സൂര്യപ്രകാരം കോവിഡ്-19നെ വേഗത്തില് നശിപ്പിക്കുമെന്ന അവകാശവാദവുമായി യു.എസ് ശാസ്ത്രജ്ഞര്...
സൂര്യപ്രകാരം കോവിഡ്-19നെ വേഗത്തില് നശിപ്പിക്കുമെന്ന അവകാശവാദവുമായി യു.എസ് ശാസ്ത്രജ്ഞര്. ഇതു സംബന്ധിച്ച് കൂടുതല് ഗവേഷണങ്ങള് ആവശ്യമുള്ളതിനാല് പഠനറിപ്പോര്ട്ട് പുറത്തുവിട്ടിട്ടില്ല.
'അള്ട്രാവയലറ്റ് രശ്മികള് വൈറസുകളില് വന് ആഘാതം ഉണ്ടാക്കുന്നതായി സര്ക്കാര് ശാസ്ത്രജ്ഞര് കണ്ടെത്തിയിട്ടുണ്ട്. അതിനാല് തന്നെ വേനല് കാലത്ത് വൈറസിന്റെ വ്യാപനം തടയാനാകുമെന്ന് പ്രതീക്ഷിക്കുന്നു' ഡിപ്പാര്ട്മെന്റ് ഓഫ് ഹോംലാന്ഡ് സെക്യൂരിറ്റി സെക്രട്ടറിയിലെ ശാസ്ത്രസാങ്കേതിക ഉപദേഷ്ടാവ് വില്യം ബ്രയാനാണ് വൈറ്റ് ഹൗസില് നടന്ന വാര്ത്താസമ്മേളനത്തില് ഇക്കാര്യം മാധ്യമങ്ങളെ അറിയിച്ചത്ക
മറ്റൊരു കണ്ടെത്തലില് ക ടുത്ത വേനലും ഹ്യുമിഡിറ്റിയും കൊവിഡ് വ്യാപനത്തെ ഒരുപരിധി വരെ നിയന്ത്രിക്കുമെന്ന് അമെരിക്കന് ശാസ്ത്രജ്ഞരുടെ പഠനങ്ങള്. സൂര്യപ്രകാശം, ചൂട്, ഹ്യുമിഡിറ്റി എന്നിവ കൊറോണ വൈറസുകള്ക്കു വളരാന് അനുകൂലമായ സാഹചര്യമല്ല. അതുകൊണ്ടുതന്നെ രോഗവ്യാപനം നിയന്ത്രിക്കപ്പെടാം- യുഎസിലെ സയന്സ് ആന്ഡ് ടെക്നോളജി ഡയറക്റ്ററേറ്റ് നടത്തിയ പഠനത്തിന്റെ ഫലം ഇങ്ങനെയാണ്.
സൂര്യപ്രകാശം വൈറസിനെ ഉപരിതലത്തിലും വായുവിലും നശിപ്പിക്കുമെന്നുള്ളത് ഇതുവരെയുള്ളതില് ഏറ്റവും ശ്രദ്ധേയമായ നിരീക്ഷണമാണ്. സമാനമായ പ്രതീതിയാണ് താപനിലയിലും ഈര്പ്പത്തിലും കണ്ടെത്താനായത്. ഉയര്ന്ന താപനിലയും ഈര്പ്പവും കൂടുന്നത് വൈറസിന് പ്രതികൂലമാണ്.' അദ്ദേഹം പറഞ്ഞു.
അള്ട്രാവയലറ്റ് രശ്മികള്ക്ക് അണുവിമുക്തമാക്കാന് കഴിവുണ്ടെന്ന് നേരത്തെ തന്നെ കണ്ടെത്തിയിട്ടുണ്ട്. കാരണം വികിരണം വൈറസിന്റെ ജനിതികഘടകങ്ങളെയും പകര്പ്പുണ്ടാക്കാനുള്ള കഴിവിനെയും നശിപ്പിക്കും.
എന്നാല് പരീക്ഷണത്തിന് ഉപയോഗിച്ച അള്ട്രാവയലറ്റ് രശ്മികളുടെ തീവ്രതയും തരംഗദൈര്ഘ്യവും എത്രയാണെന്നുള്ളതാണ് ഉയരുന്ന പ്രധാന ചോദ്യം. ഇത് സാധാരണ സൂര്യപ്രകാശത്തിന് സമമാണോയെന്നും പരിശോധിക്കേണ്ടി വരും.
ഗവേഷണം ഇതുവരെ പ്രസിദ്ധീകരിക്കാത്തതിനാല് ഇതിനെ കുറിച്ച് കൂടുതല് വ്യാഖ്യാനിക്കാനോ ചര്ച്ച നടത്താനോ വിദഗ്ധര്ക്ക് കഴിയില്ല. എങ്ങനെയാണ് പരീക്ഷണം നടത്തിയതെന്നും എങ്ങനെയാണ് ഫലം കണ്ടെത്തിയതെന്നും അറിയേണ്ടത് അത്യാവശ്യമാണ് യുഎസിലെ ടെക്സര്കന സര്വകലാശാല ജീവശാസ്ത്ര വിഭാഗം മേധാവി ബെഞ്ചമിന് ന്യൂമാന് പറഞ്ഞു
എന്നാല് ക ടുത്ത വേനലും ഹ്യുമിഡിറ്റിയും കൊവിഡ് വ്യാപനത്തെ ഒരുപരിധി വരെ നിയന്ത്രിക്കുമെന്ന് വൈറ്റ്ഹൗസിലെ പതിവു വാര്ത്താസമ്മേളനത്തില് ട്രംപ് ഭരണകൂടത്തിന്റെ ആരോഗ്യ വിഭാഗം ഉദ്യോഗസ്ഥനാണ് ഈ പഠന റിപ്പോര്ട്ട് വെളിപ്പെടുത്തിയത്. സൂര്യപ്രകാശത്തിലും ഹ്യുമിഡിറ്റിയിലും കൊറോണ വൈറസ് വേഗത്തില് നശിക്കുന്നു. നേരിട്ടു സൂര്യപ്രകാശം ഏറ്റാല് കൂടുതല് വേഗത്തില് വൈറസ് ചാവും. ഐസൊപ്രൊപ്പില് ആല്ക്കഹോള് വൈറസിനെ 30 സെക്കന്ഡിനുള്ളില് കൊല്ലും- ആഭ്യന്തര സുരക്ഷാ മന്ത്രാലയത്തിലെ ശാസ്ത്ര-സാങ്കേതിക വിഭാഗം അണ്ടര് സെക്രട്ടറി ബില് ബ്രയാന് പറഞ്ഞു.
പ്രസിഡന്റ് ഡോണള്ഡ് ട്രംപിന്റെ സാന്നിധ്യത്തിലാണ് ഈ പഠന വിവരങ്ങള് വെളിപ്പെടുത്തപ്പെട്ടത്. ബ്ലീച്ച് അഞ്ചു മിനിറ്റിനുള്ളില് വൈറസിനെ കൊല്ലും; വെറുതേ തേച്ചുവച്ചാല് തന്നെ. ബ്ലീച്ച് ഉപയോഗിച്ച് ഉരസുകയാണെങ്കില് അതിലും വേഗത്തില് വൈറസ് നശിക്കും- അദ്ദേഹം പറഞ്ഞു. വിവിധ പ്രതലങ്ങളിലും വായുവിലും സൂര്യപ്രകാശം ഒരുപോലെ വൈറസിനെ നശിപ്പിക്കും. ചൂടും ഹ്യുമിഡിറ്റിയും കൂടുന്നിടത്ത് വൈറസ് പടരാനുള്ള സാധ്യതയും മറ്റു സ്ഥലങ്ങളെക്കാള് കുറവായിരിക്കും- ബ്രയാന് പറഞ്ഞു.
95 ഡിഗ്രി ഫാരന്ഹീറ്റിലും (35 ഡിഗ്രി സെല്ഷ്യസ്) കൂടുതലുള്ള ചൂട് വിവിധ പ്രതലങ്ങളിലെ വൈറസിനെ മിനിറ്റുകള്ക്കുള്ളില് നശിപ്പിക്കുമെന്നാണ് പഠനത്തിലെ കണ്ടെത്തല്. യുഎസ് അന്തരീക്ഷ പഠന റിപ്പോര്ട്ടുകള് പ്രകാരം ഇന്നു ഡല്ഹിയിലെ ഉയര്ന്ന താപനില 98 ഡിഗ്രി ഫാരന്ഹീറ്റാണ്. 75 ഡിഗ്രി ഫാരന്ഹീറ്റിനു മുകളില് താപനിലയും 80 ഡിഗ്രിയോളം ഹ്യുമിഡിറ്റിയുമുണ്ടെങ്കില് വൈറസിനെ നശിപ്പിക്കാനാവും. എന്നാല്, സൂര്യപ്രകാശം കൊണ്ട് വൈറസ് ഭീഷണി പൂര്ണമായി ഒഴിയുമെന്നോ സാമൂഹിക അകലം പാലിക്കേണ്ടതില്ലെന്നോ താന് പറയില്ലെന്നും അദ്ദേഹം പറഞ്ഞു.
https://www.facebook.com/Malayalivartha
