പ്രാര്ഥനയോടെ ലോകം... ഞങ്ങളുണ്ട് കൂടെയെന്ന് എന്.എച്ച്.എസും പറഞ്ഞപ്പോള് ആ നന്ദി തിരിച്ചും പ്രകടിപ്പിച്ചു ബ്രിട്ടീഷ് പ്രധാനമന്ത്രി ബോറിസ് ജോണ്സണ്, ആരോഗ്യ നിലയില് വലിയ പുരോഗതിയുണ്ടെന്ന് പ്രധാനമന്ത്രിയുടെ ഓഫീസ്
മനക്കട്ടി കൊണ്ട് തോല്പിക്കും. ചിലര് രോഗത്തെ. ഒപ്പം മരുന്നുകളും ആരോഗ്യമേഖലയും എല്ലാം കൈതാങ്ങാകുമ്പോള് അതിജീവിക്കും.
ബോറിസിന്റെ അതീജീവനപാഠം പ്രതീക്ഷയാണ്. ഞങ്ങളുണ്ട്് കൂടെയെന്ന് എന്.എച്ച്.എസും പറഞ്ഞപ്പോള് ആ നന്ദി തിരിച്ചും പ്രകടിപ്പിച്ചു ബ്രിട്ടീഷ് പ്രധാനമന്ത്രി ബോറിസ് ജോണ്സണ്. പ്രാര്ഥനയോടെ ലോകം ആ മടങ്ങിവരവിനായി കാത്തിരിക്കുകയാണ്.
കൊറോണയ്ക്കെതിരെ പോരാടി ബോറിസ് ജോണ്സണ് വിജയിച്ച് മടങ്ങട്ടെയെന്ന് എവരും കാത്തിരിക്കുകയാണ്. ആരോഗ്യ നിലയില് വലിയ പുരോഗതിയുണ്ടെന്ന് പ്രധാനമന്ത്രിയുടെ ഓഫീസ്. കൊറോണ ബാധിച്ച് ആശുപത്രിയില് ചികിത്സയില് കഴിയുന്ന ബ്രിട്ടീഷ് പ്രധാനമന്ത്രി ബോറിസ് ജോണ്സന്റെ ആരോഗ്യ നിലയില് വലിയ പുരോഗതി. പ്രധാനമന്ത്രിയുടെ ഓഫീസ് ആണ് ഇക്കാര്യം അറിയിച്ചത്. സ്ഥിതി മെച്ചപ്പെട്ടത് കണക്കിലെടുത്ത് ബോറിസ് ജോണ്സണെ ഐസിയുവില് നിന്ന് പരിചരണത്തിനായി വാര്ഡിലേക്ക് മാറ്റിയതായും 10 ഡൗണിംഗ് സ്ട്രീറ്റ് പുറത്തുവിട്ട പ്രസ്താവനയില് പറയുന്നു.
55 വയസുകാരനായ ബോറിസ് ജോണ്സണെ കഴിഞ്ഞ ഞായറാഴ്ചയാണ് ലണ്ടനിലെ സെന്റ് തോമസ് ആശുപത്രിയില് പ്രവേശിപ്പിച്ചത്. കൊറോണ വൈറസ് ബാധിച്ചതായി കണ്ടെത്തിയതിനെത്തുടര്ന്ന് വീട്ടില് നിരീക്ഷണത്തിലായിരുന്നെങ്കിലും സ്ഥിതി വഷളായപ്പോഴാണ് ആശുപത്രിയിലെ ഐസിയുവിലേക്ക് മാറ്റിയത്. കൊറോണ മൂലം ആശുപത്രിയില് പ്രവേശിപ്പിക്കപ്പെടുന്ന ആദ്യ ലോകനേതാവാണ് ബോറിസ് ജോണ്സണ്.
അതേസമയം, ബോറിസ് ജോണ്സന്റെ ആരോഗ്യ നിലയിലുണ്ടായ പുരോഗതിയില് സന്തോഷം പ്രകടിപ്പിച്ചുകൊണ്ട് അമേരിക്കന് പ്രസിഡന്റ് ഡൊണാള്ഡ് ട്രംപ് രംഗത്തെത്തി. വളരെ നല്ല വാര്ത്തയെന്നായിരുന്നു ട്രംപ് ട്വീറ്റ് ചെയ്തത്. തന്റെ ജീവിതം എന്.എച്ച്.എസ് സ്റ്റാഫിനോട് കടപ്പെട്ടിരിക്കുന്നുവെന്ന് ബോറിസ് ജോണ്സണ് പറഞ്ഞിരുന്നു.
https://www.facebook.com/Malayalivartha