ചൈനയില് നിന്നു പൊട്ടിപ്പുറപ്പെട്ട വൈറസിന്റെ തീവ്രത ലോകാരോഗ്യസംഘടന മറച്ചുവച്ചെന്ന് ആഞ്ഞടിച്ച് ട്രംപ്; ലോകാരോഗ്യ സംഘടനയെയും അതിനെ നയിക്കുന്ന ചൈനയെയും ട്രംപ് ഉന്നം വച്ച് വെടിവയ്ക്കുന്നതിന്റെ കാരണം
ലോകാരോഗ്യ സംഘടനയ്ക്കുള്ള ധനസഹായം പിന്വലിച്ച് യുഎസ് പ്രസിഡന്റ് ഡോണള്ഡ് ട്രംപ് എത്തിയതോടെ കൊറോണ രാഷ്രീയം പുകയുകയാണ്. ചൈനയില് നിന്നു പൊട്ടിപ്പുറപ്പെട്ട വൈറസിന്റെ തീവ്രത സംഘടന മറച്ചുവച്ചെന്നാണ് ട്രംപ് കാരണം പറഞ്ഞിരിക്കുന്നത്. കൊറോണ വൈറസിന്റെ വ്യാപനം കാര്യക്ഷമമായി കൈകാര്യം ചെയ്തതിലും രോഗത്തിന്റെ തീവ്രത മറച്ചുവച്ചതിലും സംഘടന പരാജയപ്പെട്ടെന്നാണ് ട്രംപിന്റെ കണ്ടെത്തല്. ഏതായാലും ലോകാരോഗ്യ സംഘടനയെയും അതിനെ നയിക്കുന്ന ചൈനയെയും ട്രംപ് ഉന്നം വച്ച് വെടിവയ്ക്കുന്നതിന്റെ കാരണവും.
ചൈനയുടെ പക്ഷംപിടിക്കുന്നുവെന്നായിരുന്നു ട്രംപിന്റെ ഒടുവിലത്തെ ആരോപണം. ആഫ്രിക്കയില് ചൈനയുമായി ഏറ്റവും സുദൃഢ ബന്ധം പുലര്ത്തുന്ന രാജ്യങ്ങളില് ഒന്നാണ് എത്യോപ്യയെന്നത് വസ്തുതയാണ്. രാജ്യാന്തര പ്രശസ്തനായ മലേറിയ ഗവേഷകന് കൂടിയായ ണഒഛ മേധാവി ടെഡ്രോസ് അഥാനോം ഗബ്രിയേസൂസ് ഈ മഹാമാരിയുടെ വിഷയത്തില് അമിതപ്രതികരണം നടത്തുന്നുവെന്നും മഹാമാരിയെ തടയുന്നതില് മെല്ലെപ്പോകുന്നുവെന്നും ലോകാരോഗ്യസംഘടനയ്ക്കുനേരെ ട്രംപ് ആരോപണമുയര്ത്തിയിരുന്നു തുടക്കത്തില്. ''ഡബ്ല്യു.എച്ച്.ഒ. -യാണ് ശരിക്കും ഇത് ആളിക്കത്തിച്ചത്.
യു.എസില്നിന്ന് പണം വാങ്ങുകയും ചൈനയ്ക്ക് അനുകൂലമായ നിലപാടെടുക്കുകയുമാണ് അവര് ചെയ്യുന്നത്'' എന്നാണ് മാര്ച്ച് ആദ്യവാരത്തില് ഇതിനെ അവഗണിച്ച് ട്രംപ് പ്രസ്താവന ഇറക്കിയത്. കറുത്ത വര്ഗക്കാരനായ ണഒഛ മേധാവിക്ക് നേരെ വംശീയ അധിക്ഷേപവും വധഭീഷണിയും ട്രംപ് ആരാധകരില് നിന്ന് ഈ പ്രസ്താവനക്ക് പിന്നാലെ ഉണ്ടായി. അമേരിക്ക 450 ദശലക്ഷം ഡോളര് സംഘടനയ്ക്ക് വേണ്ടി ചെലാക്കിയപ്പോള് ചൈന 45 ദശലക്ഷം മാത്രമാണ് ചെലവാക്കികൊണ്ടിരിക്കുന്നത്. എന്നിട്ടും എല്ലാം ചൈനയുടെ വഴിക്കാണ് നടക്കുന്നത് എന്നാണ് ട്രംപിന്റെ പരിഭവം. ലോകാരോഗ്യ സംഘടന കൃത്യമായ കണക്കുകള് നല്കിയിരുന്നെങ്കില് കൊറോണ വൈറസ് ബാധയില് ലക്ഷം പേര് മരിക്കുമായിരുന്നില്ല എന്നൊരു വാദമാണ് ട്രംപിന്റേത്.
ഇതിനിടെ വുഹാനില് നിന്ന് ഡിസംബറില് പൊട്ടിപ്പുറപ്പെട്ട കൊറോണ ഇരുപതുലക്ഷം പേരെ രോഗികളാക്കിയിരിക്കുകയാണ്. ചൈനയോട് മുട്ടിയുള്ള, അവരുടെ ശത്രുവായ തായ്വാന് ഒരു മുന്നറിയിപ്പ് നല്കാനും ലോകാരോഗ്യ സംഘടനയോ ചൈനയോ തയ്യാറായില്ല എന്നതിനെ ചൊല്ലിയും ട്രംപ് വിമര്ശനം ഉയര്ത്തുന്നുണ്ട്. ചുരുക്കി പറഞ്ഞാല് ജനീവ ആസ്ഥാനമായ ലോകാരോഗ്യ സംഘടനക്ക് അമേരിക്കന് സഹായമില്ലാതെ ഒരടി മുന്പോട്ടു പോവാനാകില്ല. വാര്ഷിക ബജറ്റിന്റെ 15 ശതമാനമാണ് അമേരിക്ക നല്കുന്നത്. ഇപ്പോള് തന്നെ അമേരിക്ക സാമ്പത്തിക സഹായം വെട്ടിക്കുറച്ച യുനെസ്കോ, ഡച, ണഠഛ ഇവയെല്ലാം ജീവനോട് മല്ലടിക്കുകയാണ് കൊറോണ രോഗിയെപോലെ. അമേരിക്കന് സഹായമില്ലെങ്കില് വെന്റിലേറ്ററിലേക്ക് മാറ്റേണ്ടി വരും ലോകാരോഗ്യ സംഘടനയെയും.
https://www.facebook.com/Malayalivartha