കോവിഡ് വൈറസ് വ്യാപനത്തെത്തുടര്‍ന്നു ശ്രീലങ്കയില്‍ പാര്‍ലമെന്റ് തെരഞ്ഞെടുപ്പ് മാറ്റിവച്ചു. ഏപ്രില്‍ 25ന് നടക്കേണ്ടിയിരുന്ന തെരഞ്ഞെടുപ്പാണ് നീട്ടിയത്. ജൂണ്‍ 20ന് പാര്‍ലമെന്റ് തെരഞ്ഞെടുപ്പ് നടത്തുമെന്ന് രാജ്യത്തെ തെരഞ്ഞെടുപ്പ് കമ്മീഷന്‍ അറിയിച്ചു. കോവിഡ് ബാധിച്ച് രാജ്യത്ത് ഏഴു പേര്‍ മരിച്ചിരുന്നു. 295 പേര്‍ രോഗബാധിതര്‍ ആകുകയും ചെയ്ത പശ്ചാത്തലത്തിലാണ് തീരുമാനം. പുതിയ തീയതി പ്രഖ്യാപിച്ച തെര. കമ്മീഷനിലെ മൂന്ന് അംഗങ്ങള്‍ ഒപ്പിട്ട ഗസറ്റ് നോട്ടീസ് അധികൃതര്‍ക്ക് നല്‍കി.

മാര്‍ച്ച് രണ്ടിനാണ് പ്രസിഡന്റ് രാജപക്‌സ പാര്‍ലമെന്റ് പിരിച്ചുവിട്ടത്. കാലാവധി പൂര്‍ത്തിയാക്കാന്‍ ആറു മാസം ശേഷിക്കെ ആയിരുന്നു നടപടി.