കോവിഡ് 19 മഹാമാരി മനുഷ്യനിര്‍മ്മിതമാണെന്നും അല്ല എന്നും വാദങ്ങള്‍ നിലനില്‍ക്കെ സ്വാര്‍ത്ഥ താല്പര്യങ്ങള്‍ നടപ്പിലാക്കാന്‍ ഏതറ്റം വരെയും പോകാന്‍ തയ്യാറുള്ള രാജ്യം തന്നെയാണ് ചൈന എന്ന നിലപാട് ഒന്ന് കൂടി ഊട്ടിയുറപ്പിക്കാവുന്ന സ്ഥിതിയിലേക്കാണ് കാര്യങ്ങള്‍ പോകുന്നത് .അതിനു പ്രധാന കാരണം തന്നെ ചൈന ഈ രോഗവിവരങ്ങള്‍ അന്താരാഷ്ട്ര സമൂഹത്തില്‍ നിന്നും മറച്ചു വച്ചു എന്നുള്ളത് തന്നെയാണ് .തങ്ങളെ പ്രതിസ്ഥാനത്തു നിര്‍ത്തി വിചാരണ നടത്താനുള്ള അമേരിക്കന്‍ ഭരണകൂടത്തിന്റെ മോഹം ഏതു വിലകൊടുത്തും തടയാന്‍ തന്നെയാണ് ഒരു യുദ്ധ സമാനമായ അന്തരീക്ഷം മുന്നില്‍ കണ്ടു കൊണ്ട് തന്നെ ചൈന നീങ്ങുന്നത് .ഒരു അയല്‍ രാജ്യമെന്ന പരിഗണനയ്ക്കപ്പുറം മറ്റൊന്നും തന്നെ ഇന്ത്യ ചൈനയ്ക്കു നല്‍കേണ്ടതില്ല എന്ന നയതത്രനിലപാടിലേക്ക് ഇന്ത്യയും നീങ്ങുന്നു എന്നതും ചൈനയ്ക്ക് വ്യക്തമായ കാര്യമാണ് .അമേരിക്കയുമായുള്ള ഇന്ത്യയുടെ പ്രതിരോധ വ്യാപാരമുള്‍പ്പടെ ചൈനയെ ഏറെ
അസ്വസ്ഥപ്പെടുത്തിയ ഒട്ടനവധി കാര്യങ്ങള്‍ ഉണ്ട് എന്ന് തന്നെയാണ് മുന്‍ നയതന്ത്ര വിദഗ്ദ്ധര്‍ വിശകലനം ചെയ്തു വരുന്നത് .

കോവിഡ് രോഗികളുടെ എണ്ണത്തില്‍ കൊറോണ വൈറസിന്റെ ഉത്ഭവ കേന്ദ്രമായ ചൈനയെ മറികടന്ന് ഇന്ത്യ എത്തുമ്പോള്‍ അമേരിക്കയെ പോലെ പരസ്യമായി തുറന്ന പോരില്‍ ഏര്‍പ്പെടുന്നില്ലെങ്കിലും ശക്തമായ പ്രതികരണം ഉണ്ടായേക്കും എന്ന് തന്നെയാണ് ലോകരാജ്യങ്ങള്‍ കണക്ക് കൂട്ടുന്നത് . രാജ്യത്ത് രോഗ ബാധിതരുടെ എണ്ണം 85,000 കടന്നു എന്നത് ഏറ്റവുമധികം ആശങ്ക ഉളവാക്കുന്ന കാര്യവുമാണ് . കോവിഡ് ബാധിതരുടെ എണ്ണത്തില്‍ ഇന്ത്യ പതിനൊന്നാം സ്ഥാനത്തെത്തിയിരിക്കുകയാണ് . ഇത് വരെ 85,546 പേര്‍ക്കാണ് കോവിഡ് സ്ഥിരീകരിച്ചതെന്ന് വാര്‍ത്താ ഏജന്‍സി റിപ്പോര്‍ട്ട് ചെയ്തു. 2746 പേരാണ് കോവിഡ് ബാധിച്ച് മരിച്ചത്. എന്നാല്‍ ചൈനയെ അപേക്ഷിച്ച് ഇന്ത്യയുടെ മരണനിരക്ക് കുറവാണ് എന്നതാണ് ഇപ്പോഴും ഇന്ത്യയ്ക്ക് ആശ്വാസം പകരുന്നത് സമൂഹവ്യാപനം ലോക്ക് ഡൗണ്‍ മൂലം ഉണ്ടായിട്ടില്ല എന്നാണ് പ്രധാനമന്ത്രി പറഞ്ഞിരുന്നത് എന്നാല്‍ ,മഹാരാഷ്ട്രയിലെയും ഗുജറാത്തിലെയും മരണനിരക്കുകള്‍ ഭീതിയുണ്ടാക്കും വിധം വര്‍ധിച്ചു കൊണ്ടിരിക്കുകയാണ് .ചൈനയുടെ കെടുകാര്യസ്ഥതയുടെ ഫലം ഇന്ത്യയും അനുഭവിക്കുന്നതിന്റെ ഉത്തമ ഉദാഹരണമാണ് വര്‍ധിച്ചു വരുന്ന രോഗികളുടെ കണക്ക് .
അമേരിക്ക ഇതിനോടകം തന്നെ ലോകരാഷ്ട്രങ്ങളെ കൂട്ടുപിടിച്ച് ചൈനയുടെ പ്രവര്‍ത്തനത്തെ വിമര്‍ശിക്കുകയും ഒറ്റപ്പെടുത്തുവാന്‍ ശ്രമിക്കുകയും ചെയുന്നുണ്ട് .സമാനമായി കോവിഡ് ഭീതിയില്‍ ദുരിതമനുഭവിക്കയുന്ന യൂറോപ്പ്യന്‍ രാജ്യങ്ങള്‍ പോലും അമേരിക്കയുമായി ഉടക്ക് ഉണ്ടാക്കുന്ന സാഹചര്യമുണ്ടായി എന്നതാണ് മറ്റൊരു സവിശേഷത .ഡബ്ല്യൂ എച്ച് ഒ പക്ഷപാദം കാണിക്കുകയാണ് എന്ന നിലപാടില്‍ നിലയുറച്ചു അമേരിക്ക നില്‍ക്കുമ്പോഴും മറ്റൊരു മുതെലെടുപ്പിനു സാധ്യതയുണ്ടോ എന്നതാണ്
ചൈന ഈ പ്രതിസന്ധിക്കിടയിലും കണ്ടെത്താന്‍ ശ്രമിക്കുന്നത് .ചേരി ചേരാ നയങ്ങളുടെ ഭാഗത്തു നിലക്കുന്ന ഇന്ത്യയെ കൂട്ടുപിടിക്കാന്‍ അമേരിക്കയ്ക്ക് മൊത്തമായി കഴിഞ്ഞിട്ടില്ല എന്നതും ചൈനയെ ആശ്വസിപ്പിക്കുന്ന കാര്യമാണ് .എന്നാല്‍ രോഗികളുടെ എണ്ണത്തില്‍ കര്‍ശന നിയന്ത്രണം ഉണ്ടായിട്ടും 85000 കടന്നത് പല പുതിയ തീരുമാങ്ങളും കൈക്കൊള്ളാന്‍ ഇന്ത്യയെ പ്രേരിപ്പിച്ചേക്കാം എന്നാണ് കണക്കുകൂട്ടല്‍