കൊവിഡ്-19 പ്രതിസന്ധിക്കിടെ ഇന്ത്യ ലോകാരോഗ്യ സംഘടയുടെ നേതൃസ്ഥാനത്തേക്ക്.... വാര്ഷിക യോഗത്തിന് ശേഷം മെയ് 22-നായിരിക്കും ഇന്ത്യന് പ്രതിനിധി ഡബ്ല്യുഎച്ച്ഒ ആസ്ഥാനത്ത് ചുമതലയേല്ക്കുയെന്ന് സ്ഥിരീകരിച്ച് ജനീവയിലെ ഇന്ത്യന് നയതന്ത്ര പ്രതിനിധി
കൊവിഡ്-19 പ്രതിസന്ധിക്കിടെ ഇന്ത്യ ലോകാരോഗ്യ സംഘടയുടെ നേതൃസ്ഥാനത്തേക്കെത്തുന്നു. മെയില് നടക്കുന്ന ഡബ്ല്യുഎച്ച്ഒ വാര്ഷിക യോഗത്തിന് ശേഷമായിരിക്കും ഇന്ത്യക്ക് നേതൃസ്ഥാനം ലഭിക്കുക. ഡബ്ല്യുഎച്ച്ഒ എക്സിക്യൂട്ടീവ് ബോര്ഡ് ചെയര്പേഴ്സണായി ഇന്ത്യന് പ്രതിനിധി നിയമിക്കപ്പെടും.ലോകത്താകെ 26 ലക്ഷത്തിലേറെ ആളുകള്ക്ക് കൊവിഡ് ബാധിക്കുകയും 1.8 ലക്ഷത്തിലേറെ ആളുകള് മരിക്കുകയും ചെയ്തിട്ടുണ്ട്. വൈറസ് നിയന്ത്രണ വിധേയമാക്കാനുള്ള പോരാട്ടം തുടരുന്നതിനിടെയാണ് ഇന്ത്യക്ക് സുപ്രധാന സ്ഥാനം ലഭിക്കുന്നത്.
വാര്ഷിക യോഗത്തിന് ശേഷം മെയ് 22-നായിരിക്കും ഇന്ത്യന് പ്രതിനിധി ഡബ്ല്യുഎച്ച്ഒ ആസ്ഥാനത്ത് ചുമതലയേല്ക്കുയെന്ന് ജനീവയിലെ ഇന്ത്യന് നയതന്ത്ര പ്രതിനിധി സ്ഥിരീകരിച്ചു. നിലവില് സ്ഥാനം വഹിക്കുന്ന ജപ്പാന് പകരമാണ് ഇന്ത്യയെത്തുന്നത്.
കഴിഞ്ഞ വര്ഷമാണ് ഡബ്ല്യുഎച്ച്ഒയുടെ തെക്കുകിഴക്കന് ഏഷ്യ ഗ്രൂപ്പ് ഏകകണ്ഠമായി ഇന്ത്യയെ എക്സിക്യൂട്ടീവ് ബോര്ഡ് ചെയര്പേഴ്സണ് സ്ഥാനത്തേക്ക് തെരഞ്ഞെടുത്തത്. ഇന്ത്യയെ മൂന്നുവര്ഷത്തേക്ക് എക്സിക്യൂട്ടീവ് ബോര്ഡ് അംഗമാക്കാനും തീരുമാനിച്ചിട്ടുണ്ട്.
മെയ് 18-ന് നടക്കുന്ന സമ്മേളനത്തില് എക്സിക്യൂട്ടീവ് ബോര്ഡിലെ ഒഴിവുള്ള സ്ഥാനങ്ങളിലേക്ക് പ്രതിനിധികളെ തെരഞ്ഞെടുക്കും. എന്നാല് യോഗത്തിന്റെ സമയം വെട്ടിക്കുറച്ചിട്ടുണ്ട്. നേരത്തെ 60 അജണ്ടകളായിരുന്നു നിശ്ചയിച്ചിരുന്നത്. കൊവിഡിന്റെ പശ്ചാത്തലത്തില് അത് മൂന്നാക്കി ചുരുക്കിയിട്ടുണ്ട്.
കൊറോണ വൈറസ് ദീര്ഘകാലത്തേക്ക് ഭൂമിയിലുണ്ടാകുമെന്ന് ലോകാരോഗ്യ സംഘടന. മിക്ക രാജ്യങ്ങളും വൈറസിനെതിരെയുള്ള പോരാട്ടത്തിന്റെ ആദ്യഘട്ടത്തിലാണ്. ഇന്നലെ നടന്ന വെര്ച്വല് വാര്ത്താ സമ്മേളനത്തിലാണ് ലോകരോഗ്യസംഘടനാ തലവന് ടെഡ്രോസ് ആദാനം ഗബ്രിയാസിസ് ഇക്കാര്യം വ്യക്തമാക്കിയത്.
കൊവിഡിനെക്കുറിച്ച് ലോകാരോഗ്യ സംഘടനയും അമേരിക്കയും തമ്മില് വാഗ്വാദങ്ങള് ഉണ്ടായിരുന്നു. കടുത്ത ആരോപണങ്ങളാണ് അമേരിക്കന് പ്രസിഡന്റ് ഡൊണള്ഡ് ട്രംപ് ലോകാരോഗ്യ സംഘടനക്ക് എതിരെ ഉയര്ത്തിയത്. എന്നാല് ഇതിനെ ചൊല്ലിയുള്ള തന്റെ രാജി സാധ്യത ടെഡ്രോസ് തള്ളുകയുണ്ടായി.
കൊവിഡിനെ ചെറുത്ത രാജ്യങ്ങളില് വീണ്ടും കൊറോണ വൈറസ് തിരിച്ചെത്തി. അമേരിക്കയിലും ആഫ്രിക്കയിലും കൊവിഡ് കണക്കുകള് ഉയരുന്ന സാഹചര്യമാണ് നിലവിലുള്ളത്. വൈറസിനെ പ്രതിരോധിക്കാന് പദ്ധതികള് ആവിഷ്കരിക്കാനുള്ള സമയം രാജ്യങ്ങള്ക്ക് ആഗോള അടിയന്തരാവസ്ഥ പ്രഖ്യാപിച്ചുകൊണ്ട് സംഘടന നല്കി. അതേസമയം യൂറോപ്പ്, അമേരിക്ക, ആഫ്രിക്ക എന്നിവിടങ്ങളിലെ സ്ഥിതി ആശങ്കാജനകമാണെന്നും ടെഡ്രോസ് വ്യക്തമാക്കി.
കോവിഡിനെതിരായ പോരാട്ടത്തിന് ലോകാരോഗ്യ സംഘടനക്ക് (ഡബ്ല്യു.എച്ച്.ഒ) മൂന്ന് കോടി ഡോളര് കൂടി നല്കുമെന്ന് ചൈന. ലോകാരോഗ്യ സംഘടനക്കുള്ള സംഭാവനകള് നിര്ത്തിവെക്കുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനം പുറത്ത് വന്ന് ഒരു ആഴ്ചക്കകമാണ് ചൈനയുടെ പ്രഖ്യാപനം.
"
https://www.facebook.com/Malayalivartha