ഇമ്രാന്റെ ഭരണത്തില് എന്താണ് നടക്കുന്നത് എന്ന് ലോകത്തിനറിയാം ; ജനാധിപത്യമെന്താണെന്ന് പാകിസ്താന് പഠിപ്പിക്കേണ്ട ; ജനാധിപത്യ മൂല്യങ്ങള് മുറുകെ പിടിക്കുന്ന രാജ്യമാണ് ഇന്ത്യയെന്ന് യുഎന് മനുഷ്യാവകാശ കൗണ്സിലിലെ ഇന്ത്യയുടെ സ്ഥിരം പ്രതിനിധി രചിത ഭന്ധാര
യുഎന്നില് കണക്കിന് കൊടുത്ത് ഇന്ത്യ. ജനാധിപത്യ മൂല്യങ്ങള് മുറുകെ പിടിക്കുന്ന രാജ്യമാണ് ഇന്ത്യയെന്ന് യുഎന് മനുഷ്യാവകാശ കൗണ്സിലിലെ ഇന്ത്യയുടെ സ്ഥിരം പ്രതിനിധി രചിത ഭന്ധാര. ജനാധിപത്യം എന്തെന്നും ജനാധിപത്യമൂല്ല്യങ്ങള് നടപ്പിലാക്കുന്നത് എങ്ങിനെയെന്നും അറിയാം. ഇതൊന്നും പാകിസ്താനില് നിന്നും പഠിക്കേണ്ട ആവശ്യമില്ലെന്നും രചിത പറഞ്ഞു. ജനീവയില് നടന്ന യുഎന് മനുഷ്യാവകാശ കൗണ്സിലില് പാക് വാദങ്ങള്ക്ക് മറുപടി പറയുകായായിരുന്നു രചിത ഭന്ധാരി. ഇന്ത്യയില് കടുത്ത മനുഷ്യാവകാശ ലംഘനമാണ് നടക്കുന്നതെന്നാണ് സഭയില് പാക് പ്രതിനിധി പറഞ്ഞത്. ഇതിനെതിരെയാണ് ഇന്ത്യന് പ്രതിനിധി തുറന്നടിച്ചത്. ലോകത്തെ ഏറ്റവും വലിയ ജനാധിപത്യ രാജ്യങ്ങളില് ഒന്നാണ് ഇന്ത്യ.
ഇവിടെ ജനങ്ങള് അവകാശങ്ങള് ആസ്വദിക്കുന്നു. അതേസമയം ഇമ്രാന് ഖാന്റെ ഭരണത്തില് പാകിസ്താനിലെ ജനങ്ങള് അനുഭവിക്കുന്നത് എന്താണെന്ന് ലോകത്തിന് മുഴുവന് അറിയാം. ഇമ്രാന് ഭരിക്കുന്ന പാകിസ്താനില് നിന്നും ജനാധിപത്യമെന്തെന്ന് നോക്കി പഠിക്കേണ്ട ആവശ്യം ഇന്ത്യയ്ക്കില്ലെന്നും രചിത വ്യക്തമാക്കി. കഴിഞ്ഞ ഏഴ് ദശകങ്ങളായി പാക് അധീന കശ്മീര് പാകിസ്താന് കൈവശപ്പെടുത്തി വെച്ചിരിക്കുകയാണ്. പാക് അധീന കശ്മീരില് നിന്നും പിന്വാങ്ങണമെന്ന് യുഎന് പ്രമേയം ഉള്ളതാണ്. എന്നിട്ടും എന്തുകൊണ്ടാണ് പാകിസ്താന് പാക് അധീന കശ്മീരില് നിന്നും പിന്വാങ്ങാത്തതെന്നും രചിത ചോദിച്ചു. ഭീകരരുടെ താവളമാണ് പാകിസ്താന് എന്ന് പറഞ്ഞാല് അത് നിഷേധിക്കാന് ആകുമോ. ഇന്ത്യയെക്കുറിച്ച് അടിസ്ഥാന രഹിതമായ ആരോപണങ്ങള് ഉന്നയിക്കുന്നതിനായി പാകിസ്താന് അന്താരാഷ്ട്ര വേദികളെ ഉപയോഗപ്പെടുത്തുകയാണെന്നും ഇത് തിരിച്ചറിയണമെന്നും രചിത കൂട്ടിച്ചേര്ത്തു.
https://www.facebook.com/Malayalivartha
