ചൈനയെ ഒറ്റപ്പെടുത്തി ലോകരാജ്യങ്ങള് .... അതിജീവനത്തിനായി ലോകരാജ്യങ്ങള് പൊരുതുമ്പോള് ,ആഗോളമഹാമാരിയായ കോവിഡ് 19 ന്റെ പ്രഭവ കേന്ദ്രമായ വുഹാന് നഗരം തുറന്നു പ്രവര്ത്തിക്കുന്നതില് ശക്തമായ എതിര്പ്പ് ... ചൈനയിലെ മൃഗങ്ങളുടെ മാംസം വില്ക്കുന്ന വെറ്റ് മാര്ക്കറ്റുകള്ക്കെതിരെ അടിയന്തരമായി നടപടി സ്വീകരിക്കണമെന്നാവശ്യപ്പെട്ട് ഓസ്ട്രേലിയന് പ്രധാനമന്ത്രി സ്കോട്ട് മോറിസണ് രംഗത്ത്
ലോകരാജ്യങ്ങള് അതിജീവനത്തിനായി പൊരുതുമ്പോള് ,ആഗോളമഹാമാരിയായ കോവിഡ് 19 നിന്റെ പ്രഭവ കേന്ദ്രമായ വുഹാന് നഗരം തുറന്നു പ്രവര്ത്തിക്കുന്നതും അവിടുത്തെ വെറ്റ് മാര്ക്കറ്റ് അഥവാ മല്ത്സ്യ മാംസാദികള് വില്ക്കുന്ന കടകള് തുറന്നു പ്രവര്ത്തിക്കുന്നതും ശക്തമായ എതിര്പ്പിന് കാരണമായി മാറിയിരിക്കുകയാണ് .നിലവില് ചൈന നടത്തുന്നത് മുതലെടുപ്പാണെന്നും മനപൂര്വ്വമല്ലെന്നു പറഞ്ഞാല് കൂടി ലോകം ഇന്നനുഭവിക്കുന്ന ഈ വിപത്തിനു കാരണം ചൈന തന്നെയാണ് എന്നുമാണ് ഇപ്പോള് പല രാജ്യങ്ങളും തുറന്നടിക്കുന്നത് .ലോകത്താകമാനം അറുപത്തിനായിരത്തോടടുത്തു മരണം ഉണ്ടാകുന്ന സാഹചര്യത്തിലും എല്ലാം അതിജീവിച്ചു എന്ന വീമ്പു പറഞ്ഞു പഴയതിനേക്കാള് ശക്തരാണ് എന്ന് വരുത്തിത്തീര്ക്കാനുള്ള തീവ്രശ്രമമാണ് ചൈനയ്ക്കുള്ളത് എന്നാണ് പല രാജയങ്ങളുടെയും പരോക്ഷമായ ആക്ഷേപം .
ചൈനയിലെ വുഹാന് പ്രവിശ്യയില് തുറന്നു പ്രവര്ത്തി ലോകമാകെ കോവിഡ് വൈറസ് പടര്ന്ന സാഹചര്യത്തില് ചൈനയിലെ മൃഗങ്ങളുടെ മാംസം വില്ക്കുന്ന വെറ്റ് മാര്ക്കറ്റുകള്ക്കെതിരെ അടിയന്തിരമായി നടപടി സ്വീകരിക്കണം എന്ന് ആവശ്യപ്പെട്ട് ഓസ്ട്രേലിയന് പ്രധാനമന്ത്രി സ്കോട്ട് മോറിസണ് രംഗത്ത് വന്നിരിക്കുകയാണ് . യുഎന്നും ലോകാരോഗ്യ സംഘടനയും(ഡബ്ല്യുഎച്ച്ഒ) ചൈനയിലെ മാര്ക്കറ്റുകള്ക്കെതിരെ ശക്തമായ നടപടി സ്വീകരിക്കണമെന്ന് മോറിസണ് ആവശ്യപ്പെട്ടു. കൊറോണ വൈറസ് പൊട്ടിപ്പുറപ്പെട്ടതു ചൈനയിലെ ഇത്തരം മാര്ക്കറ്റുകളില്നിന്നാണെന്നാണു കരുതുന്നത്.അതിനാല് തന്നെ ലോക ഇന്നനുഭവിക്കുന്ന ഈ വിപത്തു നിയന്ത്രിക്കാന് പെടാപ്പാട് പെടുമ്പോള് വീണ്ടും സമാനമായ പ്രക്രിയകള് അവലംബിച്ചത് ചോദ്യം ചെയ്യേണ്ട കരയാം തന്നെയാണ് എന്നാണ് ഓസ്ട്രേലിയയുടെ പക്ഷം . ഇവ വലിയ 'റിസ്ക്' ആണ് ഉണ്ടാക്കുന്നതെന്നും ലോകത്തിന്റെ മൊത്തം ക്ഷേമം പരിഗണിച്ചു നടപടി സ്വീകരിക്കണമെന്നും ഓസ്ട്രേലിയന് പ്രധാനമന്ത്രി പ്രതികരിച്ചു.
ലോകത്താകമാനം നാശം വിതച്ച കോവിഡ് 19 വൈറസില് നിന്നും ചൈന മുക്തമായിരിക്കുന്നു എന്ന് തന്നെയാണ് ഏറ്റവും ഒടുവില് കണക്കുകള് വ്യക്തമാകുന്നത് .ഹ്യൂബ പ്രവിശ്യയില് മാത്രമായി ഇത് ചുരുങ്ങിയത് ചൈനയുടെ വലിയ വിജയം തന്നെയാണ് എന്നത് ലോകരാജ്യങ്ങള് അംഗീകരിച്ച കാര്യം തന്നെയാണ് .എന്നാല് കോവിഡ് പകര്ച്ചവ്യാധിക്ക് ശേഷവും മറ്റൊരു വൈറസ് പൊട്ടി പുറപെട്ടതായും അഭ്യൂഹങ്ങള് പരന്നിരുന്നു.
നിലവില് ചൈനയില് മുഴുവന്സമയ മാക്സ് നിര്മാണ പ്രവര്ത്തനങ്ങള് നടത്തി വരികയാണ് .ലോകരാജ്യങ്ങളില് നിന്നും പരമാവധി മുതലെടുപ്പ് നടത്താന് ശ്രമിക്കുന്നതിനെ കൊള്ളയടിയായി പോലും അമേരിക്ക പരോക്ഷമായി ചിത്റരീകരിച്ചിരുന്നു .ഒപ്പം ചൈനയുടെ കണക്കുകള് വിശ്വസനീയ മല്ല എന്നും അവര് അഭിപ്രായപ്പെട്ടിരുന്നു .നിലവില് ചൈനയുടെ ഈ നടപടികള് എല്ലാം ലോകരാജ്യങ്ങള്ക്ക് കനത്ത വെല്ലുവിളിയായി തന്നെയാണ് കണക്കാക്കുന്നത്.
"
https://www.facebook.com/Malayalivartha