ലോക്ക് ഡൗണ്‍ തുടരുന്നതിനാല്‍ മകളെ വീട്ടിലാക്കി ഭക്ഷണം വാങ്ങാന്‍ അമ്മ പുറത്ത് പോയ സമയത്ത് പ്രതി വീട്ടില്‍ അതിക്രമിച്ച് കയറി കുട്ടിയെ പീഡിപ്പിച്ച് എന്ന വാര്‍ത്തയാണ് പുറത്തു വരുന്നത് . മകളെ ഫോണില്‍ വിളിച്ചിട്ട് കിട്ടാതെ വന്നതോടെ വേര്‍പിരിഞ്ഞു താമസിക്കുന്ന പെണ്‍കുട്ടിയുടെ അച്ഛന്‍ പുറത്തേക്ക് പോയ അമ്മയെ വിളിച്ചു. മകള്‍ വീട്ടില്‍ ഉണ്ടെന്നും താന്‍ ഭക്ഷണം വാങ്ങാനായി പുറത്ത് പോയിരിക്കുകയാണെന്നും ഇവര്‍ കുട്ടിയുടെ പിതാവിനെ അറിയിച്ചു.
തുടര്‍ച്ചയായി ഫോണില്‍ വിളിച്ചിട്ടും മകളെ കിട്ടാതെ വന്നതോടെ പിതാവ് പോലീസിനെ വിവരമറിയിച്ചു. വീട്ടിലെത്തിയ പോലീസ് നടത്തിയ പരിശോധനയിലാണ് മൃതദേഹം വീട്ടിലെ കിടപ്പ് മുറിയില്‍ നിന്ന് കണ്ടെത്തിയത്. അങ്ങെനയാണ് കൊവിഡ്-19 നിയന്ത്രണത്തിനിടെ 13 വയസുകാരിയെ ബലാത്സംഗം ചെയ്ത് കൊന്നു എന്ന വാര്‍ത്ത പുറം ലോകം അറിയുന്നത്. ഭക്ഷണം വാങ്ങാന്‍ അമ്മ പുറത്ത് പോയ സമയത്ത് വീട്ടില്‍ അതിക്രമിച്ച് കയറിയ പ്രതി പെണ്‍കുട്ടിയെ ബലാത്സംഗത്തിനിരയാക്കി കൊലപ്പെടുത്തുകയായിരുന്നു. മെക്സിക്കോയിലെ നോഗെയ്ല്‍സിലാണ് സംഭവം

പെണ്‍കുട്ടി ക്രൂരമായി ബലാത്സംഗം ചെയ്യപ്പെട്ടതായി പോലീസ് വ്യക്തമാക്കി. മുഖത്തും ശരീരത്തിന്റെ മറ്റുഭാഗങ്ങളിലും മര്‍ദ്ദനമേറ്റ പാടുകളുണ്ടായിരുന്നതായും അന്വേഷണം തുടരുകയാണെന്നും പോലീസ് പറഞ്ഞു. അതേസമയം, ലോക്ക് ഡൗണ്‍ നിയന്ത്രണങ്ങള്‍ക്ക് ഇടയില്‍ സംഭവിച്ച കൊലപാതകത്തില്‍ പോലീസിനെതിരെ സമൂഹമാധ്യമങ്ങളില്‍ എതിര്‍പ്പ് ശക്തമായി.പ്രതിയെ ഇതുവരെ കണ്ടെത്താന്‍ കഴിഞ്ഞിട്ടില്ലെന്ന് പോലീസ് വ്യക്തമാക്കി. കിടപ്പ് മുറയില്‍ നിന്നാണ് മൃതദേഹം കണ്ടെത്തിയത്. വീട്ടില്‍ മോഷണം നടന്നിട്ടില്ല. പ്രതിയെ കണ്ടെത്താനുള്ള ശ്രമം തുടരുകയാണെന്നും പോലീസ് വ്യക്തമാക്കി.

രാജ്യം കൊറോണ വൈറസ് ഭീതിയില്‍ കഴിയുന്നതിനിടെ ഞെട്ടിക്കുന്ന വാര്‍ത്തയാണ് രാജസ്ഥാനില്‍നിന്ന് പുറത്തുവരുന്നത്. ഭരത്പൂര്‍ ജില്ലയില്‍ മൂന്ന് വയസുകാരിയെ ഇരുപതുകാരന്‍ ബലാത്സംഗം ചെയ്തു. ഗുരുതരമായി പരിക്കേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു. സംഭവത്തിന് ശേഷം ഒളിവില്‍പോയ അയല്‍വാസിയായ യുവാവിനുവേണ്ടി തെരച്ചില്‍ ഊര്‍ജിതമാക്കിയതായി പോലീസ് പറഞ്ഞു.

വ്യാഴാഴ്ച വൈകിട്ടായിരുന്നു സംഭവം. പെണ്‍കുട്ടിയുടെ മാതാപിതാക്കള്‍ പാടത്ത് പണിക്ക് പോയ സമയത്തായിരുന്നു യുവാവ് വീട്ടിലെത്തിയത്. ആ സമയത്ത് കുട്ടി വീട്ടില്‍ തനിച്ചായിരുന്നു. തൊട്ടടുത്തവീട്ടില്‍ കുട്ടിയുടെ പിതൃസഹോദരി താമസിക്കുന്നുണ്ട്. മാതാപിതാക്കള്‍ ജോലിക്ക് പോകുമ്പോള്‍ ഇവരാണ് കുട്ടിയുടെ കാര്യങ്ങള്‍ നോക്കിയിരുന്നത്. യുവാവ് കുട്ടിയെ കളിപ്പിക്കുന്നത് ബന്ധുക്കള്‍ കണ്ടിരുന്നു. ഇതിനുപിന്നാലെയാണ് പെണ്‍കുട്ടിയെ യുവാവ് ബലാത്സംഗത്തിനിരയാക്കിയത്. ക്രൂരമായ ബലാത്സംഗത്തിന് ശേഷം കുട്ടിയെ വീടിനകത്ത് ഉപേക്ഷിച്ച് പ്രതി കടന്നുകളയുകയായിരുന്നു.
ജോലി കഴിഞ്ഞ് വീട്ടിലെത്തിയ മാതാപിതാക്കള്‍ ചോരയൊലിച്ച് നിലത്ത് കിടക്കുന്ന മകളെയാണ് കണ്ടത്. ഇവര്‍ ഉടന്‍ പോലീസില്‍ വിവരമറിയിക്കുകയും ഒപ്പം കുട്ടിയെ ആശുപത്രിയില്‍ കൊണ്ടുപോകുകയും ചെയ്തു. വൈദ്യപരിശോധനയില്‍ കുട്ടി ക്രൂരമായ ബലാത്സംഗത്തിനിരയായെന്ന് തെളിഞ്ഞിട്ടുണ്ടെന്ന് പോലീസ് പറഞ്ഞു.

.