ഷീ ചിങ്ങ് കുപ്പിക്കഴുത്തില് ; വൈറസിന്റെ ഉദ്ഭവത്തെപ്പറ്റി കൃത്യമായ വിവരം കൈമാറിയില്ലെങ്കില് ചൈനയ്ക്കെതിരെ ഉപരോധത്തിനു യുഎസ് പ്രസിഡന്റിന് അധികാരം നല്കണമെന്നാവശ്യപ്പെട്ട് 9 സെനറ്റര്മാര് ബില് അവതരിപ്പിച്ചു
ചൈനയെ ഉപരോധിക്കാന് യുഎസ് നീക്കം. 'ആസ്തികള് മരവിപ്പിക്കും, യാത്രാവിലക്കും. കൊറോണ വൈറസിന്റെ ഉദ്ഭവത്തെപ്പറ്റി കൃത്യമായ വിവരം കൈമാറിയില്ലെങ്കില് ചൈനയ്ക്കെതിരെ ഉപരോധത്തിനു യുഎസ് പ്രസിഡന്റിന് അധികാരം നല്കണമെന്നാവശ്യപ്പെട്ട് 9 സെനറ്റര്മാര് ബില് അവതരിപ്പിച്ചു.
യുഎസിന്റെയോ ലോകാരോഗ്യ സംഘടനയുടെയോ നേതൃത്വത്തിലുള്ള അന്വേഷണസംഘത്തിന് ചൈന പൂര്ണ വിവരങ്ങള് കൈമാറിയതായി 60 ദിവസത്തിനകം പ്രസിഡന്റ് കോണ്ഗ്രസിനെ രേഖാമൂലം അറിയിക്കണമെന്ന് ലിന്ഡ്സെ ഗ്രഹാം അവതരിപ്പിച്ച ബില്ലില് പറയുന്നു. ചൈന നിസ്സഹകരിച്ചാല് അവരുടെ ആസ്തികള് മരവിപ്പിക്കാനും യാത്രാവിലക്ക് ഏര്പ്പെടുത്താനും പ്രസിഡന്റിന് അധികാരം നല്കാന് നിയമം ശുപാര്ശ ചെയ്യുന്നു. ചൈനയിലെ പരീക്ഷണ ശാലയില് നിന്നോ കമ്പോളത്തില് നിന്നോ ആണ് വൈറസിന്റെ പിറവിയെന്ന് ഉറപ്പാണെങ്കിലും പരിശോധനയ്ക്ക് അവര് അനുവദിക്കുന്നില്ലെന്ന് ചൂണ്ടിക്കാട്ടിയ സെനറ്റര്മാര്, ഭവിഷ്യത്തു നേരിടേണ്ടിവരുമെന്നു ചൈനയ്ക്ക് താക്കീതു നല്കണമെന്നും ആവശ്യപ്പെട്ടു. 20 വര്ഷത്തിനുള്ളില് മാരകമായ 5 മഹാമാരികളെങ്കിലും ചൈനയില്നിന്ന് പിറവിയെടുത്തിട്ടുണ്ടെന്നു യുഎസ് ദേശീയ ഉപദേഷ്ടാവ് ചൂണ്ടിക്കാട്ടി.
ഇതിനിടെ, ലോകാരോഗ്യ സംഘടനയില് നിന്നു തയ്വാനെ പുറത്താക്കിയതും ആരോഗ്യമേഖലയിലെ വിവരങ്ങള് കൈമാറാന് അവരെ അനുവദിക്കാതിരുന്നതുമാണ് കൊറോണ വൈറസ് പരക്കാനുള്ള കാരണമെന്ന് ഉന്നത യുഎസ് സംഘം വിലയിരുത്തി.
https://www.facebook.com/Malayalivartha