ലോകം ഇപ്പോള്‍ ഉറക്കം ഉണരുന്നതുതന്നെ കൊറോണക്ക് വാക്‌സിന്‍ കണ്ടെത്തിയോ എന്നുള്ള ഒരു ചോദ്യം ചോദിച്ചുകൊണ്ടാണ്. അത്രമേല്‍ ഭീതി എല്ലാവരിലും ഉണ്ടാക്കാന്‍ വെറും മൂന്നുമാസം മുമ്പ് വ്യാപിച്ചുതുടങ്ങിയ ഈ വൈറസിനായി എന്നതാണ്.

ലോകത്താകമാനം 1,201,565 പേരെ ബാധിക്കുകയും 64,691 പേരുടെ ജീവന്‍ കവരുകയും ചെയ്തിരിക്കുന്ന ഈ മഹാമാരിയെ വേരോടെ പിഴുതെറിയുന്നതിനുള്ള ഔഷധം അതായത് വാക്‌സിനേഷന്‍. കണ്ടെത്തിയതായി പല വാര്‍ത്തകളും മാധ്യമങ്ങളിലൂടെ പുറത്തുവരുന്നുണ്ട് അതുകൊണ്ടുതന്നെ എന്ത് വിശ്വസിക്കണം എന്ന് ആര്‍ക്കും ധാരണയില്ല. കഴിഞ്ഞ ദിവസംപോലും അമേരിക്കയില്‍ എലികളില്‍ നടത്തിയ വാക്‌സിന്‍ പരീക്ഷണം വിജയമായിരുന്നു. ഇന്ന് ഇതാ വീണ്ടും ഇത്തരത്തില്‍ ഒരു വാര്‍ത്തകൂടി പുറത്തുവരുന്നു.

ഓസ്‌ട്രേലിയന്‍ ശാസ്ത്രജ്ഞനാണ് ഇത്തവണ അവകാശവാദം ഉന്നയിക്കുന്നത്. ഓസ്‌ട്രേലിയന്‍ ശാസ്ത്രജ്ഞനും മൊനാഷ് യൂണിവേഴ്‌സിറ്റിയിലെ മൊണാഷ് ബയോമെഡിസിന്‍ ഡിസ്‌കവറി ഇന്‍സ്റ്റിറ്റ്യൂട്ടിലെ മുഖ്യ ഗവേഷകനുമായ ഡോ. കൈലി വാഗ്സ്റ്റാഫാണ് മരുന്നു കണ്ടെത്തി എന്ന് അവകാശ വാദം ഉന്നയിക്കുന്നത്. ഇത് ഓരോ അവകാശ വാദങ്ങളാണ് കൃത്യമായി തെളിയിക്കപ്പെടണമെങ്കില്‍ സമയമെടുക്കും. മനുഷ്യരില്‍ വാക്‌സിന്‍ കുത്തിവച്ച് പിന്നീട് വൈറസ് കുത്തിവച്ച് അത് ശരീരത്തിലുണ്ടാകുന്ന മാറ്റങ്ങള്‍ പരിശോധിച്ച് പിന്നീട് മാത്രമേ ഈ മരുന്ന് വിജയമാണോ അല്ലയയോ എന്നുള്ളതൊക്കെ കണ്ടെത്താനാകുകയുള്ളു

എന്തായാലും പുതുതായി കോമണ്‍വെല്‍ത്ത് സയന്റിഫിക് ആന്‍ഡ് ഇന്‍ഡസ്ട്രിയല്‍ റിസര്‍ച്ച് ഓര്‍ഗനൈസേഷനാണ് മരുന്ന് വികസിപ്പിച്ചെടുത്തത്. മൃഗങ്ങളില്‍ ഇത്് പരീക്ഷിച്ചു തുടങ്ങിക്കഴിഞ്ഞു. കഴിഞ്ഞദിവസം അമേരിക്ക കണ്ടെത്തിയ വാക്‌സിന്‍ മൃഗങ്ങളിലും പരീക്ഷണം നടത്തി വിജയിച്ചതാണ്. അതിന് മുമ്പും മൃഗങ്ങളിലും മനുഷ്യരിലും ഈ വാക്‌സിന്‍ അമേരിക്ക തന്നെ പരീക്ഷിച്ചതാണ്. അതിന്റെ ഫലം വരാന്‍ തന്നെ മാസങ്ങളെടുക്കും അത് വിജയിച്ചാല്‍ തന്നെ വിപണിയിലെത്താന്‍ പോലും സമയമെടുക്കും.

എന്നാല്‍ പരീക്ഷണത്തിന്റെ പൂര്‍ണ ഫലം ലഭിക്കാന്‍ മൂന്നു മാസമെങ്കിലും എടുക്കുമെന്നാണ് ഗവേഷകര്‍ പറയുന്നത്. ഓസ്‌ട്രേലിയയിലെ അനിമല്‍ ഹെല്‍ത്ത് ലബോറട്ടറിയിലാണ് മരുന്നിന്റെ പരീക്ഷണം നടക്കുന്നത്. രണ്ട് വാക്‌സിനുകളാണ് പരീക്ഷണ ഘട്ടത്തിലുള്ളത്. ആദ്യഘട്ട ഫലം ജൂണ്‍ മാസത്തോടെ ലഭിക്കുമെന്നാണ് കരുതുന്നത്.

പരീക്ഷണം മൃഗങ്ങളില്‍ നടത്തി വിജയിച്ചശേഷം മനുഷ്യരിലും പരീക്ഷിക്കും. ഇതും വിജയിച്ചെന്ന് ഉറപ്പിച്ചശേഷം മാത്രമേ ലോകരാഷ്ട്രങ്ങളിലേക്ക് മരുന്ന് വിതരണത്തിനായി ലഭ്യമാക്കൂ. ഇതിന് 18 മാസമെങ്കിലും എടുക്കുമെന്നാണ് പ്രതീക്ഷിക്കുന്നത്.

പരീക്ഷണം ഫലപ്രദമായാല്‍ ഈ കണ്ടുപിടിത്തം നിര്‍ണ്ണായകമാകും. ലോക രാഷ്ട്രങ്ങളെ തന്നെ കാര്‍ന്നു തിന്നുന്ന വി്ധത്തിലാണ് ഇന്ന് കൊറോണ വൈറസ് പടര്‍ന്നു പിടിക്കുന്നത്. ഇതുമൂലം ആഗോള സമ്പദ് വ്യവസ്ഥയില്‍ കനത്ത ഇടിവാണ് ഉണ്ടായിരിക്കുന്നത്. അതേസമയം ഓസ്‌ട്രേലിയയിലും ലോകത്തിന്റെ മറ്റുഭാഗങ്ങളിലുമുള്ള ഗവേഷകരുടെ കൂട്ടായ പ്രവര്‍ത്തനത്തിന്റെ ഫലമാണ് കണ്ടെത്തലെന്ന് സിഎസ്‌ഐആര്‍ഒ മേധാവി ലാറി മാര്‍ഷല്‍ അറിയിച്ചു.