വികസിത രാജ്യങ്ങളെയും വികസ്വര രാജ്യങ്ങളെയും എന്തുകൊണ്ടാണ് കോവിഡ് എന്ന മഹാമാരി ഒരുപോലെ വേട്ടയാടുന്നു.... കോവിഡ് എവിടെ നിന്നും വന്നു... ഇതാണ് സത്യം?
കോവിഡ് എവിടെ നിന്നും വന്നു. വികസിത രാജ്യങ്ങളെയും വികസ്വര രാജ്യങ്ങളെയും എന്തുകൊണ്ടാണ് കോവിഡ് എന്ന മഹാമാരി ഒരുപോലെ വേട്ടയാടുന്നു. മുന്പ് പകര്ച്ചവ്യാധികളെ തടയാന് ഫലപ്രദമായ നടപടികള് എടുത്തിരുന്ന ലോകരാജ്യങ്ങള്ക്ക് ഇപ്പോള് എന്തുകൊണ്ട് പിഴവു സംഭവിച്ചു. ആ പിഴവിന് ഉത്തരവാദികള് ആരൊക്കെ ? ഇങ്ങനെ നിരവധി ചോദ്യങ്ങള് ഉയര്ത്തുന്നുണ്ട് കോവിഡ് എന്ന മഹാമാരി.ഡിസംബര് എട്ടിനു ചൈനയില് കൊറോണ വിഭാഗത്തില്പ്പെട്ട കോവിഡ് വൈറസ് കണ്ടെത്തിയതായി ലോകാരോഗ്യ സംഘടന പ്രഖ്യാപിച്ചതോടെയാണ് ലോകം കീഴടക്കാന് പുതിയൊരു മഹാമാരി കൂടി എത്തിയതായി സ്ഥിരീകരിച്ചത്.
ചൈനയിലെ ഹ്യൂബെ പ്രവിശ്യയിലെ വുഹാന് നഗരത്തിലാണ് വൈറസിന്റെ വ്യാപനം ആരംഭിച്ചതെന്നാണ് വിവരം. നഗരത്തിലെ മാംസമാര്ക്കറ്റില്നിന്ന് വൈറസ് പടരുകയായിരുന്നെന്നാണ് കരുതപ്പെടുന്നത്. അതല്ല, വുഹാനില് ചൈനയ്ക്ക് രഹസ്യ ജൈവായുധ ഗവേഷണസ്ഥാപനങ്ങള് ഉണ്ടെന്നും അവിടെനിന്നു ചോര്ന്ന വൈറസാണ് നാശം വിതച്ചതെന്നുമുള്ള സിദ്ധാന്തങ്ങളും പ്രചരിക്കുന്നു.ചില കാര്യങ്ങള് വ്യക്തമാണ്.
ചൈനയിലെ വൈറസ് ബാധ യഥാസമയം കണ്ടെത്താനോ നിയന്ത്രിക്കാനോ ആരോഗ്യവകുപ്പിനു കഴിഞ്ഞിരുന്നില്ല. പകര്ച്ചവ്യാധിയുടെ ഗുരുതരാവസ്ഥ ലോകത്തിന്റെ മുന്നില്നിന്നു മറച്ചുവയ്ക്കുവാനായിരുന്നു അവര്ക്ക് താല്പര്യം. ചൈന അങ്ങനെയൊരു നീതികേട് ലോകത്തോട് കാണിച്ചില്ലായിരുന്നുവെങ്കില് ലോകരാജ്യങ്ങള്ക്ക് ഒരുപരിധിവരെയെങ്കിലും പ്രതിരോധ നിയന്ത്രണമാര്ഗ്ഗങ്ങള് കൈക്കൊള്ളുവാന് കഴിയുമായിരുന്നെന്നും കരുതാം. കോവിഡ് സര്വശക്തനായ സംഹാരരൂപിയാണെന്നും കാട്ടുതീപോലെ അതു ചൈനയിലും ലോകമാകെയും പടര്ന്നുപിടിക്കുമെന്നും ഉടന് എന്തെങ്കിലും ചെയ്തില്ലെങ്കില് അതിഭയാനകമായിരിക്കും കാര്യങ്ങളെന്നും ആദ്യം മുന്നറിയിപ്പു നല്കിയത് ഡോക്ടര് ലീ വെന്ലിയാങ് എന്ന നേത്രരോഗ വിദഗ്ധനാണ്.
ഒടുവില് അജ്ഞാതവാസത്തിലായ ലീ ആ രോഗം ബാധിച്ച് മരിച്ചിരിക്കുന്നു എന്ന വാര്ത്തയാണ് വന്നത്. കുറച്ചു പേരെങ്കിലും സംശയിക്കുന്നു ലീ മരിച്ചതോ അതോ സത്യം വിളിച്ചുപറഞ്ഞതിന് കൊന്നതോ. വന്നത് ജൈവ ലാബില് നിന്നായാലും മാര്ക്കറ്റില്നിന്നായാലും, ഈ മഹാമാരിയുടെ ഉറവിടത്തെപ്പറ്റി വ്യക്തത വരുത്താനുള്ള ബാധ്യത ചൈനയ്ക്കുമുണ്ട്. ജൈവായുധം എന്ന, തെളിവുകള് ഇല്ലാത്ത ആരോപണം മാറ്റിനിര്ത്തിയാല് പോലും നിഷ്പക്ഷ നിരീക്ഷകര് ചൈനയെ സംശയമുനയില് നിര്ത്തുന്നതില് ചില കാര്യങ്ങളുണ്ട്. ലോകത്തിലെ ഒന്നാമത്തെ സാമ്പത്തിക ശക്തിയാകാന് വെമ്പല്കൊള്ളുന്ന ചൈനയ്ക്ക് അതിവേഗം പടര്ന്നു പിടിക്കുന്ന ഈ പകര്ച്ചവ്യാധി ഒരു വലിയ മാര്ഗതടസ്സം ആണ്.
സാമ്പത്തിക അടിത്തറ തകര്ക്കാന് പര്യാപ്തമാണ് കോവിഡെന്ന് അവര് തിരിച്ചറിഞ്ഞിരിക്കാം. അതു പുറത്തറിഞ്ഞാല് ലോകം ഒറ്റപ്പെടുത്തിയേക്കാം. ആഗോളതലത്തിലുള്ള വന് വാണിജ്യ ഇടപാടുകള്ക്ക് തിരിച്ചടികള് നേരിടാം. ഏതായാലും ചൈന നടത്തിയ ശ്രമങ്ങള് ആ ജനതയെയും ലോക ജനതയെയും മരണത്തിന്റെ വാരിക്കുഴികളിലേക്ക് തള്ളിവിട്ടത്. സാമ്പത്തിക ദുരാഗ്രഹത്തിനു മുന്നില് മനുഷ്യജീവന് യാതൊരു വിലയും ഇല്ലെന്നാണ് കോവിഡിന്റെ ചൈനയിലെ ഉദ്ഭവ, വ്യാപനക്കാലം സാധാരണ മനുഷ്യരായ നമുക്ക് മുന്നറിയിപ്പു നല്കുന്നത്. മഹാമാരിയുടെ ലോക വ്യാപനത്തില് ആദ്യപിഴവുകള് ചൈനക്കാണെങ്കിലും മറ്റു ചില രാജ്യങ്ങളുടെ ഉത്തരവാദിത്തമില്ലായ്മയും തള്ളിക്കളയാനാവില്ല.
https://www.facebook.com/Malayalivartha