താല്ക്കാലിക ആശുപത്രിയില് നിന്നും അവസാനത്തെ രോഗിയും രോഗമുക്തി നേടി മടങ്ങിയതോടെ ഒഴിഞ്ഞ കട്ടിലില് സുരക്ഷാ വസ്ത്രം ധരിച്ച് കിടക്കുന്ന ഡോ. ജിയാങ് വെന്യാങ് ! വൈറലായി ഡോക്ടറുടെ വിശ്രമ ചിത്രം
ചൈനയുടെ കൊറോണ രോഗമുക്തിയുടെ പ്രതീകമായി മാറിയിരിക്കുകയാണ്. ചൈനയിലെ പീപ്പിള്സ് ഡെയ്ലി പുറത്തുവിട്ടിരിക്കുന്ന ഒരു ചിത്രം ഏറ്റെടുത്തിരിക്കുകയാണ് സോഷ്യൽമീഡിയ. താല്ക്കാലിക ആശുപത്രിയില് നിന്നും അവസാനത്തെ രോഗിയും രോഗമുക്തി നേടി മടങ്ങിയതോടെ ഒഴിഞ്ഞ കട്ടിലില് സുരക്ഷാ വസ്ത്രം ധരിച്ച് കിടക്കുന്ന ഡോ. ജിയാങ് വെന്യാങ്ങിന്റെ ചിത്രമാണ് പീപ്പിള്സ് ഡെയ്ലി പ്രസിദ്ധീകരിച്ചത്.. കൊറോണ വൈറസ് ബാധ നിയന്ത്രണ വിധേയമായ പശ്ചാത്തലത്തില് വുഹാനില് പത്ത് ദിവസം കൊണ്ട് നിര്മാണം പൂര്ത്തിയാക്കിയ 1000 കിടക്കകളുള്ള ആശുപത്രിയില് ചൈനീസ് ഷീ ജിന് പിങ് സന്ദര്ശിച്ചിരുന്നു. സ്ഥിതിഗതികള് വിലയിരുത്തിയതിന് പിന്നാലെയാണ് വുഹാനിലെ അവസാനത്തെ താല്ക്കാലിക ആശുപത്രിയും അടച്ചുപൂട്ടാന് തീരുമാനമായത് .
പ്രതിദിനം റിപ്പോര്ട്ട് ചെയ്യപ്പെടുന്ന കേസുകളുടെ എണ്ണം ഒറ്റയക്കത്തിലേക്കാൻ ഇപ്പോൾ താഴ്ന്നിരിക്കുന്നത്. രോഗം സ്ഥിരീകരിച്ച് ആശുപത്രിയില് പ്രവേശിപ്പിച്ചിരിക്കുന്നവരില് പകുതിയിലധികം പേര് രോഗമുക്തി നേടി ആശുപത്രി വിട്ടു. 70 ശതമാനമാണ് വുഹാനിലെ കൊറോണ വൈറസ് രോഗമുക്തിയുടെ നിരക്ക്. 80932 പേര്ക്കാണ് ചൈനയില് രോഗം സ്ഥിരീകരിച്ചത്. ഇതില് 50318 പേര് രോഗമുക്തിനേടി, 3056 പേര് മരിച്ചു. (2020 മാര്ച്ച് 12-ലെ കണക്ക്).വൈറസ് ബാധയെ നിയന്ത്രിക്കാന് 24 മണിക്കൂറും ആശുപത്രികളും ആരോഗ്യപ്രവര്ത്തകരും പ്രവര്ത്തിക്കുകയാണ്. നിതാന്ത പരിശ്രമത്തിന്റെ ഫലമായി നിരീക്ഷണത്തില് കഴിയുന്നവരില് പലരും വീടുകളിലേക്ക് മടങ്ങി. ഐസോലേഷന് വാര്ഡുകളാക്കി മാറ്റിയിരുന്ന 14 താല്ക്കാലിക ആശുപത്രികള് അടച്ചു.
https://www.facebook.com/Malayalivartha