അമേരിക്കയ്ക്ക് ഇത് ഉറക്കമില്ലാത്ത നാളുകളാണ്. ന്യൂയോര്‍ക്ക് എന്ന ഒറ്റ സംസ്ഥാനത്തു 1200 മരണം അതാണ് നിലവില്‍ അവരെ ഭയപ്പെടുത്തുന്ന വസ്തുത .ലോകത്താകമാനം കൊറോണ ബാധിതരുടെ എണ്ണം എട്ടു ലക്ഷത്തിലേക്കടുക്കുമ്പോള്‍ അമേരിക്കയിലെ ന്യൂ യോര്‍ക്കില്‍ മാത്രം ഒന്നര ലക്ഷത്തോളം രോഗികള്‍ ഉണ്ട് എന്നതാണ് ഞെട്ടിപ്പിക്കുന്ന കണക്ക് .നിലവില്‍ ഈസ്റ്റര്‍ ദിനത്തോട് കൂടി പഴയ നിലയില്‍ അമേരിക്ക തിരിച്ചു വരും എന്ന പ്രത്യാശ പ്രകടിപ്പിച്ച ട്രംപ് ഇപ്പോള്‍ സര്‍വ പ്രതീക്ഷയും നഷ്ടപെട്ട അവസ്ഥായിലാണ് .

പുറത്തുള്ളവര്‍ക്ക് ചികിത്സ സൗകര്യം നല്കുന്നതുള്‍പ്പടെ ഉള്ള വിഷയത്തില്‍ കടും പിടിത്തം പിടിക്കുന്നതും ട്രംപിന് ഭൂഷണമല്ല എന്നാണ് രാഷ്ട്രീയ നിരീക്ഷകര്‍ പറയുന്നത് .നിലവില്‍ അമേരിക്കയില്‍ കോവിഡ് രോഗബാധ കാരണം മരിച്ചവരുടെ എണ്ണം രണ്ടായിരത്തി അഞ്ഞൂറായി ഉയരുന്ന സാഹചര്യത്തിലാണ് നിലവിലെ പ്രതിരോധ സംവിധാനം മെച്ചപ്പെടിത്താനുള്ള കര്‍ക്കശ നടപടികള്‍ സ്വീകരിക്കുന്നത്
എന്നാല്‍ വൈകി വന്ന വിവേകമാണ് ട്രംപിന് വിനയായത് എന്നാണ് ഇപ്പോള്‍ പഠന റിപ്പോര്‍ട്ടുകള്‍ പറയുന്നത് .

നേരത്തെ തന്നെ കോവിഡ് 19 എന്ന ഈ പകര്‍ച്ചവ്യാധിയുടെ സമൂഹവ്യാപനം തടയുവാന്‍ പ്രതിരോധ നടപടികള്‍ കൈക്കൊള്ളാത്തതു ഒടുവില്‍ ചൈനയുടെ മുന്നില്‍ സഹായ അഭ്യര്‍ഥനയുമായി മുന്നോട്ട് പോകേണ്ട അവസ്ഥയ്ക്ക് കാരണമായി. ലോകത്താകമാനം . വൈറസ് ബാധമൂലം ഇതുവരെ 37700 പേര്‍ മരിച്ചതായാണ് കണക്ക്. ലോകത്ത് ആകെ 183 രാജ്യങ്ങളെയാണ് മഹാവ്യാധി പിടികൂടിയിരിക്കുന്നത്. ഒന്നരലക്ഷത്തോളം പേര്‍ രോഗമുക്തി നേടിയിട്ടുണ്ട്. ഇന്നലെ ദിവസവും മുക്കാല്‍ ലക്ഷത്തോളം പേര്‍ക്ക് ലോകത്താകമായി രോഗബാധ സ്ഥിരീകരിക്കുന്നുമുണ്ട്
അമേരിക്കയില്‍ വൈറസ് ബാധിതരുടെ എണ്ണം ചൈനയെ മറികടന്നു. ലോകത്തുതന്നെ ഏറ്റവും കൂടുതല്‍ വൈറസ് സ്ഥിരീകരിച്ചിട്ടുള്ളത് അമേരിക്കയിലാണ്- 143,025. അമേരിക്കയില്‍ ഇതുവരെ 2514 പേരാണ് വൈറസ് ബാധിച്ച് മരിച്ചത്. ന്യൂയോര്‍ക്കില്‍ മാത്രം 1000 ത്തില്‍ അധികം പേര്‍ മരിച്ചിട്ടുണ്ട്.
രോഗം വ്യാപകമായി പടരുന്ന പശ്ചാത്തലത്തില്‍ അമേരിക്കയില്‍ ഏര്‍പ്പെടുത്തിയിരുന്ന ക്വാറന്റൈന്‍ ഏപ്രില്‍ 30 വരെ നീട്ടിയിട്ടുണ്ട്. അടുത്ത രണ്ടാഴ്ചയില്‍ മരണ നിരക്ക് കൂടുമെന്നും ജൂണ്‍ ഒന്നോടെ നിയന്ത്രിക്കാനാകുമെന്നും യുഎസ് പ്രസിഡന്റ് ഡൊണാള്‍ഡ് ട്രംപ് പറഞ്ഞു. അമേരിക്കയില്‍ രണ്ടുലക്ഷം പേര്‍ വരെ മരിച്ചേക്കുമെന്നാണ് മുന്നറിയിപ്പ്.നിലവിലെ സാഹചര്യത്തില്‍ വരും ദിവസങ്ങളില്‍ മരണനിരക്ക് കൂടുമെന്നാണ് ട്രംപ് പറയുന്നത് .തീവ്രമായ പരിചരണമുള്‍പ്പടെ കര്‍ശന നടപടികള്‍ കൈകൊള്ളുന്നതിനു പകരം മുന്‍കൂര്‍ ജാമ്യമെടുക്കുകയാണോ എന്ന ചോദ്യവും മാധ്യമകള്‍ ഉന്നയിച്ചിരുന്നു
ഇതുവരെ ഏറ്റവും കൂടുതല്‍ പേര്‍ മരിച്ച ഇറ്റലിയില്‍ 97,689 പേര്‍ക്ക് രോഗബാധ സ്ഥിരീകരിച്ചു. 10,779 പേരാണ് ഇവിടെ മരിച്ചത്. രോഗം വളരെ വേഗം വ്യാപിച്ചുകൊണ്ടിരിക്കുന്ന സ്പെയിനില്‍ 80,110 പേര്‍ക്ക് രോഗം സ്ഥിരീകരിച്ചു. ഇവിടെ മരണസംഖ്യ 6,803 ആയി. ഇറാനില്‍ മരണസംഖ്യ 2,757 ആയി ഉയര്‍ന്നു. രോഗം ബാധിച്ചവരുടെ എണ്ണം 41,495 ആയി.
റഷ്യന്‍ തലസ്ഥാനമായ മോസ്‌കോയില്‍ ക്വാറന്റൈന്‍ പ്രഖ്യാപിച്ചിട്ടുണ്ട്. റഷ്യയില്‍ 1534 പേരാണ് രോഗബാധിതരായിട്ടുള്ളത്. സിംബാബ്വേ 21 ദിവസത്തെ ലോക്ക് ഡൗണ്‍ പ്രഖ്യാപിച്ചു. മലേഷ്യയില്‍ എല്ലാവിധ കച്ചവടസ്ഥാപനങ്ങള്‍ക്കും നിയന്ത്രണം ഏര്‍പ്പെടുത്തി. കടകള്‍ 12 മണിക്കൂര്‍ മാത്രമേ പ്രവര്‍ത്തിക്കാന്‍ പാടുള്ളൂ.

കൊറോണയില്‍ നിന്നും കരകയറാന്‍ ചൈന ,വ്യവസായ രംഗത്ത് മടങ്ങിയെത്തി ഹ്യൂബ പ്രവിശ്യ ; മരണസംഖ്യ ചൈന മറച്ചുവെച്ചതായി ആരോപണം ;വ്യുഹാനില്‍ നാടകീയ നീക്കം