ലോകത്താകമാനാം കോവിഡ് രോഗികളെ തിരിച്ചറിയാന്‍ നടത്തുന്ന പരിശോധന സംവിധാനത്തില്‍ പോലും ദുരൂഹതയുണ്ടായാല്‍ അത് കോവിഡ് രോഗബാധിതരല്ല എന്ന് പരിശോധനയിലൂടെ വ്യക്തമായവര്‍ക്കു കൂടി ആശങ്ക ഉണ്ടാക്കുന്ന വസ്തുതയാണ് .നിലവില്‍ രോഗം ഭേദമാകാന്‍ മരുന്ന് പരീക്ഷണങ്ങള്‍ നടക്കുന്നുണ്ട് എന്നതല്ലാതെ ഇതുമായി ബന്ധപ്പെട്ട് കൃത്യമായ പരിഹാരങ്ങള്‍ ഒന്നും തന്നെ കണ്ടെത്തിയിട്ടില്ല .എന്നാല്‍ അതിവേഗം രോഗനിര്‍ണയം നടത്താനായുള്ള സംവിധാനങ്ങള്‍ ഇപ്പോള്‍ ലോകത്താകമാനം വികസിപ്പിച്ചട്ടുണ്ട് .എന്നാല്‍ ഇതിലും തെറ്റായ രീതിയിലാണ് പരിശോധന ഫലം പുറത്തു വരുന്നത് എന്ന് വ്യക്തമാകുന്ന സാഹചര്യമാണ് .

ലോകത്താകമാനം എട്ടര ലക്ഷം കോവിഡ് രോഗികളാണുള്ളത് .നിലവിലെ സാഹചര്യത്തില്‍ ഇത് വലിയ തോതില്‍ വര്‍ധിക്കുവാനുള്ള സാഹചര്യവും ഉണ്ട്.സമൂഹ വ്യാപനത്തിലൂടെ തന്നെയാണ് ഏറ്റവും കൂടുതല്‍ പേരില്‍ രോഗം എത്തുന്നത് എന്നത് തന്നെയാണ് വാസ്തവം .നിലവിലെ സാഹചര്യം കണക്കിലെടുത്താല്‍ കര്‍ശന നിയന്ത്രണങ്ങളാണ് ലോകരാജ്യങ്ങള്‍ അനിശ്ചിതകാലത്തേക്ക് നടപ്പിലാക്കി വരുന്നത് .എന്നാല്‍ ഇപ്പോള്‍
കോവിഡ് നെഗറ്റീവ് എന്നു പരിശോധനയില്‍ സ്ഥിരീകരിച്ച രോഗികളുടെ കഫത്തിലും വിസര്‍ജ്യത്തിലും കൊറോണ വൈറസ് സ്ഥിരീകരിച്ചതോടെ ലോകം അങ്കലാപ്പിലാണ് . ചൈനയിലെ ക്യാപിറ്റല്‍ മെഡിക്കല്‍ സര്‍വകലാശാലയിലെ ഗവേഷകരുടെ കണ്ടെത്തല്‍ 'അനല്‍സ് ഓഫ് ഇന്റേണല്‍ മെഡിസിന്‍' എന്ന ജേണലില്‍ പ്രസിദ്ധീകരിച്ച കാര്യമാണ് സമൂഹമാധ്യമങ്ങളിലൂടെ ഇപ്പോള്‍ ലോകം മുഴുവന്‍ അറിയാന്‍ കാരണമായത് .

133 പേരിലായിരുന്നു പരിശോധന നടത്തിയത് . തൊണ്ടയില്‍നിന്നുള്ള സ്രവപരിശോധനയില്‍ 22 പേരുടെ ഫലം നെഗറ്റീവായി. കോവിഡ് മാറിയെന്ന പ്രാഥമിക സൂചന കണക്കിലെടുത്തു ഇവര്‍ രോഗമുക്തരായി എന്നാണു എഴുതിയത് . എന്നാല്‍ ഇവരുടെ കഫത്തില്‍ 39 ദിവസവും വിസര്‍ജ്യത്തില്‍ 13 ദിവസവും കൊറോണ വൈറസ് സാന്നിധ്യം കണ്ടെത്തിയത്തോടു കൂടി ക്വാറന്റൈന്‍ ഉള്‍പ്പടെയുള്ള പ്രക്രിയ കോവിഡ് നെഗെറ്റിവ് ആയ ആളുകള്‍ക്കും ചികിത്സയില്‍ കഴിഞ്ഞവരാണെങ്കില്‍ തുടരണം എന്ന് തന്നെയാണ് വ്യക്തമാക്കുന്നത് . അതേസമയം, ഫലത്തെ പൂര്‍ണവിശ്വാസത്തിലെടുക്കേണ്ടെന്നു ഗവേഷകര്‍ തന്നെ പറയുന്നു. എന്നാല്‍ ഈ പരിശോധനാഫലം അടിസ്ഥാനരഹിതം അല്ലത്തതിനാല്‍ വിഷയത്തില്‍ ഗൗരവം
ഏറി വരികയാണ് .മാത്രമല്ല കോവിഡ് രോഗബാധിതരല്ലാത്തവര്‍ എന്ന് വിശേഷിപ്പിക്ക പെടുന്ന ആളുകളില്‍
കൂടുതല്‍ വ്യക്തമായ പരിശോധന നടത്താന്‍ വേണ്ടിയുള്ള സജ്ജീകരണങ്ങള്‍ ആവശ്യമാണ് എന്ന് കൂടിയാണ് ഈ സംഭവം സൂചിപ്പിക്കുന്നത് .

ഇതുമൂലം രോഗം പകരുമെന്നു തെളിയിക്കപ്പെട്ടിട്ടില്ല. കഫത്തിലൂടെയും വിസര്‍ജ്യത്തിലൂടെയും വൈറസിന്റെ ജനിതകാവശിഷ്ടങ്ങള്‍ ചെറിയ തോതില്‍ പുറന്തള്ളുക സാധാരണമാണെന്നും അണുബാധയ്ക്കു സാധ്യത കുറവാണെന്നും ചില ശാസ്ത്രജ്ഞര്‍ പറയുന്നു.