ന്യൂ യോര്‍ക്ക് എന്ന നഗരം അമേരിക്കന്‍ ജനതയ്ക്ക് മുന്‍പില്‍ തീരാ ദുരിതാമാണ് നല്‍കിയിരിക്കുന്നത് രണ്ട് കോടി ജനങ്ങള്‍ ഉള്ള ഈ സംസ്ഥാനത്ത് ഇടറിയും അധികം രോഗബാധിതര്‍ പെരുകാനുള്ള കാരണങ്ങള്‍ ഒട്ടനവധിയാണ് .എന്നാല്‍ നിലവില്‍ കോവിഡ് ബാധിതരെ ചികില്‍സിക്കുന്നതു പോലെ തന്നെ ഏറെ വെല്ലുവിളി നിറഞ്ഞ മറ്റൊരു പ്രധാന കാര്യം തന്നെയാണ് മരിച്ചവരെ യഥാസമയം സംസ്‌കരിക്കുക എന്നുള്ളത് .അടുത്ത ബന്ധുക്കള്‍ക്ക് പോലും അവസാനമായൊന്ന് കാണുവാന്‍ കഴിയാത്ത ദുരവസ്ഥയാണ് അമേരിക്കയിലുള്ളത് മൊത്തം ജനതയുടെ എണ്‍പതു ശതമാനത്തിലധികം വരുന്ന ആളുകളും ക്വാറന്റായിനില്‍ കഴിയുന്ന അവസ്ഥയാണ് .നിലവില്‍ 6500 ലധികം മരണമാണ് അമേരിക്കയില്‍ ഇതിനോടകം റിപ്പോര്‍ട്ട് ചെയ്തിരിക്കുന്നത് നിലവിലെ സാഹചര്യം തുടര്‍ന്നാല്‍ മരണനിരക്ക് പ്രവചനാതീതമാകും എന്ന ആശകയും ട്രംപ് ഭരണകൂടത്തിനുണ്ട് .

നിലവില്‍ കോവിഡ് പ്രതിരോധത്തില്‍ വന്‍ പാളിച്ചയാണ് സര്‍ക്കറിനുണ്ടായത് .മനുഷ്യ ജീവനേക്കാള്‍ വ്യാപാരത്തിന് ഊന്നല്‍ നല്‍കിയതാണ് സമൂഹവ്യാപനത്തിനു കാരണമാകുന്ന തരത്തില്‍ നിയന്ത്രിതമല്ലാത്ത രീതിയില്‍ വൈറസ് പടരാനുള്ള പ്രധാന കാരണം.ഇന്ത്യ ഉള്‍പ്പടെ ഈ പ്രതിസന്ധി ഘട്ടത്തില്‍ സ്വീകരിച്ച കര്‍ശന നടപടി അമേരിക്ക
മുന്‍പേ തന്നെ സ്വീകരിച്ചിരുന്നുവെങ്കില്‍ അതിജീവിക്കാമായിരുന്നു എന്ന് തന്നെയാണ് റിപ്പോര്‍ട്ടുകള്‍ സൂചിപ്പിക്കുന്നത് .അമേരിക്കയുടെ ചരിത്രത്തിലെ തന്നെ ഏറ്റവും വലിയ ദുര്‍ദിനം തന്നെയായിരുന്നു വെള്ളിയാഴ്ച . കോവിഡ് മൂലം ഒരുദിവസം ഏറ്റവുമധികം പേര്‍ മരിച്ച രാജ്യമായി യുഎസ് മാറിയത് കനത്ത ആഘാതമാണ് സൃഷ്ടിച്ചിരിക്കുന്നത് . 24 മണിക്കൂറിനകം 1100 പേര്‍ മരിച്ചെന്നാണ് റിപ്പോര്‍ട്ട്. ഇതോടെ ആകെ മരണം 6,000 കവിഞ്ഞു. ഒറ്റ ദിവസം 30,000 ലേറെ പേര്‍ക്കു രോഗം സ്ഥിരീകരിച്ചു എന്ന റിപ്പോര്‍ട്ട് വന്നതോടെ അമേരിക്കയില്‍ കനത്ത ഭീതിയാണ് നിലനില്‍ക്കുന്നത് .

രാജ്യത്താകെ രോഗികള്‍ രണ്ടരലക്ഷം കടന്നിരിക്കുകയാണ് . ന്യൂയോര്‍ക്കില്‍ രോഗികള്‍ ഒരു ലക്ഷത്തോട് അടുക്കുന്നു. ന്യൂജഴ്‌സിയില്‍ മാത്രമായി 25,000 ലേറെ രോഗികള്‍ ചികിത്സയിലാണ് . രാജ്യത്തെ 50 സംസ്ഥാനങ്ങളിലും കോവിഡ് സ്ഥിരീകരിച്ചു. രാജ്യമെങ്ങും ലോക്ഡൗണ്‍ നടപടികള്‍ സ്വീകരിച്ചാലും മരണസംഖ്യ 2 ലക്ഷം കടന്നു പോകുമെന്നാണ് ആശങ്ക.ഇത് നിയന്ത്രിക്കുന്നതിനായുള്ള തീവ്ര ശ്രമങ്ങളാണ് നിലവിലുള്ളത്.

2500 ലേറെ മരണം സംഭവിച്ച ന്യൂയോര്‍ക്കില്‍ 45 ഓളം മൊബൈല്‍ മോര്‍ച്ചറികളും രാപകല്‍ പ്രവര്‍ത്തനം നടത്തുകയാണ് . രാത്രി വൈകിയും കൂട്ടസംസ്‌കാരങ്ങള്‍ നടക്കുന്നത് നൂറ്റാണ്ടിലെ ഏറ്റവും ദയനീയമായ അനുഭവമാണ് ഗുരുതര രോഗികളെ കിടത്താനിടമില്ലാതെ വലയുകയാണ് ആശുപത്രികളിലെ അധികൃതര്‍ . നിലവില്‍ 10,000 ലേറെ രോഗികള്‍ ന്യൂയോര്‍ക്കിലെ വിവിധ ആശുപത്രിയില്‍ ഉണ്ട് . ന്യൂയോര്‍ക്ക് സിറ്റിയില്‍ സ്ഥാപിച്ച താല്‍ക്കാലിക ആശുപത്രിയിലെ സേവനങ്ങള്‍ക്കു സൈന്യത്തെ വിളിക്കുമെന്ന് ട്രംപ് ഇതിനോടകം വ്യക്തമാക്കിയിട്ടുണ്ട് കോവിഡ് രോഗികള്‍ അടക്കം 2,000 ആളുകളുള്ള 2 വിനോദസഞ്ചാര കപ്പലുകള്‍ ഫ്‌ലോറിഡ തീരത്തെത്തിയത് മറ്റൊരു ഗൗരവ വിഷയമായി മാറിയിരിക്കുകയാണ് ഇവരെ എങ്ങനെ നിയന്ത്രിക്കും എന്നത് ഇപ്പോള്‍ പറയാന്‍ കഴിയാത്ത അവസ്ഥ തന്നെയാണ് .ഗുരുതരമായി രോഗം ബാധിച്ച 13 പേരെ ആശുപത്രിയിലേക്കു മാറ്റിയിരിക്കുന്നു എന്നതാണ് ഏറ്റവും ഒടുവില്‍ ലഭ്യമായ റിപ്പോര്‍ട്ട്