ലോകരാജ്യങ്ങളുടെ പ്രതിരോധ സേനകളും കോവിഡുമായുള്ള പോരാട്ടത്തില്
കോവിഡ് പ്രതിരോധത്തിനു പല രാജ്യങ്ങളും സേനകളെ നിയോഗിച്ചു. സൈനികര്ക്കു കോവിഡ് പകരാതിരിക്കാനുള്ള ജാഗ്രതയും ശക്തം.
ശത്രുരാജ്യങ്ങള്ക്കെതിരായ നടപടികളില് അയവു വരുത്തി, കോവിഡിനെ തുരത്താനുള്ള പോരാട്ടത്തിലാണിപ്പോള് മിക്ക രാജ്യങ്ങളുടെയും സൈന്യം.
യുഎസ്സില് 150 സൈനിക കേന്ദ്രങ്ങളിലായി 120 സേനാംഗങ്ങള് രോഗബാധിതരാണ്. 4 വിമാനവാഹിനി കപ്പലുകളില് രോഗബാധ. ആണവ ആയുധങ്ങള് സൂക്ഷിച്ചിട്ടുള്ള 8 താവളങ്ങളിലെ സേനാംഗങ്ങള്ക്കും കോവിഡ് ബാധിച്ചിട്ടുണ്ട്.
ഫ്രാന്സിന്റെ ഏക വിമാനവാഹിനി കപ്പലായ ചാള്സ് ഡെ ഗൗളിലെ 50 സേനാംഗങ്ങള് രോഗഗ്രസ്ഥരാണ്. രോഗം പിടിമുറുക്കിയതോടെ യെമനിലെ ഹൂതി വിമതര്ക്കെതിരായ ആക്രമണം സൗദി അറേബ്യ തല്ക്കാലത്തേക്കു നിര്ത്തി.
ഇസ്രയേലാകട്ടെ, സിറിയ, ലബനന് എന്നിവിടങ്ങളിലെ വ്യോമാക്രമണം നിര്ത്തി. പലസ്തീനെതിരായ സംഘര്ഷത്തില് അയവു വരുത്തി. ഗാസ, വെസ്റ്റ് ബാങ്ക് എന്നിവിടങ്ങളില് രോഗ പ്രതിരോധ പ്രവര്ത്തനത്തിനായി കരസേനയെ രംഗത്തിറക്കി.
രോഗവ്യാപനം തടയാന് 3000 സേനാംഗങ്ങളാണ് ദക്ഷിണ കൊറിയയില് രംഗത്തുള്ളത്. യുഎസുമായുള്ള സൈനിക അഭ്യാസം രാജ്യം റദ്ദാക്കി.
ലിബിയയില് കോവിഡിന്റെ പശ്ചാത്തലത്തില് ആക്രമണം നിര്ത്താനുള്ള ഐക്യരാഷ്ട്ര സംഘടനയുടെ അഭ്യര്ഥന ജനറല് ഖലീഫ ഹഫ്തറിന്റെ നേതൃത്വത്തിലുള്ള വിമത സേന തള്ളി. കോവിഡ് ചികിത്സാ സൗകര്യമുള്ള രാജ്യത്തെ ഏക ആശുപത്രി കഴിഞ്ഞ ദിവസം തകര്ത്തു.
'കോവിഡിന്റെ പശ്ചാത്തലത്തില് ഞങ്ങളെ ആക്രമിക്കാമെന്ന് ആരും കരുതേണ്ട. യുഎസ് േസന എന്തിനും തയാറാണ്. ഏതു ഭീഷണിയും നേരിടാന് എപ്പോഴും സജ്ജമാണെന്നും യുഎസ് സംയുക്ത സേനാ സമിതി ചെയര്മാന് ജനറല് മാര്ക്ക് മില്ലി പറഞ്ഞു.
https://www.facebook.com/Malayalivartha
