ന്യൂസിലൻഡിനെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ കൂറ്റൻ സ്കോറിലേക്ക്...

ന്യൂസിലൻഡിനെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ കൂറ്റൻ സ്കോറിലേക്ക്. ഋഷഭ് പന്ത് (128) കൂടി സെഞ്ചുറി നേടിയതോടെ ഇന്ത്യൻ സ്കോർ 650 കടന്നു. നിലവിൽ ആറ് വിക്കറ്റ് നഷ്ടത്തിൽ 669 റൺസാണ് ഇന്ത്യ നേടിയത്. 301 റൺ ലീഡായി. അർധസെഞ്ചുറി നേടിയ ധ്രുവ് ജുറെലും വാഷിങ്ടൺ സുന്ദറുമാണ് ക്രീസിലുള്ളത്.
നാലാം ദിനം നാല് വിക്കറ്റ് നഷ്ടത്തിൽ 486 റൺ എന്ന നിലയിൽ നിലയിലാണ് ഇന്ത്യ ആരംഭിച്ചത്. പന്തും അൻഷുൽ കാംബോജും ചേർന്ന്
സ്കോറിങ് വേഗത്തിലാക്കി. സ്കോർ 550 കടന്നതിന് പിന്നാലെ 42 പന്തിൽ നിന്ന് 38 റൺസെടുത്ത കാംബോജ് വീണു. പന്തിനൊപ്പം അഞ്ചാം വിക്കറ്റിൽ 68 റൺസിന്റെ കൂട്ടുകെട്ടുണ്ടാക്കിയ ശേഷമാണ് താരം മടങ്ങിപ്പോയത്.
പിന്നാലെ എത്തിയ ധ്രുവ് ജുറെലും പന്തിന് മികച്ച പിന്തുണ നൽകുകയും ചെയ്തു. സെഞ്ചുറി പൂർത്തിയാക്കിയതിന് പിന്നാലെ പന്ത് വിക്കറ്റിന് മുന്നിൽ കുടുങ്ങി. ആറ് സിക്സും പത്ത് ഫോറും ഉൾപ്പെടെ 153 പന്തിൽ നിന്നും 128 റൺസ് നേടിയാണ് പന്ത് മടങ്ങിയത്. ആറാം വിക്കറ്റിൽ ജുറെലും പന്തും ചേർന്ന് 75 റൺസ് അടിച്ചെടുക്കുകയും ചെയ്തു.
സെഞ്ചുറി നേടിയ കെ എൽ രാഹുൽ (290 പന്തിൽ 136), ക്യാപ്റ്റൻ ശുഭ്മാൻ ഗിൽ (146 പന്തിൽ 98), അർധസെഞ്ചുറി നേടിയ ദേവ്ദത്ത് പടിക്കൽ (175 പന്തിൽ 80), യശസ്വി ജയ്സ്വാൾ (89 പന്തിൽ 85) എന്നിവരുടെ ഇന്നിങ്സാണ് ഇന്ത്യയെ കൂറ്റൻ സ്കോറിലേക്ക് നയിച്ചിരിക്കുന്നത്.
"
https://www.facebook.com/Malayalivartha

























