കൊറോണ വൈറസിന്റെ ഉത്ഭവം തേടിപ്പോയ വിദഗ്ദര്‍ അക്ഷരാര്‍ത്ഥത്തില്‍.ഞെട്ടിത്തരിച്ചിരിക്കുകയാണ്. ഒരു ഉറവിടം തേടിപ്പോയവക്കുമുന്നില്‍ ലഭ്യമായത് ഇനത്തില്‍ പെട്ട ആറ് വയറസ്സുകളെയാണെന്നതാണ് അക്ഷരാര്‍ത്ഥത്തില്‍ ലോകത്തെ നടുക്കിയിരിക്കുന്നത്. ചെനയിലുണ്ടായ വയറസ്സുകള്‍ വവ്വാലില്‍നിന്ന് ഈ നാംപേച്ചികളില്‍ എത്തി മ്യൂട്ടേഷന് വിധേയമായാണ് മനുഷ്യരില്‍ പ്രവേശിച്ചതെന്നാണ് പഠനങ്ങള്‍ വെയക്തമാക്കുന്നത്. അങ്ങനെയാണ് എങ്കില്‍ ഇപ്പോഴുള്ള കണ്ടെത്തലുകള്‍ കൂടുതല്‍ ഭീതി പടര്‍ത്തുകയാണ്. കൊറോണ വൈറസ് വര്‍ഗത്തില്‍പ്പെടുന്ന പുതിയ 6 ഇനം വൈറസുകളെയാണ് മ്യാന്‍മറിലെ വവ്വാലുകളില്‍ കണ്ടെത്തിയിരിക്കുന്നത്. ചെനയില്‍ ഉണ്ടായപോലെ മ്യൂട്ടേഷന് വിധേയമാായാല്‍ ഇവിടങ്ങളിലും ഈ വൈറസുകള്‍ അപകടം സൃഷ്ടിച്ചേക്കാം. നിലവില്‍ രോഗം പരത്തിക്കൊണ്ടിരിക്കുന്ന കോവിഡ് - 19, സാര്‍സ് -കോവ് - 2 എന്നിവയുമായി അടുത്തബന്ധമില്ലാത്തവയാണ് മ്യാന്മാറില്‍നിന്ന്  കണ്ടെത്തിയ വൈറസുകള്‍. ഇവ ജീവികളില്‍നിന്നും ജീവികളിലേക്കു പകരുമോയെന്നും മനുഷ്യരെ ബാധിക്കുമോ എന്നതിനെക്കുറിച്ചും ഇനിയും വ്യക്തത ലഭിക്കേണ്ടതുണ്ടെന്നും ഗവേഷകര്‍ പറയുന്നു.

ഇനി മ്യാന്മാറിലല്ലേ ഇവിടെ നമുക്ക് ഇതുപോലെ ലോക്ക് ഡൗണിലായിരുന്നാല്‍ പകരില്ലല്ലൊ എന്ന് കരുതിയാല്‍ തെറ്റി. കേരളത്തിലെ വവ്വാലുകളിലും കൊറോണ വൈറസ് കണ്ടെത്തിയിട്ടുണ്ട്. 2017.18 ല്‍ പിടിച്ച വവ്വാലുകളിലാണ് വൈറസിന്റെ സാനിധ്യം കണ്ടെത്തിയിരിക്കുന്നത്. ഇവയുടെ സ്രവത്തില്‍ നിന്നും മലദ്വാരത്തില്‍ നിന്നും എടുത്ത സ്രവങ്ങളിലാണ് വൈറസിന്റെ സാനിധ്യം കണ്ടെത്തിയത്. ചെനയില്‍ കണ്ടതുപോലെ എവിടെ വേണമെങ്കിലും ഈ വൈറസ് മ്യുട്ടേഷന് വിധേയമാകാം എന്നാണ് പുതിയ പഠനങ്ങള്‍ വ്യക്തമാക്കുന്നത്. ഈ വൈറസുകള്‍ക്ക് മ്യുട്ടേഷന്‍ സംഭവിക്കണമെങ്കില്‍ അതിന് വാഹകരെ ആവശ്യമുണ്ട്. ചൈനയില്‍ ഈനാംപേച്ചികള്‍ വാഹകരായതുപോലെ. കേരളത്തില്‍ തെരുവുനായ്ക്കള്‍ വാഹകരാകാനുള്ള സാധ്യത പല പഠനങ്ങളും മുന്നോട്ടുവയ്ക്കുന്നുണ്ട്. അങ്ങനെ സംഭവിച്ചാല്‍ പിന്നെ ലോകജനത ഇഞ്ചഞ്ചായി ഇല്ലാതാകും എന്ന കാര്യത്തില്‍ സംശയം വേണ്ട.

ഇനിയും കണ്ടെത്താനാകാത്ത ആയിരക്കണക്കിന് കൊറോണ വൈറസ് ഇനങ്ങള്‍ വവ്വാലുകളിലുണ്ടാകാം എന്ന സൂചനയാണ് ഈ കണ്ടെത്തല്‍ നല്‍കുന്നത്. യുഎസ് നിയോഗിച്ച രാജ്യാന്തര തലത്തിലുള്ള ഗവേഷണസംഘം മ്യാന്‍മറിലെ ലിന്നോ ഗുഹയിലുള്ള വവ്വാലുകളില്‍  നിന്നുമാണ് പുതിയ ഇനത്തില്‍പ്പെട്ട വൈറസുകളെ കണ്ടെത്തിയത്.  വവ്വാലുകളുടെ പ്രത്യേക ജീവിതശൈലിയാണ് അവയെ വൈറസുകള്‍ ബാധിക്കുന്നതിന് പ്രധാന കാരണം.

2016 മേയ്ക്കും 2018 ഓഗസ്റ്റിനും ഇടയ്ക്ക് വവ്വാലുകളില്‍ നിന്നും ശേഖരിച്ച 750 സാമ്പിളുകള്‍ ഉപയോഗിച്ചാണ് സംഘം പഠനം നടത്തിയത്. ഈ സാമ്പിളുകളും പ്രദേശത്തെ മനുഷ്യരുടെയും കന്നുകാലികളുടെയും സാമ്പിളുകളുമായി താരതമ്യം ചെയ്തു പഠനം നടത്തി. ഇതിനുപുറമേ നിലവില്‍  കണ്ടെത്തിയിട്ടുള്ള കൊറോണ വൈറസുകളുടെ ജനിതക ഘടനയും താരതമ്യ പഠനത്തിന് ഉപയോഗിച്ചിരുന്നു. ഇതില്‍ നിന്നുമാണ് പുതിയ ഇനത്തില്‍പ്പെട്ട വൈറസുകളുടെ സാന്നിധ്യം കണ്ടെത്തിയത്.  ഇവയില്‍ മൂന്നെണ്ണം ആല്‍ഫ കൊറോണ വൈറസുകളുടെ വിഭാഗത്തിലും ബാക്കി മൂന്നെണ്ണം ബീറ്റാ കൊറോണ വൈറസുകളുടെ വിഭാഗത്തിലുമാണ് ഉള്‍പ്പെട്ടിരിക്കുന്നത്.

സാധാരണയായി എല്ലാ ഇനത്തില്‍പ്പെട്ട കൊറോണാ വൈറസുകളും അപകടകാരികള്‍ അല്ല. എന്നാല്‍ രോഗം പകര്‍ത്താന്‍ സാധ്യതയുള്ള വൈറസുകളെ മുന്‍കൂട്ടി കണ്ടെത്താന്‍ സാധിക്കുമെന്നതിനാലാണ് പഠനം നടത്തിയത് എന്ന് സ്മിത്സോണിയന്‍ ഗ്ലോബല്‍ ഹെല്‍ത്ത് പ്രോഗ്രാമിന്റെ ഡയറക്ടറും ഗവേഷണ സംഘത്തിലെ അംഗവുമായ സൂസന്‍ മുറെ പറയുന്നു.

നിരവധി വിഭാഗത്തില്‍പ്പെട്ട വൈറസുകള്‍ അടങ്ങുന്ന വലിയൊരു ഒരു ശ്രേണി തന്നെയാണ് കൊറോണവൈറസുകള്‍. ഇവയില്‍ പലതും വൈറസ് ബാധിച്ച മൃഗങ്ങളെ രോഗാവസ്ഥയിലാക്കുമെങ്കിലും ഒന്നില്‍ നിന്നും മറ്റൊന്നിലേക്കു പകരാറില്ല. എന്നാല്‍ സാര്‍സ് -കോവ് - 2, കോവിഡ് - 19 എന്നിങ്ങനെ വളരെ ചുരുക്കം ഇനത്തില്‍പെട്ട വൈറസുകള്‍ ജീവികളില്‍നിന്നും ജീവികളിലേക്കു പകരാറുണ്ട്. ഇത്തരം വൈറസുകള്‍ രോഗങ്ങള്‍ മനുഷ്യരിലേക്കു പകരാതിരിക്കുന്നതിന് മുന്‍കൂട്ടി നടപടികള്‍ സ്വീകരിക്കുന്നതിന് പഠനം സഹായകരമാകുമെന്നാണ് കണക്കുകൂട്ടല്‍.