ചൈനയെ വികസ്വര രാജ്യമായാണ് കണക്കാക്കുന്നതെങ്കില്‍ അമേരിക്കയെയും അങ്ങനെ കാണണമെന്ന് പ്രസിഡന്റ് ഡൊണാള്‍ഡ് ട്രംപ്. ചൈന യുഎസ്സിനെ മുതലെടുക്കുകയാണെന്ന് ആരോപിച്ച് സംസാരിക്കുകയായിരുന്നു ട്രംപ്. ചൈന തങ്ങളെയും മറ്റ് രാജ്യങ്ങളെയും മുതലെടുക്കുകയാണ്. അവരെ വികസ്വര രാജ്യമായാണ് കണക്കാക്കുന്നത്.അതിനാല്‍ ഞാനും പറയുകയാണ് ഞങ്ങളെയും വികസ്വര രാജ്യമായി കണക്കാക്കൂവെന്ന്.
വികസ്വരരാഷ്ട്രമായതു കൊണ്ട് തന്നെ അവര്‍ക്ക് പല മെച്ചങ്ങളുമുണ്ട്. ഇന്ത്യ ഒരു വികസ്വര രാഷ്ട്രമാണ്. യുഎസ് ഒരു വലിയ വികസിത രാഷ്ട്രമാണ്. ഒരുപാട് വികസനം ഇനി നടത്താനുമുണ്ട്. ഒരു വികസ്വര രാജ്യമായതിന്റെ എല്ലാ ആനുകൂല്യങ്ങളും അവര്‍ക്ക് ലഭിച്ചിരുന്നു. ആ തരത്തില്‍ ചൈന അമേരിക്കയെ ചൂഷണം ചെയ്തു. എന്നാല്‍ ഞാന്‍ വന്നതിനു ശേഷം ചൈന ഇപ്പോള്‍ 25% പണം കെട്ടുന്നുണ്ട്. ആ തരത്തില്‍ യുഎസ് കോടിക്കണക്കിനു ഡോളറുകളാണ് ചൈനയില്‍ നിന്ന് നേടുന്നത്.

ചൈനയെകൊണ്ട് പൊറുതിമുട്ടിയ അമേരിക്ക ഇത് പറയുമ്പോള്‍ എല്ലാ കണ്ണുകളും ചൈനയുടെ ഉറ്റചങ്ങാതി പാക്കിസ്ഥാനിലാണ്. കൊറോണയെ പ്രതിരോധിക്കുന്നതില്‍ വലിയ പരാജയമായ ഇമ്രാനെതിരെ വലിയ പ്രതിഷേധങ്ങള്‍ ഒരു വശത്ത് ഇപ്പോഴുമുണ്ട്. ഇതിനിടയിലാണ് അസാധ്യ തള്ളിമറിയ്ക്കലുമായി ഖാന്റെ വരവ്. ഞങ്ങള്‍ ആദ്യം പിടിച്ചുകെട്ടുമെന്നാണ് പാക് പ്രധാനമന്ത്രിയുടെ ന്യായം.
കൊവിഡായാലും വീരവാദത്തിന് പാകിസ്ഥാന് ഒരു കുറവുമില്ല. പാകിസ്ഥാനില്‍ കൊവിഡ് പടര്‍ന്നു പിടിക്കുകയാണ്.

ഒരെത്തും പിടിയുമില്ലാതെ ജനങ്ങള്‍ നില്‍ക്കുമ്പോള്‍ ആദ്യം കൊവിഡ് വിമുക്തമാകുന്ന രാജ്യം പാകിസ്ഥാനാകുമെന്നാണ് പ്രധാനമന്ത്രി ഇമ്രാന്‍ ഖാന്‍ പറയുന്നത്. കൊവിഡിനെ തളയ്ക്കാനായി സാദ്ധ്യമായ എല്ലാ കാര്യങ്ങളും വിനിയോഗിക്കാനുള്ള അനുമതി ഇമ്രാന്‍ നല്‍കിയിട്ടുണ്ട്. അതേസമയം ഏറ്റവും മോശം കാര്യങ്ങള്‍ ഇനിയും വരാനിരിക്കുന്നതേയുള്ളൂവെന്ന് ഇമ്രാന്‍ രാജ്യത്തിന് മുന്നറിയിപ്പും നല്‍കി. രാജ്യത്തിന്റെ ആരോഗ്യ പരിരക്ഷാ സംവിധാനം അഭൂതപൂര്‍വമായ പരീക്ഷണം നേരിടുകയാണെന്ന് രണ്ട് ദിവസം മുമ്പ് ഇമ്രാന്‍ പറഞ്ഞിരുന്നു. ഏതായാലും ഈ വിഷയത്തില്‍ ലോകരാജ്യങ്ങളുടെ നിലപാടിനായി കാത്തിരിക്കുകയാണ് മാധ്യമങ്ങള്‍. ലോകാരോഗ്യസംഘടനയടക്കം ഈ വിഷയത്തില്‍ എന്തു നിലപാട് സ്വീകരിക്കും.