ചൈനയിൽ കോവിഡ് രോഗം ബാധിച്ചു മരിച്ചവരുടെ കണക്കു വിവരങ്ങളെ കുറിച്ച് ലോക രാഷ്ട്രങ്ങൾ ആദ്യമേ തന്നെ സംശയമുയർത്തിയിരുന്നു. പുതിയ വിവരം അനുസരിച്ച് കണക്കു വിവരങ്ങൾ നേരെത്തെ പറഞ്ഞിരുന്നത് അല്ലാ എന്ന് വ്യക്തമാക്കുന്നു. പുതിയ കണക്കുകള്‍ അനുസരിച്ച് മരണസംഖ്യയില്‍ വലിയ വര്‍ദ്ധനയാണ് ഉണ്ടായത്. കൊവിഡ് പൊട്ടിപ്പുറപ്പെട്ട വുഹാനില്‍ മരിച്ചവരുടെ എണ്ണം 2579 ആണെന്നായിരുന്നു പഴയ കണക്ക് എന്നാൽ പുതിയ കണക്കനുസരിച്ച് 3869 ആണ്. തിരുത്തല്‍ പ്രകാരം ചൈനയില്‍ മരണസംഖ്യയില്‍ 39 ശതമാനം വര്‍ദ്ധനവും ഉണ്ടായിട്ടുണ്ട്. നേരത്തെ 3346 ആയിരുന്നു ചൈനയിലെ മരണനിരക്ക് അത് ഇപ്പോള്‍ 4632 ആയി.

കാെവിഡ് വ്യാപനത്തെ തുടര്‍ന്ന് കര്‍ശന നടപടികളുമായി മുന്നോട്ടുപോയ ചൈനയില്‍ രേഖപ്പെടുത്തിയ മരണസംഖ്യ സുതാര്യതയില്ലെന്ന് അമേരിക്ക ഉള്‍പ്പെടെയുള്ള രാജ്യങ്ങള്‍ ശക്തമായി തന്നെആരോപിച്ചിരുന്നു. ഈ പശ്ചാത്തലത്തിലാണ് പുതുക്കിയ കണക്ക് ചൈന പുറത്തു വിട്ടത്.

ചൈനയില്‍ കൊവിഡ് സ്ഥിരീകരിച്ചവരുടെ എണ്ണം 82,692 ആണ്. 77,944 പേര്‍ രോഗമുക്തി നേടി. നിലവില്‍ 116 കൊവിഡ് രോഗികള്‍ ചികിത്സയിലുണ്ടൊന്നാണ് ചൈന ഇപ്പോള്‍ പറയുന്നത്. ചൈന നിരത്തുന്ന ഈ കണക്കുകളും ശരിയല്ലെന്നാണ് പൊതുവേയുള്ള വിലയിരുത്തല്‍. മരണ സംഖ്യയും രോഗബാധിതരുടെ എണ്ണവും ഇതിനേക്കാള്‍ അപ്പുറമെന്നാണ് വിലയിരുത്തുന്നത്.