രോഗം ഭേദമായാലും പുരുഷ ബീജത്തില് കൊറോണ; ലൈംഗിക ബന്ധത്തിലൂടെ േരാഗം പകരാനുള്ള സാധ്യതയാണ് ഈ കണ്ടെത്തല് വിരല് ചൂണ്ടുന്നതെന്ന് ചൈനീസ് ഗവേഷകരെ ഉദ്ധരിച്ച് അന്തര് ദേശീയ മാധ്യമമായ സി.എന്.എന്
ലോകം ഒന്നടങ്കം കോവിഡിനെ ഭൂലോകത്തുനിന്നും തുരത്തുന്നതിനായുള്ള കഠിന പരിശ്രമത്തിലാണ്. ഇതിനിടയില് പുറത്തു വന്ന പഠനം വലിയ ആശങ്കക്കിടയാക്കുകയാണ്. കോവിഡ് രോഗത്തില് നിന്ന് മുക്തി നേടിയാലും പുരുഷ ബീജത്തില് കൊറോണ വൈറസ് നിലനില്ക്കുമെന്നാണ് പുതിയ പഠനം.
ലൈംഗിക ബന്ധത്തിലൂടെ േരാഗം പകരാനുള്ള സാധ്യതയാണ് ഈ കണ്ടെത്തല് വിരല് ചൂണ്ടുന്നതെന്ന് ചൈനീസ് ഗവേഷകരെ ഉദ്ധരിച്ച് അന്തര് ദേശീയ മാധ്യമമായ സി.എന്.എന് റിപ്പോര്ട്ട് ചെയ്യുന്നു.
വൂഹാനിലെ ഷാങ്ക മുനിസിപ്പല് ആശുപത്രിയില് കോവിഡ് ചികിത്സയിലായിരുന്ന 38 പുരുഷന്മാരില് ഒരു സംഘം ചൈനീസ് ഗവേഷകര് നടത്തിയ പരിശോധനയിലാണ് ബീജത്തിലെ കൊറോണ വൈറസ് സാന്നിധ്യം കണ്ടെത്തിയത്. ഇവരില് 16 ശതമാനം പേരുടെ ബീജത്തിലും കൊേറാണ സാന്നിധ്യം കണ്ടെത്താന് ഗവേഷകര്ക്ക് സാധിച്ചുവെന്ന് ജാമ നെറ്റ്വര്ക്ക് ഓപണ് ജേണലില് പ്രസിദ്ധീകരിച്ച റിപ്പോര്ട്ടില് പറയുന്നു.
പരിേശാധനക്ക് വിധേയരാക്കിയവരില് കാല് ഭാഗം രോഗികള് കോവിഡ് ഗുരുതരമായി ബാധിച്ചവരും ഒമ്ബത് ശതമാനം പേര് രോഗത്തില് നിന്ന് മുക്തി നേടിക്കൊണ്ടിരിക്കുന്നവരുമായിരുന്നു. വൈറസ് പെരുകില്ലെങ്കിലും അത് ബീജത്തില് നില നില്ക്കുമെന്ന് റിപ്പോര്ട്ടില് പറയുന്നു. എന്നാല് ഇതുവഴി വൈറസ് പടരുമോ എന്ന കാര്യം വ്യക്തമല്ല.
എബോളയും സിക്ക വൈറസുമൊക്കെ ബാധിച്ച പുരുഷന്മാരുടെ ബീജത്തില് രോഗമുക്തി നേടി മാസങ്ങള്ക്ക് ശേഷവും വൈറസ് സാന്നിധ്യം കണ്ടെത്തിയിരുന്നു അതുകൊണ്ടുതന്നെ ആരോഗ്യ മേഖലയെ വീണ്ടും പ്രതിരോധത്തിലാക്കുകയാണ് പുതിയ പഠനം..
https://www.facebook.com/Malayalivartha
