ഒരു സമ്പന്ന രാഷ്ട്രത്തെ ഇത്ര മേല്‍ മാറ്റിമറിക്കുമെന്നു ആരും തന്നെ വിചാരിച്ചു കാണില്ല .ഇതിനെ വിധിയുടെ വൈപരീത്യമെന്നോ ലോകവിപത്തെന്നോ എന്തുതന്നെ വിശേഷിപ്പിച്ചലും ഈ മഹാമാരി ഒരിക്കലും ഒരിക്കലും ഉണങ്ങാത്ത തരത്തില്‍ അമേരിക്കന്‍ ജനതയുടെ മനസ്സില്‍ ആഴത്തിലാണ് മുറിവ് ഏല്പിച്ചിരിക്കുന്നതു .നിലവില്‍ മൊത്ത മരണം 7300 കടക്കുമ്പോള്‍ ഒരു ലക്ഷത്തോളം ആളുകള്‍ മരിച്ചേക്കാം എന്നാണ് അമേരിക്കയുടെ പ്രാഥമികമായ വിലയിരുത്തല്‍ .നിലവില്‍ രോഗപ്രതിരോധ നടപടികള്‍ ത്വരിതപ്പെടുത്തിയിട്ടും സമൂഹവ്യാപനം തടയുന്നതില്‍ പൂര്‍ണമായും പരാജയപെട്ടതാണ് നിലവില്‍ മൊത്തം രോഗബാധിതരുടെ കാല്‍ ശതമാനത്തിലധികം യു എസ്സില്‍ മാത്രമായി ഉള്ളതിന് പ്രധാന കാരണം .നിലവില്‍ ഇതിനു കൃത്യമായ മരുന്നില്ലാത്തതിനാല്‍ തന്നെ വലിയ തോതിലുള്ള ആശങ്കയാണ് അമേരിക്കയില്‍ ഉള്ളത് .

രോഗികളെ കിടത്തി ചികില്‍സിപ്പിക്കന്‍ പോലും കഴിയാത്ത ഗതികെട്ട അവസ്ഥയാണ് ഭരണകൂടത്തിനുള്ളത് .നിലവില്‍ നാലോളം കമ്പനികള്‍ക്ക് വെന്റിലേറ്റര്‍ നിര്‍മാണത്തിനുഅനുമതി നല്‍കിയിട്ടുണ്ട് എന്നതിനാല്‍ ദിവസേന ആയിരക്കണക്കിനു വെന്റിലേറ്ററുകളാണ് ഉല്‍പ്പാദിപ്പിക്കപ്പെടുന്നത് .എന്നാല്‍ ദിവസവും കാല്‍ ലക്ഷത്തിലധകം പേര്‍ക്കാണ് പുതുതായി രോഗം സ്ഥിരീകരിക്കപ്പെടുന്നത് .ഇത് സര്‍ക്കാരിന് കനത്ത വെല്ലുവിളിയാണ് ഉയര്‍ത്തുന്നത്

അതോടൊപ്പം മരണസംഖ്യ കുതിച്ചുയരുന്നു എന്നത് മറ്റൊരു ദുരവസ്ഥയാണ് . ഇന്നലെ മാത്രം 1480 പേര്‍ കൂടി മരിച്ചതോടെ രാജ്യത്ത് ഇതുവരെ 7328 പേരുടെ ജീവന്‍ വൈറസ് കവര്‍ന്നു. ഒരു ദിവസം രോഗം മൂലം ഇത്രയും മരണം മറ്റൊരു രാജ്യത്തുമുണ്ടായിട്ടില്ല എന്നത് അമേരിക്കയിലെ സ്ഥിതി അതീവ ഗുരുതരമാണെന്ന് വ്യക്തമാക്കുന്നു. വെള്ളിയാഴ്ച.ആകെ രോഗബാധിതരുടെ എണ്ണം മൂന്ന് ലക്ഷത്തിനടുത്തെത്തി.
ഇതിനിടെ ലോകത്തെ മൊത്തം രോഗ ബാധിതരുടെ എണ്ണം പതിനൊന്ന് ലക്ഷം തൊടാനായി. വെള്ളിയാഴ്ചയിലെ റിപ്പോര്‍ട്ടുകളനുസരിച്ച് 1,098,006 പേരില്‍ കൊറോണ ബാധിച്ചിട്ടുണ്ട്. ഇന്നലെ മാത്രം 82,745 പേര്‍ക്കാണ് രോഗം സ്ഥിരീകരിച്ചത്. 24 മണിക്കൂറിനിടെ ആറായിരത്തിലേറെ മരണവും റിപ്പോര്‍ട്ട് ചെയ്തു. ലോകത്ത് ഇതുവരെ മരിച്ചവരുടെ എണ്ണം 59,140 ആയി.

വൈറസിന്റെ സമൂഹവ്യാപനം തടയുന്നതിന് പകരം വാണിജ്യ മേഖല പിടിച്ചു നിര്‍ത്താനായുള്ള ശ്രമങ്ങള്‍ തുടരുന്നതാണ് തകര്‍ച്ചയ്ക്ക് ആക്കം കൂട്ടാനുള്ള മറ്റൊരു പ്രധാന കാരണം .ഇന്ത്യ അവലംബിച്ചതുപോലുള്ള ശതമായ നിലപാട് സ്വീകരിക്കാത്തതും അമേരിക്കയ്ക്ക് വലിയ വിനയായി മാറിയിരിക്കുകയാണ് .അതിനാലാണ് അവര്‍ ഏറ്റവും അധികം എതിര്‍ക്കുന്ന രാജ്യങ്ങളില്‍ ഒന്നായ ചൈനയുമായി നിലവില്‍ അപ്രതീക്ഷിതമായി സൗഹൃദ സംഭാഷണത്തില്‍ ഏര്‍പ്പെടേണ്ടി വന്നത്