പാക് തീവ്രവാദ ക്യാമ്പുകളില് കോവിഡ് വ്യാപനം, നിയന്ത്രണരേഖയില് തീവ്രവാദിസാന്നിധ്യം ഇരട്ടി... ലോകം കൊറോണയ്ക്കെതിരെ പോരാടുന്നതിനിടയിലും പാകിസ്താന് ഇന്ത്യയ്ക്കെതിരെ ഗൂഢാലോചന നടത്തുകയാണെന്ന് റിപ്പോര്ട്ട് പുറത്ത്...
ലോകം കൊറോണയ്ക്കെതിരെ പോരാടുന്നതിനിടയിലും പാകിസ്താന് ഇന്ത്യയ്ക്കെതിരെ ഗൂഢാലോചന നടത്തുകയാണെന്ന് റിപ്പോര്ട്ട് പുറത്ത് വന്നിരുന്നു. പാകിസ്കാന് കൊറോണ വൈറസ് ബാധിതരായ തീവ്രവാദികളെ കാശ്മീര് അതിര്ത്തിയിലേക്ക് കയറ്റി വിടുന്നതായി റിപബ്ലിക് ചാനലാണ് റിപ്പോര്ട്ട് ചെയ്തിരിക്കുന്നത്. കൊറോണ വൈറസ് ബാധിച്ച തീവ്രവാദികളെ രാജ്യത്ത് നിന്ന് ഒഴിവാക്കാനും അവരെ ഉപയോഗിച്ച് ഇന്ത്യയ്ക്കെതിരെ പോരാടാനും പാക് സൈന്യം തീവ്രവാദ സംഘങ്ങളുമായി ഗൂഢാലോചന നടത്തുന്നുണ്ടെന്ന് റിപ്പോര്ട്ടില് പറയുന്നു. ആ വാര്ത്തയെ സാധൂകരിക്കുന്ന മറ്റൊരു റിപ്പോര്ട്ട് കോടി വന്നിട്ടിരിക്കുകയാണിപ്പോള്
ജമ്മു കശ്മീരിലെ സുരക്ഷാ സൈന്യത്തിനു നേരെ ആക്രമണം നടത്തുന്നതിനാണ് തീവ്രവാദികള് പാകിസ്താന് സൈന്യത്തിന്റെ സഹായത്തോടെ ഇന്ത്യയിലേയ്ക്ക് നുഴഞ്ഞുകയറാന് പദ്ധതിയിടുന്നതായി സുരക്ഷാ വിഭാഗത്തിന്റെ റിപ്പോര്ട്ട് വ്യക്തമാക്കുന്നു. നിയന്ത്രണ രേഖയ്ക്കു സമീപം ഏകദേശം 450 തീവ്രവാദികളുടെ സാന്നിധ്യമുള്ളതായി റിപ്പോര്ട്ടില് പറയുന്നു. ലഷ്കറെ തൊയ്ബ, ഹിസ്ബുള് മുജാഹിദ്ദീന്, ജെയ്ഷെ മുഹമ്മദ് തുടങ്ങിയ തീവ്രവാദി സംഘങ്ങളില് പെട്ടവരാണ് നുഴഞ്ഞുകയറ്റത്തിന് തയ്യാറെടുക്കുന്നതെന്നാണ് സൂചന. കഴിഞ്ഞ മാര്ച്ച് വരെ മേഖലയില് തീവ്രവാദികളുടെ എണ്ണം 230 ആയിരുന്നത് ഇപ്പോള് ഇരട്ടിയായതാണ് റിപ്പോര്ട്ട് വ്യക്തമാക്കുന്നത്.
മുമ്പ് കൊവിഡ് സ്ഥിരീകരിച്ച നിരവധി തീവ്രവാദികളെ കാശ്മീര് താഴ്വരയിലേക്ക് തള്ളിവിടാന് പാകിസ്ഥാന് ഒരുങ്ങുന്നുന്നുവെന്ന് കശ്മീരിലെ സുരക്ഷാ ഏജന്സികള്കള്ക്ക് വിവരം ലഭിച്ചിട്ടുണ്ട്. ഇത്തരത്തിലുള്ള ഒരു കൂട്ടം തീവ്രവാദികളെ താഴ്വരയിലേക്ക് അയയ്ക്കുന്നതില് പാകിസ്ഥാന് സൈന്യം വിജയിച്ചുവെന്നും റിപ്പോര്ട്ടില് പറയുന്നു.
കശ്മീര് താഴ്വരയില് അടുത്തിടെ നുഴഞ്ഞ് കയറിയ ലഷ്കര്-ഇ-തൊയിബ തീവ്രവാദികള്ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില് നിന്ന് അതിര്ത്തിയില് തമ്പടിച്ചിരിക്കുന്ന മറ്റ് ചില തീവ്രവാദികള്ക്ക് കൂടി രോഗം ബാധിച്ചിട്ടുണ്ടെന്നാണ് കണ്ടെത്തല്. ഇവരെ ഉപയോഗിച്ചാണ് ഇന്ത്യയ്ക്കെതിരെ ആക്രമം നടത്താന് പദ്ധതി ഒരുക്കുന്നത്.
നിയന്ത്രണ രേഖയ്ക്ക് സമീപമുള്ള തീവ്രവാദികളെ സംബന്ധിച്ച് കൃത്യമായി വിവരം ലഭിച്ചിട്ടുണ്ടെന്ന് സുരക്ഷാ വിഭാഗം വക്താവ് ദേശീയ മാധ്യമത്തോട് പറഞ്ഞു. പാകിസ്താന് സൈന്യം ഇവര്ക്കുവേണ്ടി ഗൂഢാലോചനയില് പങ്കാളികളാകുന്നുണ്ടെന്നും തുടര്ച്ചയായി അവര് നടത്തുന്ന വെടിനിര്ത്തല് ലംഘനം തീവ്രവാദികള്ക്ക് ഇന്ത്യയിലേയ്ക്ക് കടക്കുന്നതിന് വഴിയൊരുക്കുന്നതിനാണെന്നും സുരക്ഷാ വിഭാഗം പറയുന്നു.
പാകിസ്താനിലും പാക് അധീന കശ്മീരിലും കൊറോണ വൈറസ് വ്യാപനം കാര്യമായുണ്ട്. തീവ്രവാദ ക്യാമ്പുകളില് നിരവധി പേര്ക്ക് വൈറസ് ബാധയുണ്ടായതായി നേരത്തെ വിവരം ലഭിച്ചിരുന്നു. ഇത് തീവ്രവാദികളുടെ നീക്കത്തിന് വിഘാതം സൃഷ്ടിച്ചിട്ടുണ്ട്. എന്നാല് പാക് സൈന്യം ഇവര്ക്ക് സഹായങ്ങള് നല്കുന്നതായും അതിര്ത്തിയില് നുഴഞ്ഞുകയറ്റത്തിന് ഒത്താശ ചെയ്യുന്നതായും റിപ്പോര്ട്ടില് വ്യക്തമാക്കുന്നു.
രോഗികളെ ഇന്ത്യയിലേക്ക് അയക്കുക വഴി ഇന്ത്യയില് പ്രശ്നങ്ങള് സൃഷ്ടിക്കാനും അതോടൊപ്പം രോഗം ബാധിച്ച സ്വന്തം പൗരന്മാരെ യാതൊരു ചെലവും ഇല്ലാതെ ചികിത്സിച്ച് ഭേദമാക്കാനും ലക്ഷ്യം വെച്ചാണ് നീക്കം എന്ന് സുരക്ഷ ഏജന്സികളെ ഉദ്ധരിച്ചുള്ള റിപ്പോര്ട്ടില് പറയുന്നു.
ഏപ്രിലില് 2 ന് ആറ് പേര് അടങ്ങുന്ന തീവ്രവാദ സംഘം കുപ്വാര ജില്ലയിലെ അതിര്ത്തി നുഴഞ്ഞ് കയറിയിട്ടുണ്ട്. ഇവര് പാകിസ്താനിലെ ക്യാമ്പുകളില് കഴയുന്നത് പാക് സൈന്യത്തിനും ഭഷണിയാണെന്നും ഇതിനോടകം തന്നെ 600 ഓളം പാകിസ്താന് ജവാന്മാര്ക്ക് വൈറസ് ബാധ സ്ഥിരീകരിച്ചതായും റിപ്പോര്ട്ടില് പറയുന്നു.
"
https://www.facebook.com/Malayalivartha
