കൊറോണ വൈറസ്; പ്ലാസ്മ തെറാപ്പിയുടെ ഫലം ആത്മവിശ്വാസം പകരുന്നു'; കൂടുതല് പേര്ക്ക് തെറാപ്പി നടത്താന് കേന്ദ്രത്തോട് അനുമതി തേടുമെന്ന് കെജ്രിവാള്
കൃത്യമായ മരുന്ന് കണ്ടുപിടിക്കാത്തതാണ് കൊറോണ വ്യാപനം ഇങ്ങനെ ക്രമാതീതമാകാനുള്ള കാരണം. അതുകൊണ്ടുതന്നെ ഇന്ത്യ പലതരത്തിലുള്ള പരീക്ഷങ്ങളാണ് നടത്തുന്നത് . പ്ലാസ്മ തെറാപ്പി വിജയം കാണുന്നത് ആത്മ വിശ്വാസം പകരുന്നതാണെന്ന് ദല്ഹി മുഖ്യമന്ത്രി അരവിന്ദ് കെജ്രിവാള്. ദല്ഹിയില് നാലു രോഗികളില് പ്ലാസ്മ തെറാപ്പി വിജയം കണ്ടതിന് പിന്നാലെയാണ് കെജ്രിവാളിന്റെ പ്രതികരണം.
‘കുറച്ചു ദിവസങ്ങളായി ഞങ്ങള് പ്ലാസ്മ തെറാപ്പി നാലു രോഗികളിലായി നടത്തിയിരുന്നു. ലോക് നായക് ജയപ്രകാശ് നാരായണ് ഹോസ്പിറ്റലിലാണ് നടത്തിയത്. ഇതുവരെയുള്ള ഫലങ്ങള് ആത്മവിശ്വാസം വര്ധിപ്പിക്കുന്നതാണ്,’ കെജ്രിവാള് പറഞ്ഞു.
ദല്ഹിയില് കൂടുതല് പ്ലാസ്മ തെറാപ്പികള് നടത്താന് കേന്ദ്രത്തോട് അനുമതി ആവശ്യപ്പെടുമെന്നും കെജ്രിവാള് അറിയിച്ചു.‘ എല്.എന്.ജെ.പി ആശുപത്രിയില് അതീവ ഗുരുതരാവസ്ഥയില് കിടക്കുന്ന രോഗികളില് പ്ലാസ്മ തെറാപ്പി ചെയ്തുനോക്കാനുള്ള അനുമതി മാത്രമാണ് കേന്ദ്ര സര്ക്കാര് നിലവില് തന്നിട്ടുള്ളത്. അടുത്ത മൂന്ന് നാല് ദിവസത്തിനുള്ളില് ഞങ്ങള് ഗുരുതരാവസ്ഥയിലുള്ള കൂടുതല് പേരില് പ്ലാസ്മ തെറാപ്പി നടത്തിനോക്കും,’ ്അരവിന്ദ് കെജ്രിവാള് പറഞ്ഞു.
ദല്ഹിയില് അതീവ ഗുരുതരാവസ്ഥയില് കഴിഞ്ഞിരുന്ന നാലു രോഗികളിലാണ് പ്ലാസ്മ തെറാപ്പി നടത്തിയത്. ഇത് വിജയകരമായതില് സന്തോഷമുണ്ടെന്ന്
ഇന്സ്റ്റിറ്റ്യൂട്ട് ഓഫ് ലിവര് ആന്ഡ് ബിലിയറി സയന്സിന്റെ ഡയറക്ടര് ഡോ. എസ്.കെ സരിന് പറഞ്ഞു.‘മൂന്നു രോഗികളില് കൂടി പ്ലാസ്മ തെറാപ്പി നടത്താനുള്ള രക്തവും പ്ലാസ്മയും ആശുപത്രിയില് ഉണ്ടെന്നും ഇന്ന് അത്രയും പേരില് പ്ലാസ്മ തെറാപ്പി നടത്തും, ‘ഡോ. എസ്.കെ സരിന് അറിയിച്ചു.
അതേസമയം രാജ്യത്ത് ഇന്ന് കൊവിഡ് ബാധിതരുടെ എണ്ണം 23,000 ആയി ഉയര്ന്നു. ദല്ഹിയില് 2,376 പേര്ക്കാണ് ഇതുവരെ കൊവിഡ് സ്ഥിരീകരിച്ചത്. കൊവിഡ് ബാധിതരുടെ എണ്ണത്തില് ദല്ഹിയെ മറികടന്ന് ഗുജറാത്ത് രണ്ടാം സ്ഥാനത്തെത്തി. 2,642 പേരാണ് ഗുജറാത്തില് കൊവിഡ് സ്ഥിരീകരിച്ചത്.
അതേസമയം മഹാരാഷ്ട്രയില് 6,430 പേര്ക്ക് ഇതുവരെ കൊവിഡ് സ്ഥിരീകരിച്ചു. മുംബൈയില് മാത്രം 4000 ത്തിലേറെ പേര്ക്ക് രോഗം സ്ഥിരീകരിച്ചിട്ടുണ്ട്.
https://www.facebook.com/Malayalivartha