ഓസ്‌ട്രേലിയന്‍ ആഭ്യന്തരമന്ത്രിക്ക് കൊറോണ സ്ഥിരീകരിച്ചു; ആരോഗ്യനില തൃപ്തികരമാണെന്ന് അധികൃതര്‍
ഓസ്‌ട്രേലിയന്‍ ആഭ്യന്തരമന്ത്രിക്ക് കൊറോണ സ്ഥിരീകരിച്ചു. പീറ്റര്‍ ഡെട്ടണ് ആണ് കൊറോണ വൈറസ് ബാധ സ്ഥിരീകരിച്ചിരിക്കുന്നത്. ക്വീന്‍സ് ലാന്‍ഡ് ആശുപത്രിയിലാണ് അദ്ദേഹം നിരീക്ഷണത്തില്‍ കഴിയുന്നത്. പീറ്റര്‍ ഡെട്ടന്റെ ആരോഗ്യനില തൃപ്തികരമാണെന്ന് അധികൃതര്‍ വ്യക്തമാക്കുകയും ചെയ്തു. വെള്ളിയാഴ്ച രാവിലെ ചെറിയ പനിയും തൊണ്ടവേദനയുമായിട്ടായിരുന്നു അദ്ദേഹം എഴുന്നേറ്റത്. തുടര്‍ന്ന് നടത്തിയ പരിശോധനയിലായിരുന്നു കൊറോണ വൈറസ് ബാധ ഇദ്ദേഹത്തിന് സ്ഥിരീകരിച്ചത്. ഇപ്പോള്‍ ശാരീരിക ബുദ്ധിമുട്ടുകള്‍ ഇല്ലെന്നും അദ്ദേഹം നിരീക്ഷണത്തില്‍ കഴിയുകയാണെന്നും പീറ്റര്‍ ഡെട്ടണിന്റെ ഓഫീസ് വാര്‍ത്താക്കുറിപ്പിലൂടെ അറിയിച്ചു.
രോഗം സ്ഥിരീകരിക്കുന്നതിന് മണിക്കൂറുകള്‍ക്ക് മുന്‍പായിരുന്നു പീറ്റര്‍ ഡെട്ടണ് പ്രധാനമന്ത്രി സ്‌കോട്ട് മോറിസണുമായി കൂടിക്കാഴ്ച നടത്തിയത്. ദിവസങ്ങള്‍ക്ക് മുന്‍പായിരുന്നു ഡെട്ടണ് ഡൊണാള്‍ഡ് വാഷിങ്ടണില്‍ ട്രംപിന്റെ മകള്‍ ഇവാന്‍ക ട്രംപുമായും കൂടിക്കാഴ്ച നടത്തിയത്. ഓസ്‌ട്രേലിയയില്‍ ഇതുവരെ 128 പേര്‍ക്കായിരുന്നു കൊറോണ വൈറസ് സ്ഥിരീകരിച്ചിരിക്കുന്നത്. മൂന്ന് മരണം റിപ്പോര്‍ട്ട് ചെയ്യുകയും ചെയ്തു .
https://www.facebook.com/Malayalivartha
