇപ്പോൾ ക്വാഡൻ എല്ലാവർക്കും പ്രിയപ്പെട്ടവനായി കഴിഞ്ഞിരിക്കുന്നു. ബോഡി ഷെയിമിങ് നടത്തുന്ന പ്രവണത വളരെ മോശമായി മനുഷ്യനിൽ അന്തര്ലീനമായിരിക്കുന്ന തീർത്തും തരം താണ മനോഭാവമാണ്. മനുഷ്യന് ഇത്രയും പൊക്കം വേണം ഇത്രയും വണ്ണമേ ഉണ്ടാകാവൂ...ഈ കളർ ഉണ്ടായിരിക്കണം...മുടി ഈ രീതിയിലായിരിക്കണം...ചുണ്ടുകൾ അനഗ്നെ ഇരിക്കണം...കണ്ണുകൾ അങ്ങനെ ഇരിക്കണം......അങ്ങനെ തുടങ്ങി മനുഷ്യന്റെ അവയവങ്ങൾ എങ്ങനെ ആയിരിക്കണം എന്നതിനെ പറ്റി ഓരോ മനുഷ്യന്റെ ഉള്ളിന്റെ ഉള്ളറകളിൽ അലിഖിത നിയമങ്ങൾ എഴുതി കൂട്ടി വച്ചിട്ടുണ്ട്. എന്നാൽ ഒരു നിമിഷം ചിന്തിച്ച് നോക്കൂ. മനുഷ്യന്റെ ശരീരത്തെ ആരാണ് മെനഞ്ഞിരിക്കുന്നത്. ദൈവമാണ് ഓരോരുത്തർക്കും ശരീരം നൽകുന്നത്.

ചിലർക്ക് ചില കാഴ്ച്ചപ്പാടുകൾ ഉണ്ട്. ആ കാഴ്പ്പാടിന് അനുസരിച്ചില്ലാത്തവരെ കണ്ടാൽ അവർക്ക് എന്തോ കുറവ് ഉണ്ടെന്ന് കരുതുന്നവർ .എന്നാൽ ഇങ്ങനെ കരുതുന്നവരോട് ഒരു കാര്യം ചോദിച്ചോട്ടെ? മറ്റൊരു വ്യക്തി എങ്ങനെ ആയിരിക്കണം എന്ന് ചിന്തിക്കാൻ ഉള്ള അധികാരം നിങ്ങള്ക്ക് ആരെങ്കിലും തന്നിട്ടുണ്ടോ ? മ റ്റൊരാളെ കളിയാക്കാൻ പാകത്തിന് അവരിൽ എന്തെങ്കിലും ഉണ്ടെന്നു തോന്നുന്നവർ ശ്രദ്ധിക്കുക. മനുഷ്യനെ അളക്കാൻ നിങ്ങൾ ഉപയോഗിക്കുന്ന അളവു കോൽ എന്താണ്? ഇനി ഞങ്ങൾ എല്ലാം തികഞ്ഞവർ എന്ന് ചിന്തിക്കുന്നവരുടെ ശ്രദ്ധയ്ക്ക്; ഒരു പാടി കൂടെ കടന്നു പറഞ്ഞാൽ സ്വന്തം സൗന്ദര്യത്തിലും ആകാര വടിവിലും അഹങ്കരിക്കുകയും മറ്റുള്ളവരെ കളിയാക്കുകയും ചെയ്യുന്നവരുടെ ശ്രദ്ധയ്ക്ക്... നിങ്ങളുടെ ശരീരം മണ്ണിന് വേണ്ടിയുള്ളതാണ്. കേവകേവലം മണ്ണിൽ അലിഞ്ഞ് ചേരേണ്ടുന്നത്. താൽക്കാലികമല്ലാത്ത വെറും ഒരു മൺകൂടാരം മാത്രമാണ് ശരീരം എന്ന ബോധ്യം ഉണ്ടായിരിക്കുക. ക്വാഡന്റെ കൂട്ടുകാരുടെ മനോഭാവം വച്ച് പുലർത്തുന്ന എല്ലവരും ഈ കാര്യം ഓർമയിൽ വച്ചിരിക്കുന്നത് നന്നായിരിക്കും. മാത്രമല്ല ഈ മൺക്കൂടാരത്തിനകത്ത് ഒരു വജ്രം ഉണ്ട്. അതെന്താണ് എന്ന് സ്വയം കണ്ടെത്തുക.