കൊറോണ ഈ തലമുറയുടെ പോളിയോ : രോഗം വന്നു പോയാലും ആശ്വസിക്കാനാകില്ല ; രോഗികള്ക്ക് നീണ്ടു നില്ക്കുന്ന ആരോഗ്യപ്രശ്നങ്ങളുണ്ടാകും
കൊറോണ ലോകത്തെ മാറ്റിമറിയ്ക്കുമെന്ന് പഠനം. കൊറോണ വന്നു പോയാല് കഴിഞ്ഞല്ലോ ഇങ്ങനെ ആശങ്കപ്പെട്ട് ജീവിക്കുന്നതിലും ഭേദമാണ് എന്ന് കരുതുന്നവരറിയാന്.. കൊറോണ വന്നു പോയാല് പത്തുവര്ഷത്തോളം അതിന്റെ ആരോഗ്യ പ്രശ്നങ്ങള് ശരീരത്തെ ബാധിക്കുമെന്നാണ് പഠനങ്ങള് പറയുന്നത്. മുന്പ് ചിക്കുന് ഗുനിയ വന്നവര് ആരോഗ്യ പ്രശ്നങ്ങള് അനുഭവിച്ചതു പോലെ കൊറോണാനന്തര ജീവിതവും അത്ര സന്തോഷകരമല്ല എന്നാണ് വിലയിരുത്തല്.
കൊറോണയ്ക്ക് ശേഷമുള്ള മനുഷ്യന്റെ ആരോഗ്യ അവസ്ഥകളെപ്പറ്റി കൂടുതലും പഠനങ്ങള് നടന്നത് ചൈനയിലാണ്. നിരവധി രോഗികളെ പരിശോധിച്ചതില് നിന്നും വെളിപ്പെടുന്നത് ആശങ്കാജനകമായ കാര്യങ്ങളാണ്. ഭൂരിഭാഗം പേരുടേയും ശ്വാസകോശങ്ങള് പഴയതു പോലെ പ്രവര്ത്തിക്കുന്നില്ല. ആരോഗ്യമുള്ള ഒരു മനുഷ്യന്റെ ശ്വാസകോശത്തിന്റെ പ്രവര്ത്തനത്തേക്കാള് കുറഞ്ഞ ശതമാനത്തിലാണ് കൊറോണ രോഗം വന്നു പോയവരുടെ ശ്വാസ കോശം പ്രവര്ത്തിക്കുന്നത്. സ്വാഭാവികമായും ശ്വസന പ്രക്രിയയെ ഇത് ബാധിക്കുന്നു. അങ്ങനെ മുഴുവന് ശരീരത്തെയും.
രോഗപ്രതിരോധ ശേഷിയുള്ള ഒരു ശരീരം കൊറോണയെ നേരിടുന്നത് സകല ശക്തിയുമെടുത്താണ്. അതുകൊണ്ട് തന്നെ ആ സംവിധാനത്തിന്റെ പ്രവര്ത്തന ക്ഷമതയെ ഇത് പിന്നോട്ടടിക്കുന്നു. ഭാവിയില് രോഗങ്ങള് എളുപ്പം പിടിപെടാനുള്ള സാദ്ധ്യതകളുണ്ട്. ഒപ്പം ഹൃദയസംബന്ധമായ അസുഖങ്ങള്ക്കും കാരണമാകുന്നു. ഇന്നത്തെ ലോകക്രമത്തെയും മനുഷ്യ ജീവിതത്തെയും കമ്പനികളേയും സര്ക്കാരിന്റെ പ്രവര്ത്തനങ്ങളേയും ഒക്കെ മാറ്റിമറിക്കുന്ന രീതിയിലാണ് കൊറോണയുടെ വ്യാപനം. ശാരീരികമായ മാറ്റങ്ങള്ക്ക് അനുസരിച്ച് ആരോഗ്യ ഇന്ഷുറന്സുകളുടെ സ്വഭാവങ്ങള്ക്ക് മാറ്റം വരുന്നു. കൊറോണയ്ക്കനുസരിച്ച് സര്ക്കാരിന്റെ പ്രവര്ത്തനങ്ങള് , സര്ക്കാര് ഓഫീസുകളുടെ പ്രവര്ത്തനങ്ങള്, കമ്പനികളുടെ പ്രവര്ത്തനങ്ങള് ഇവയ്ക്കെല്ലാം മാറ്റങ്ങള് ഉണ്ടാകും. അതായത് ലോകം കൊറോണയ്ക്ക് മുന്പും പിന്പും എന്നൊരു വിഭജനം ഉണ്ടാകുമെന്ന് ചുരുക്കം. അതുകൊണ്ട് തന്നെ കൊറോണയെ ഈ തലമുറയുടെ പോളിയോ എന്നാണ് ഡോക്ടര്മാര് വിളിക്കുന്നത്.
https://www.facebook.com/Malayalivartha