കഴിഞ്ഞ ദിവസമാണ് കോവിഡ് ബാധിച്ചിട്ടുണ്ടോയെന്ന് വ്യക്തമാകാന്‍ ആന്റിബോഡി പരിശോധന നടത്താനൊരുങ്ങുന്ന യുഎസിന് കനത്ത തിരിച്ചടിയായ വാര്‍ത്ത സിഎന്‍എന്‍ പുറത്തുവിട്ടിരുന്നു. രോഗം ബാധിച്ചിട്ടുണ്ടോയെന്നും അവര്‍ക്ക് വൈറസ് ഉണ്ടെങ്കില്‍ അതിനോടുള്ള പ്രതിരോധശേഷി കൂടിയിട്ടുണ്ടോയെന്നുമുള്ള കാര്യം ആന്റിബോഡി പരിശോധന വഴി അറിയാന്‍ സാധിക്കും എന്നാണ്. ഏപ്രില്‍ 6ന് ആണ് വൈറ്റ് ഹൗസിലെ സയന്‍സ് ആന്‍ഡ് ടെക്‌നോളജി പോളിസി അംഗങ്ങള്‍ക്ക് നാഷനല്‍ അക്കാദമി ഓഫ് സയന്‍സസ് അംഗങ്ങള്‍ വിളിച്ച് പരിശോധനകള്‍ ഉദ്ദേശിച്ച രീതിയില്‍ ഫലപ്രാപ്തിയില്‍ എത്തില്ലെന്ന സൂചന നല്‍കിയതായി യുഎസ് മാധ്യമമായ സിഎന്‍എന്‍ റിപ്പോര്‍ട്ട് ചെയ്തത്. ഇതോടെ നിരവധി കമ്പനികള്‍ക്ക് ഈ പ്രക്രിയ വഴി ഫലമുണ്ടാകുമെന്ന് ഉറപ്പാക്കുകപോലും ചെയ്യാതെ പരിശോധന നടത്താനുള്ള അനുവാദമാണ് കിട്ടിയത്. ഇതേത്തുടര്‍ന്ന് പ്രയോജനശൂന്യമായ നിരവധി പരിശോധനകളുടെ തള്ളിക്കയറ്റമാണ് വിപണിയില്‍ ഉണ്ടായി. ഇത്തരം പരിശോധനാ സംവിധാനം നിര്‍മിക്കുന്ന കമ്പനികള്‍ പകുതിയും ചൈനയിലാണെന്നുള്ളതാണ് മറ്റൊരു വസ്തുത.

ഈ സാഹചര്യത്തിലാണ്. കൊവിഡ് 19 വൈറസ് ബാധ നേരിടാന്‍ ഇന്ത്യക്ക് ആന്റി ബോഡി ടെസ്റ്റിനുള്ള സഹായവുമായി ചൈന. രംഗത്തുവരുന്നത്. ഇത് പല സംശയങ്ങള്‍ക്കും വഴിവച്ചിട്ടുണ്ട്. ദിവസേന ആയിരത്തിന് മുകളില്‍ ആളുകള്‍ക്കാണ് ഇന്ത്യയില്‍ കൊവിഡ് സ്ഥിരീകരിക്കുന്നത്. ഇനി റാപ്പിഡ് ടെസ്റ്റ് നടത്തിയെങ്കില്‍ മാത്രമേ കൂടുതല്‍ ഗുരുതരമായ അവസ്ഥകളിലേക്ക് കാര്യങ്ങളെത്താതെ പിടിച്ച് നിര്‍ത്താനാകൂ.... ഈ സാഹചര്യത്തിലാണ് റാപ്പിഡ് ടെസ്റ്റ് കിറ്റുകള്‍ നല്‍കി ചൈനയുടെ സഹായം വരുന്നത്. 6.5 ലക്ഷം റാപ്പിഡ് ആന്റിബോഡി ടെസ്റ്റ്, ആര്‍എന്‍എ എക്‌സ്ട്രാക്ഷന്‍ കിറ്റുകള്‍ ഇന്ത്യയിലേക്ക് അയച്ചതായി ചൈനയിലെ ഇന്ത്യന്‍ സ്ഥാനപതി വിക്രം മിശ്രി അറിയിക്കുകയും ചെയ്തു.

ഇതിലെ അപകടം എന്ത് എന്നാല്‍ ഈ പരിശോധനകള്‍ നിലവിലെ കോവിഡ് രോഗമുണ്ടാക്കുന്ന കൊറോണ വൈറസും സാധാരണ ജലദോഷം ഉണ്ടാക്കുന്ന പല കൊറോണ വൈറസുകളും തമ്മില്‍ ആശയക്കുഴപ്പമുണ്ടാകുമെന്നുള്ളതാണ്. ഇതിന്റെ ഫലമായി കോവിഡ് രോഗമുള്ളയാള്‍ക്ക് സാധാരണ ജലദോഷമാണെന്നും തിരിച്ചുമുള്ള റിപ്പോര്‍ട്ടുകള്‍ ലഭിക്കാന്‍ സാധ്യതയുണ്ട്. അതിനാല്‍ കോവിഡ് രോഗത്തെ പ്രതിരോധിക്കാന്‍ ശരീരത്തിന് ശേഷിയുണ്ടെന്ന തെറ്റായ ഫലം ലഭിച്ചേക്കാം. ഇതിനിടയില്‍ കൃത്യമായ ഫലം തരുന്ന പരിശോധനകള്‍ ഉണ്ടാകാം. എന്നാല്‍ അവ ഏതെന്നു പെട്ടെന്നു കണ്ടെത്താനാകില്ല. ഉടനടി രാജ്യം മുഴുവന്‍ ഇവ നടപ്പാക്കാനുമാകില്ല. മാത്രമല്ല, കോവിഡ് രോഗത്തിന്റെ ആന്റിബോഡി നിങ്ങളുടെ ശരീരത്തിലുണ്ടെന്നു കരുതി രോഗത്തോട് പൂര്‍ണ പ്രതിരോധം നേടിയെന്നോ ഇനിയും രോഗം ബാധിക്കില്ലെന്നോ കരുതാനാകില്ലെന്നുമുള്ള വിദഗ്ധരുടെ അഭിപ്രായം നിലനില്‍ക്കെ തന്നെയാണ് ചൈനയുടെ ഈ സഹായം എന്നുള്ളതും ശ്രദ്ദേയം.

എന്തായാലും കൊവിഡ് ബാധിതരുടെ എണ്ണം 12000 കടന്നിരിക്കുകയാണ്. കൊവിഡ് കേസുകള്‍ 12380 ആയെന്നും മരണസംഖ്യ 414 കഴിഞ്ഞെന്നും ആരോഗ്യമന്ത്രാലയം പുറത്തുവിട്ട കണക്കുകള്‍ വ്യക്തമാക്കുന്നു. രോഗം ഭേദമായി ഇതുവരെ ആശുപത്രി വിട്ടവര്‍ 1488 പേരാണ്.ഓരോ ദിവസവും ആയിരത്തിന് മുകളില്‍ ആളുകള്‍ക്കാണ് രാജ്യത്ത് കൊവിഡ് രോഗം ബാധിക്കുന്നത്.

കൂടുതല്‍ പരിശോധനകള്‍ വേണമെന്ന് ഐസിഎംആര്‍ ആവശ്യപ്പെടുന്നുണ്ട്. ഇന്നലെ രാജ്യത്ത് 27,000 സാമ്പിളുകള്‍ പരിശോധിച്ചതായി ഐസിഎംആര്‍ അറിയിച്ചു. ഇതിനിടെ രണ്ടാംഘട്ട ലോക് ഡൗണ്‍ പ്രഖ്യാപിച്ചതിന് പിന്നാലെ ഇന്നലെ കേന്ദ്ര മന്ത്രിസഭ യോഗം ചേര്‍ന്നിരുന്നു. സാമ്പത്തിക മേഖലയിലെ തകര്‍ച്ച മറികടക്കാനുള്ള പാക്കേജ് പ്രഖ്യാപിക്കണമെന്ന ആവശ്യം ഉയരുന്നുണ്ട്.