ലോക രാജ്യങ്ങളുടെ മുന്നില്‍ എന്നും അഹങ്കാരത്തോടെ നിന്ന ഒരു സാമ്രാജ്യം .രണ്ടാം ലോക മഹായുദ്ധത്തിനു ശേഷം യു എസ് പറയുന്നതെന്തും ലോകരാജ്യങ്ങള്‍ മുഖവിലയ്ക്കെടുക്കാതെ ഇരുന്നിട്ടുമില്ല .ഇപ്പോള്‍ ഇതാ യു എസ്സിന്റെ ദയനീയ അവസ്ഥയില്‍ ട്രംപ് പറഞ്ഞിരിക്കുന്നത് കൂടുതല്‍ ആഘാദങ്ങള്‍ ഏറ്റുവാങ്ങാന്‍ മനസ്സ് പാകപ്പെടുത്തു എന്നതാണ് .കാരണം ഇത് അമേരിക്കയില്‍ പടര്‍ന്നു പന്തലിച്ചു എന്നത് തന്നെ .നിലവില്‍ കോവിഡ് ബാധിതരുടെ എണ്ണം രണ്ടു ലക്ഷത്തോളം അടുക്കുന്ന സാഹചര്യത്തില്‍ സമൂഹവ്യാപനം മൂലം തന്നെയാണ് ഇപ്പോഴും സ്ഥിതി നിയന്ത്രണ വിധേയമല്ലാത്ത തുടരുന്നതെന്ന് ട്രംപ് വ്യക്തമാക്കി .നിലവിലെ പശ്ചാത്തലത്തില്‍ മരനിരക്കില്‍ ചൈനയേക്കാളും ആളുകള്‍അമേരിക്കയില്‍ മരിച്ചു എന്നത് നിലവിലെ അതിരൂക്ഷമായ പ്രതിസന്ധി ഘട്ടത്തെ തന്നെയാണ് വ്യക്തമാകുന്നത്

.തുടക്കത്തില്‍ കോവിഡ് ലോകരാജ്യങ്ങളിലേക്ക് പടരാന്‍ കാരണം ചൈനയുടെ ഗൂഢതന്ത്രങ്ങളാണ് എന്ന് പരോക്ഷമായി വിളിച്ചു പറഞ്ഞ അതേ ട്രംപ് തന്നെ ഇപ്പോള്‍ ചൈനയുടെ സഹായം തേടുന്ന ഗതികെട്ട അവസ്ഥയിലാണ് .നിലവില്‍ അമേരിക്ക കടന്നു പോകാനിരിക്കുന്നത് വേദന നിറഞ്ഞ രണ്ടാഴ്ചക്കാലമാണെന്നും 2.4 ലക്ഷത്തോളം അമേരിക്കക്കാരുടെ വരെ ജീവന്‍ നഷ്ടപ്പെട്ടേക്കാമെന്നും പ്രസിഡന്റ് ഡൊണാള്‍ഡ് ട്രംപ് പറഞ്ഞതോടെ ജനങ്ങള്‍ പരിഭ്രാന്തരാണ്.

'വലിയ വേദനകള്‍ ഉണ്ടാകാന്‍ പോവുകയാണ്. വേദനനിറഞ്ഞ രണ്ടാഴ്ചക്കാലം'. വരാനിരിക്കുന്ന ബുദ്ധിമുട്ടേറിയ ആ ദിനങ്ങളെ നേരിടാന്‍ എല്ലാ അമേരിക്കരും തയ്യാറായിരിക്കണമെന്ന് ഞാന്‍ ആഗ്രഹിക്കുകയാണെന്നും ട്രംപ് പറഞ്ഞു. വൈറ്റ്ഹൗസില്‍ നടന്ന പ്രസ് കോണ്‍ഫറന്‍സില്‍ സംസാരിക്കുകയായിരുന്നു അദ്ദേഹം.ഇതോടു കൂടി ഒരു മുന്‍കൂര്‍ ജാമ്യമെടുത്തു ഉത്തരവാദിത്വത്തില്‍ നിന്നും ഒഴിഞ്ഞു മാറാനുള്ള ശ്രമമാണിതെന്ന് പ്രതിപക്ഷം ആരോപിക്കുന്നു

സാമൂഹിക അകലം പാലിക്കുന്നത് അടക്കമുള്ള മാര്‍ഗനിര്‍ദേശങ്ങള്‍ പാലിച്ചാലും ഒരു ലക്ഷം മുതല്‍ 2.4 ലക്ഷം പേര്‍ വരെ മരിച്ചേക്കാമെന്നാണ് വൈറ്റ് ഹൗസ് കണക്കാക്കുന്നത്. ഏപ്രില്‍ 30 വരെ വീടുകളില്‍ നിന്ന് പുറത്തിറങ്ങരുതെന്ന് ജനങ്ങളോട് ട്രംപ് ആവര്‍ത്തിച്ച് ആവശ്യപ്പെട്ടു നിയന്ത്രണങ്ങള്‍ നടപ്പാക്കിയില്ലെങ്കില്‍ 15 ലക്ഷം മുതല്‍ 22 ലക്ഷം വരെ ആളുകള്‍ മരിക്കുമെന്നും വൈറ്റ് ഹൗസ് പറയുന്നു.നേരത്തെ ഈസ്റ്റര്‍ ദിനത്തോടനുബന്ധിച്ചു വീണ്ടും പഴയപടി സാധാരണ അവസ്ഥയിലേക്ക് എത്തും എന്ന് പ്രവചിച്ച ട്രംപിന്റെ കണക്കുകൂട്ടല്‍ പാടേ തെറ്റിച്ചുകൊണ്ടണ് ന്യൂയോര്‍ക്കില്‍ മഹാമാരി പടര്‍ന്നു പന്തലിച്ചത് .ഇവിടെ മാത്രമായി
ഒരു ലക്ഷത്തിലപ്പുറം രോഗികള്‍ ഉണ്ടെന്ന് വ്യക്തമായി
നിലവില്‍ മൂന്നിലൊന്നു അമേരിക്കക്കാര്‍ ലോക്ക്ഡൗണില്‍ കഴിയുകയാണ്. സാമൂഹിക അകലം പാലിക്കുക എന്നത് മാത്രമാണ് ഈ മഹാമാരിയെ നേരിടാന്‍ നിലവിലുള്ള ഏക വഴിയെന്നാണ് ആരോഗ്യ വിദഗ്ധരും പറയുന്നത്. 'ഒരു മായാജാല വാക്സിനോ ചികിത്സയോ ഇതിനില്ല. നമ്മുടെ മനോഭാവമാണ് ഈ മഹാമാരിയുടെ അടുത്ത 30 ദിവസത്തെ ഗതിനിര്‍ണ്ണയിക്കുക' എന്നാണ് കൊറോണ വൈറസ് റെസ്പോണ്‍സ് കോര്‍ഡിനേറ്റര്‍ ഡെബോറാഹ് ബിര്‍ക്സിന് അമേരിക്കക്കാരോട് ഔദ്യോഗികമായി പറഞ്ഞത്