മാസങ്ങള് നീണ്ട അടച്ചിടലിനുശേഷം വുഹാന് ജീവിതത്തിലേക്ക് തിരിച്ചു വരുന്നു... യാത്രാവിലക്കിന് ഇളവുലഭിച്ചതോടെ തീവണ്ടി സര്വീസ് പുനരാരംഭിച്ചു, വൈറസ് നിയന്ത്രണ വിധേയമായതോടെ വുഹാനിലേക്ക് വീണ്ടും ജനങ്ങളെ പ്രവേശിപ്പിക്കാന് തുടങ്ങി
മാസങ്ങള് നീണ്ട അടച്ചിടലിനുശേഷം വുഹാന് ജീവിതത്തിലേക്ക് തിരിച്ചു വരുന്നു... യാത്രവിലക്കിന് ഇളവുലഭിച്ചതോടെ് തീവണ്ടി സര്വീസ് പുനരാരംഭിച്ചു, വൈറസ് നിയന്ത്രണവിധേയമായതോടെ വുഹാനിലേക്ക് വീണ്ടും ജനങ്ങളെ പ്രവേശിപ്പിക്കാന് തുടങ്ങി. ലോകത്തെ കാര്ന്നുതിന്നുന്ന കൊറോണ വൈറസ് മഹാമാരിയുടെ പ്രഭവകേന്ദ്രമായ ഹുബൈ പ്രവിശ്യയിലെ വുഹാന് മാസങ്ങള് നീണ്ട അടച്ചിടലിനുശേഷം ജീവിതത്തിലേക്ക് തിരിച്ചുവരുകയാണ്. യാത്രവിലക്കിന് ഇളവുലഭിച്ചതോടെയാണ് തീവണ്ടി സര്വീസ് പുനരാരംഭിച്ചത്.
ആയിരക്കണക്കിന് യാത്രക്കാരുമായി ശനിയാഴ്ച വീണ്ടും ചൈനയിലെ വുഹാനില് തീവണ്ടികളെത്തി. യാത്രക്കാരില് ചിലര് രണ്ട് മുഖാവരണംവരെ അണിഞ്ഞിരുന്നു. ഒപ്പം കൈയുറയും വൈറസ് പ്രതിരോധ കുപ്പായവും ധരിച്ചെത്തിയവരെ അതേവേഷത്തിലെത്തിയ റെയില്വേ ജീവനക്കാര് സ്വീകരിച്ചു. വൈറസ് നിയന്ത്രണവിധേയമായതോടെയാണ് വുഹാനിലേക്ക് വീണ്ടും ജനങ്ങളെ പ്രവേശിപ്പിക്കാന് തുടങ്ങിയത്. നഗരത്തിലേക്കുള്ള തീവണ്ടികള് നേരത്തേതന്നെ പൂര്ണമായും ബുക്കുചെയ്ത് കഴിഞ്ഞിരുന്നു. ജനുവരിമുതലാണ് നഗരം പൂര്ണമായി അടച്ചിട്ടത്. എന്നാല്, വുഹാനിലുള്ളവര്ക്ക് പുറത്തേക്കുപോവാന് ഏപ്രില് എട്ടുവരെ അനുവാദമില്ല. അപ്പോഴേ വിമാനത്താവളങ്ങളും തുറക്കൂ.
വുഹാനില് 50,000-ത്തിലധികം പേര്ക്കാണ് വൈറസ് ബാധിച്ചത്. മറ്റുനഗരങ്ങളെ അപേക്ഷിച്ച് മരണവും ഇവിടെ കൂടുതലായിരുന്നു. ശനിയാഴ്ചയും മൂന്നുമരണം ഉണ്ടായി. 2500 പേര് ഇപ്പോഴും ചികിത്സയിലാണ്. തുടക്കത്തില് വൈറസിനോടു പതറിയ വുഹാന് കഴിഞ്ഞ ആഴ്ചകളിലാണ് സാധാരണനിലയിലേക്ക് തിരിച്ചുവരാന് തുടങ്ങിയത്. ബാങ്കുകള് തുറക്കുകയും പൊതുഗതാഗതം പുനരാരംഭിക്കുകയും ചെയ്തെങ്കിലും അനാവശ്യയാത്രവേണ്ടെന്ന് മുന്നറിയിപ്പുണ്ട്.
"
https://www.facebook.com/Malayalivartha