കൊറോണയും കടന്ന് ഉക്രൈന് വലിയ അപകടത്തിലേക്ക്; കാട്ടുതീ 12000 ഹെക്ടര് പ്രദേശം വിഴുങ്ങി; ആണവ നിലയവും കാട്ടുതീയും തമ്മില് ഒരുകിലോ മീറ്റര് മാത്രം അകലം; ജീവന് മരണ പോരാട്ടം നടത്തി അഗ്നിരക്ഷാ സേന
കൊറോണക്കു പന്നാലെ ഉക്രൈന് വലിയ ഭീണിയായി ആണവനിലയത്തിനടുത്ത കാട്ടുതീ....... ചെര്ണോബിലിലെ തകര്ന്ന ആണവ നിലയത്തിന് തൊട്ടടുത്ത് കാട്ടുതീ. വെറും ഒരു കിലോമീറ്റര് മാത്രമാണ് ഇപ്പോള് കാട്ടുതീയും ആണവ നിലയവും തമ്മിലുള്ള ദൂരം. തീ വ്യാപിക്കുന്നത് വലിയ ആശങ്കയാണ് ഉയര്ത്തിയിരിക്കുന്നത്. പ്രദേശത്ത് ആണവ വികിരണ സാധ്യതയുണ്ടെന്ന് അധികൃതര് മുന്നറിയിപ്പ് നല്കി. ആണവനിലയത്തെ നേരിട്ട് ബാധിക്കും മുന്പ് തീ അണയ്ക്കാന് തീവ്ര ശ്രമം നടക്കുന്നുണ്ട്.
വടക്കന് ഉക്രൈനിലാണ് ചെര്ണോബില് ആണവ നിലയം. ലോകത്തിലെ ഏറ്റവും അപകടകരമായ മാലിന്യം സൂക്ഷിച്ചിരിക്കുന്ന പ്രദേശമാണ് ഇവിടം.അധികൃതര് കരുതിയതിനേക്കാളും വലിയ കാട്ടുതീയാണിത്. ആദ്യത്തെ കാട്ടുതീ 34000 ഹെക്ടര് പ്രദേശം വിഴുങ്ങി. അതേസമയം ചെര്ണോബിലിന് തൊട്ടടുത്ത് രൂപപ്പെട്ട രണ്ടാമത്തെ കാട്ടുതീ 12000 ഹെക്ടര് പ്രദേശമാണ് വിഴുങ്ങിയത്.
എച്ച്ബിഒ യുടെ ചെര്ണോബില് സീരീസ് വന് വിജയമായതിന് ശേഷം ലോകത്താകമാനമുള്ള നിരവധി പേരാണ് ഇവിടം സന്ദര്ശിച്ചത്. 2018 ല് 80000 പേരാണ് ഇവിടെയെത്തിയത്. 2019 ല് സന്ദര്ശകരുടെ എണ്ണം ഇതിലും വലുതായിരുന്നു. അപകട മേഖലയിലെ പുല്ലിന് ഒരാള് കഴിഞ്ഞ ഏപ്രില് നാലിന് തീകൊടുക്കുകയായിരുന്നു. പിന്നീടിത് കത്തിപ്പടര്ന്നു. 300 ലേറെ അഗ്നിശമന സേനാംഗങ്ങളാണ് ഇപ്പോള് തീയണക്കാന് കഠിനാധ്വാനം ചെയ്യുന്നത്.
ഉക്രൈനില് 3,102 പേര്ക്കാണ് കൊറോണ സ്ഥിരീകരിച്ചത് ഇതില് 93 പേരാണ് മരണത്തിനു കീഴടങ്ങിയത്. ലോകത്ത് കൊവിഡ് മരണം 1,19,000 കടന്നു. രോഗബാധിതര് പത്തൊന്പത് ലക്ഷത്തിലേറെയായി. അമേരിക്കയിലും മരണം ഉയരുകയാണ്. ലോകരാജ്യങ്ങളില് ഏറ്റവും കൂടുതല് മരണവും രോഗബാധിതരും അമേരിക്കയിലാണ്. 24 മണിക്കൂറിനിടെ അമേരിക്കയില് 1,505 പേരാണ് മരിച്ചത്. ആകെ മരണം 23,610 ആയി. രോഗബാധിതരുടെ എണ്ണം ആറ്ലക്ഷത്തോട് അടുക്കുന്നു. അതേസമയം ഇറ്റലിയില് മരണം 20,000 കടന്നു. സ്പെയിനില് മരണം 18000ത്തോട് അടുത്തു. ഫ്രാന്സില് 14,967 പേരും ബ്രിട്ടനില് 11,329 പേരും ഇതേവരെ മരിച്ചു. അമേരിക്ക കഴിഞ്ഞാല് ഇന്നലെ ഏറ്റവുമധികം പേര് മരിച്ചത് ബ്രിട്ടനിലാണ്. 717 പേര് ഇന്നലെ മരിച്ചു. ലോകത്താകെ ഇന്നലെ മാത്രം മരിച്ചത് അയ്യായിരത്തിലേറെ പേരാണ്.
https://www.facebook.com/Malayalivartha