ഒമാനിലെ സ്വകാര്യ കമ്പനികള്ക്ക് വിദേശ തൊഴിലാളികളെ പിരിച്ചുവിടാന് അനുമതി
ഒമാനില് പ്രതിസന്ധി നേരിടുന്ന സ്വകാര്യ കമ്പനികള്ക്ക് വിദേശ തൊഴിലാളികളെ പിരിച്ചു വിടാന് അനുമതി. സ്വകാര്യ മേഖലയിലെ എല്ലാ സ്ഥാപനങ്ങള്ക്കും നിയമം ബാധകമാണ്. ശമ്പളം വെട്ടിക്കുറയ്ക്കാനും സ്ഥാപനങ്ങള്ക്ക് അനുമതിയുണ്ട്. പിരിച്ചുവിടുന്നവര്ക്ക് ആനുകൂല്യങ്ങള് നല്കണം. വാര്ഷിക അവധി നല്കി ജീവനക്കാരെ നാട്ടിലേക്ക് അയയ്ക്കാനും ജീവനക്കാരുടെ ജോലി സമയം കുറച്ചതിനാല് 3 മാസത്തേക്കു വേതനത്തില് കുറവുവരുത്താനും അനുമതി നല്കിയിട്ടുണ്ട്.
ഒമാനില് 97 പേര്ക്കു കൂടി രോഗം സ്ഥിരീകരിച്ചു. ഇവരില് 86 പേരും മസ്കത്തില്നിന്നുള്ളവര്. മലയാളികള് ഉള്പ്പെടെ ഒട്ടേറെപ്പേര് നിരീക്ഷണത്തില്. രോഗബാധിതര് 910. മരണം 2 വിദേശികളടക്കം 4. സുഖപ്പെട്ടവര് 130.
ബഹ്റൈനില് കോവിഡ് രോഗികളുടെ എണ്ണം 1000 കടന്നു. 143 പേര്ക്കാണ് ഇന്നലെ രോഗം സ്ഥിരീകരിച്ചത്. ഇവരില് 128 പേര് കുടിയേറ്റ തൊഴിലാളികളാണ്. 3 പേരുടെ നില ഗുരുതരം. മരണം 7. സൗദിയില് 6 പേര് കൂടി മരിച്ചു. 493 പേര് ഉള്പെടെ 5862 പേരാണ് രോഗബാധിതര്. 186 പേര് ഇന്ത്യക്കാര്. 42 പേര്ക്ക് രോഗം സുഖപ്പെട്ടു.
എല്ലാ സ്ഥാപനങ്ങളും തൊഴിലാളികള്ക്ക് ഭക്ഷണവും താമസവും നല്കണമെന്ന് ഖത്തര് സര്ക്കാര് ഉത്തരവിട്ടു. പ്രതിസന്ധിയെ തുടര്ന്ന് തൊഴില് കരാര് റദ്ദാക്കിയാലും തൊഴിലാളിയെ സ്വദേശത്തേക്ക് മടക്കി അയയ്ക്കുന്നതിനുള്ള നടപടിക്രമങ്ങള് പൂര്ത്തിയാക്കുന്നത് വരെ തൊഴിലാളിക്ക് ഭക്ഷണവും താമസവും സൗജന്യമായി അല്ലെങ്കില് തത്തുല്യമായ തുക തൊഴിലുടമ നല്കണമെന്നാണ് നിര്ദേശം. ഇവിടെ രോഗബാധിതര്- 3,711. സുഖപ്പെട്ടവര് 406. മരണം 7.
കുവൈത്തില് പൊതുമാപ്പ് പ്രയോജനപ്പെടുത്തുന്ന ഇന്ത്യക്കാരുടെ അപേക്ഷ ഇന്നു മുതല് സ്വീകരിച്ചു തുടങ്ങും. 20 വരെ രാവിലെ 8 മുതല് ഉച്ചയ്ക്ക് 2-വരെയാണ് അപേക്ഷ സമര്പ്പിക്കേണ്ടത്. കുവൈറ്റില് 30 പേര് കൂടി രോഗമുക്തരായി. 32 ഇന്ത്യക്കാര് ഉള്പ്പെടെ 50 പേര്ക്ക് പുതുതായി രോഗം സ്ഥിരീകരിച്ചു. രോഗബാധിതര് 1405. ഇന്ത്യക്കാര് 785. 31 പേര് ഗുരുതര നിലയില്. മരണം 3.
https://www.facebook.com/Malayalivartha