കൊ​റോ​ണ വൈ​റ​സ് പ​ട​ര്‍​ന്നു പി​ടി​ക്കുമ്പോഴും അതുമായി ബന്ധപ്പെട്ട വിവാദങ്ങൾക്ക് പഞ്ഞമില്ല ...ഇപ്പോൾ കൊറോണക്ക് കാരണം സ്ത്രീകളുടെ വസ്ത്ര ധാരണമാണെന്നാണ് പാകിസ്താനിലെ മത പുരോഹിതൻ പറഞ്ഞിരിക്കുന്നത് .. 

ടെ​ലി​വി​ഷ​നി​ല്‍ നടത്തിയ സംഭാഷണത്തിൽ പ്ര​ധാ​ന​മ​ന്ത്രി ഇ​മ്രാ​ന്‍ ഖാ​ന്റെ സാ​ന്നി​ധ്യ​ത്തി​ലാ​ണ് മൗ​ലാ​ന താ​രി​ഖ് ജ​മീ​ല്‍ എ​ന്ന പു​രോ​ഹി​തൻ ഇത്തരം പ​ര​മാ​ര്‍​ശം ന​ട​ത്തി​യ​ത് എന്നതും ശ്രദ്ധേയം .

വ്യാ​ഴാ​ഴ്ച ന​ട​ന്ന എ​ഹ്‌​സാ​സ് ടെ​ലി​ത്തോ​ണ്‍ ധ​ന​സ​മാ​ഹ​ര​ണ പ​രി​പാ​ടി​യി​ലാ​ണ് മൗ​ലാ​ന താ​രി​ഖ് ജ​മീ​ല്‍ ത​ത്സ​മ​യം ഇ​ത്ത​രം പ​രാ​മ​ര്‍​ശം ന​ട​ത്തി​യ​ത്.

സ്ത്രീ​ക​ള്‍ മോ​ശ​മാ​യി വ​സ്ത്രം ധ​രി​ക്കു​ന്ന​ത് കൊ​ണ്ടാ​ണ് രാ​ജ്യ​ത്ത് വൈ​റ​സ് വ്യാ​പി​ക്കു​ന്ന​തെ​ന്ന് ജ​മീ​ല്‍ കു​റ്റ​പ്പെ​ടു​ത്തി. അ​വ​രു​ടെ പെ​രു​മാ​റ്റം മൂ​ല​മാ​ണ് രാ​ജ്യ​ത്തി​ന് മേ​ല്‍ ഇ​ത്ത​ര​ത്തി​ലു​ള്ള കോ​പം നി​പ​തി​ക്കാ​ന്‍ ഇ​ട​യാ​ക്കി​യ​തെ​ന്നും ജ​മീ​ല്‍ ആ​രോ​പി​ക്കു​ന്നു​ണ്ട്.

ഒ​രു മു​സ്ലീ​മി​ന്‍റെ മ​ക​ൾ നീ​ച​വൃ​ത്തി​യു​ടെ പാ​ത തി​ര​ഞ്ഞെ​ടു​ക്കു​ക​യും യു​വാ​ക്ക​ൾ അ​ശ്ലീ​ല​ത തെ​ര​ഞ്ഞെ​ടു​ക്കു​ക​യും ചെ​യ്യു​മ്പോ​ൾ ദൈ​വ​ത്തി​ന്‍റെ ശാ​പം കി​ട്ടും. ദൈ​വ​കോ​പം മാ​റു​ന്ന​തി​നാ​യി താ​ൻ മാ​പ്പ​പേ​ക്ഷി​ക്കു​ന്നു​വെ​ന്നും ജ​മീ​ൽ പ​റ​ഞ്ഞു. മാ​ധ്യ​മ​ങ്ങ​ള്‍ നു​ണ പ്ര​ച​രി​പ്പി​ക്കു​ക​യാ​ണെ​ന്നും ജ​മീ​ല്‍ പ​റ​ഞ്ഞി​രു​ന്നു.

വ​ലി​യ ഒ​രു ചാ​ന​ലി​ന്‍റെ ഉ​ട​മ എ​ന്നോ​ട് ചി​ല ഉ​പ​ദേ​ശ​ങ്ങ​ൾ ചോ​ദി​ച്ചു. ചാ​ന​ലി​ൽ നി​ന്നു​ള്ള എ​ല്ലാ നു​ണ​ക​ളും ഇ​ല്ലാ​താ​ക്കാ​ൻ ഞാ​ൻ അ​ദ്ദേ​ഹ​ത്തോ​ട് പ​റ​ഞ്ഞു. ചാ​ന​ൽ അ​ട​ച്ചാ​ലും നു​ണ​ക​ൾ അ​വ​സാ​നി​ക്കി​ല്ലെ​ന്ന് ഉ​ട​മ മ​റു​പ​ടി ന​ൽ​കി.

ഇ​ത് ഇ​വി​ടെ മാ​ത്ര​മ​ല്ല, ലോ​ക​മെ​മ്പാ​ടു​മു​ള്ള മാ​ധ്യ​മ​ങ്ങ​ൾ ഒ​ന്നു​ത​ന്നെ​യാ​ണ് ചെ​യ്യു​ന്ന​തെ​ന്നും അ​ദ്ദേ​ഹം പ​റ​ഞ്ഞു. എ​ന്നാ​ല്‍ പി​ന്നീ​ട് മാധ്യമങ്ങളെ കുറിച്ചുള്ള ​പ​രാ​മ​ര്‍​ശ​ത്തി​ന് ജലീൽ മാ​പ്പ് പ​റ​ഞ്ഞു. നാ​വി​ന് വ​ന്ന പി​ഴ​വാ​ണെ​ന്നാ​യി​രു​ന്നു വി​ശ​ദീ​ക​ര​ണം.

എ​ന്നാ​ല്‍ സ്ത്രീ​ക​ളെ അ​പ​കീ​ര്‍​ത്തി​പ്പെ​ടു​ത്തി​യ​തി​ന് ഇതുവരെ ക്ഷ​മാ​പ​ണം ന​ട​ത്തി​യി​ട്ടി​ല്ല. സ്ത്രീ​ക​ൾ​ക്കെ​തി​രാ​യ പ്ര​സ്താ​വ​ന​യ്ക്ക് ഹ്യൂ​മ​ൻ റൈ​റ്റ് ക​മ്മീ​ഷ​ൻ ഓ​ഫ് പാ​കി​സ്ഥാ​ൻ രം​ഗ​ത്തെ​ത്തി.